Esako urtegiak mugitzen jarraitzen du
Ebroko Ur Konfederazioko (CHE) azken txostenen arabera Esako urtegiaren eskuin hegala mugitzen ari da 25 milioi euroko kostua izan duten 8 hilabeteko lan etengabeen ondotik.
10 milioi euroko egonkortze lanen lehen fasea amaitu ostean, uztailean bigarren faseari ekin zioten horretarako beste 15 milioi euroko inbertsioa eginez. Urte amaierarako lan horiek amaitzea aurreikusita egon arren, irailean ezegonkortasuna itzuli zen Esako inguruetara.
CHEren neurketa aparailuek Esaren eskuin hegalean “mugimendu arinen areagotzea” gertatzen ari dela erakusten duten zantzuak daudela jasotzen da irailaren 27ko informean. Otsailean haien etxeak uztera behartu zituzten 50 familiek etxetik kanpo jarraitzen dute; eta kezkatuta agertu dira azken mugimenduen berri izan dutenean.
Milioi bat metro kubiko lur deskargatu dira urtegiaren eskuin hegaleko lurra eta bertan sortzen ari ziren pitzadurak egonkortzeko. 25 milioi euro gastatu dira honezkero eta badirudi arazoa ez dela konpondu.
Geologoek diotenez Esa zartatzen ari da, baina ez masa uniforme baten moduan, heterogeneoki baizik. Ondorioz, urtegiaren zonalde batzuek maila egonkorra lortu duten arren, beste puntu batzuetan pitzadura handitzen joan daiteke, hilabete bakoitzean hainbat milimetro irekitzeraino.
"Segurtasun faltagatik" geldirik daude Esa urtegia handitzeko lanak Rio Aragon Elkartearen esanetan. Lan horien kontratua eteteko eta proiektua berrikusteko eskatu du talde horrek. "Bideragarritasun eza" onartzeko eskatu diote Ebroko Ur Konfederazioari.
Lanak duela 22 urte hasi ziren, baina urtegiaren eraikuntzak hamaika arazo izan ditu, eta oraindik lanek atzera-aurrera jarraitzen dute. Rio Aragón elkartearen eskaerari erantzunez, lanak 2027an bukatzea aurreikusten duela erantzun du CHE Ebroko Konfederazio... [+]
Ikerketa geologikoek behin baino gehiagotan ohartarazi dute, eta, orain, satelite bidezko zaintzatik heldu da abisua: Esako urtegia ez da egonkorra. Copernicusek, Lurra behatzeko Europako Batasunak abian jarritako programak, "mugimendua" antzeman du urtegiaren... [+]
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Urtegiaren eskuin hegalak desegonkor jarraitzen duela eta, beraz, arrisku maila bat dagoela ondorioztatzen du. Txostena Ingeotyc enpresako Valentin Ibarra eta Tomas Morales geologoek egin dute Zangozako Udalaren enkarguz.