ETBk "Cuadrilla busca cita" saioa kenduko du, eduki sexistarengatik kritikak jaso ostean
ETBk erretiratu egingo du "Cuadrilla busca cita" saioa. Reality-showaren eduki sexista dela-eta polemika izan da aste honetan.
Kate publikoak erabakiaren berri emateko argitaratu duen oharrean azaldu duenez, EITBren betebeharra da "interes taldeak" entzutea, hartara iritzi publikoarekin ahalik eta modu onenean konektatzeko.
Saioaren eduki sexista dela-eta sortu den polemika kontuan izanda, EITBk adierazi du "gizarte demokratiko baten printzipio eta baloreak" errespetatuz eta profesionalen sormen-askatasuna babestuz jardun duela zuzendaritzak.
"Hainbat eragile sozialekin izandako elkarrizketek" eraman dute ETB saioa kentzera. Era berean, oharrean eskerrak eman dizkiote saioaz arduratu den ekoiztetxeari, egoera "bideratzeko" erakutsitako jarrerarengatik.
EITBk bestelako oharra argitaratu zuen aste honetan bertan, saioak legea errespetatzen zuela esanez eta programaren edukia justifikatuz.
Geroztik kritikak ugaritu egin dira, EAEko oposizioko alderdi gehienek eskatu dute saioa kentzeko eta Euskal Herriko Mugimendu Feministak manifestazioa deitua zuen larunbatean eskari berarekin.
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]
2021az geroztik, ETBko zuzendaria da Unai Iparragirre. Telebista kateetako edukien ardura da berea, baina baita plazaratu berri duten Primeran plataformarena ere. Jaiotza horren aitzakian hartu gaitu Bilboko egoitzan duen bulegoan.