Europako Batzordeko presidente Jean-Claude Junckerrek esan du Europar Batasuneko herrialdeek 160.000 errefuxiatu hartu beharko dituztela, Europar Batasunaren populazioaren %0,11. Grezia, Italia eta Hungarian ordea, 470.000 paper gabeko iheslari daude.
Errefuxiatuak birkokatzeko Europako Batzordeak proposatu du, besteak beste, Espainiak 15.000 jasotzea eta Frantziak 25.000. Errefuxiatu gehienak Alemaniara iritsiko lirateke, 31.000 inguru.
Europar Batasuneko Justizia eta Barne ministroek bilera egingo dute Bruselan irailaren 14an errefuxiatuen krisiaren inguruko “irtenbideez” eta “iniziatiba berriez” hitz egiteko, eta Europako Batzordearen oharrak ere izango dituzte eztabaidagai.
Junckerrek Afrikako herrialdeetarako 1.800 milioiko larrialdizko diru poltsa sortzea proposatu du, “immigrazio ilegala” eta “herrialde horietako ezegonkortasuna” gelditzeko. Europako Batzordeko presidenteak immigrazioa legeztatu behar dela gaineratu du eta “Europara iristeko bide legalak garatu" behar direla.
Espainiak 257 milioi jasoko ditu migraziora bideratzeko
Europako Batzordeak FAMI –Asilo, Migrazio eta Integrazio zentroak –bitartez, 2.400 milioi euro bideratuko ditu Europako 23 herrialdeen artean migrazioaren krisia finantzatzeko. Espainiako Estatuak 257 milioi jasoko ditu. Italia eta Greziaren atzetik, diru gehien jasotzen duen herrialdea da. Joan den uztailean, Europako Batzordeak esleitu zizkion errefuxiatuen erdiak onartu zituen Espainiak.
Errefuxiatuak Europar Batasuneko atean pilatuta
Hungarian errefuxiatu ugari pilatzen ari da azkeneko asteetan. Urtea hasi zenetik 165.000 pertsona iritsi dira Hungariara. Gehienak Alemania, Austria edota Suedia daukate helburu. Serbia eta Hungariaren mugan dagoen Röszkeko herria konzentrazio eremuan bihurtzen ari da, zenbait komunikabideen arabera.
Hungariara iritsi ahal izateko bide luzea daukate errefuxiatuek: 3.000 euro ordaindu behar dituzte Turkiatik Greziarako muga zeharkatzeko. Ondoren Mazedonia eta Serbia zeharkatu behar dute Hungariara iristen diren arte, Público egunkari espainiarrean gazte batek dioenez. Lurrean edo kanpin denda batean lo egiten dute, eta motxilan daramaten janari eskasaz elikatzen dira.
Poliziek errefuxiatuak identifikatzen badituzte ezin dute Suediara iritsi, Dublineko hitzarmenak eragozten baitie. Europar Batasunak 1990. urtean sinatutako akordioak dio “asilo-eskatzaileak beren eskaera sartzen diren Batasuneko lehen herrialdean eskatzera behartzen ditu, nahiz eta hizkuntza ez jakin eta kultura-kidetasunik ez izan”. Horregatik ez dute poliziaren bulegoetatik pasa nahi. Horri guztiari errefuxiatuek deportatzeko daukaten arriskua gehitu behar zaio.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]