Zer gertatuko litzateke Esako urtegia lehertuko balitz?
Esako urtegia lehertuko balitz inguruan dauden herriek jasango luketen ondorioak erakusten dituen bideo-simulazioa egin dute. Ura nola zabalduko litzatekeen erakusten du Zaragozako Unibertsitateko irakasle eta geologo Antonio Casasek egindako lanak.
Urtegian gerta daitekeen leherketa arriskua erreala dela defendatzen du Casasek, egin dituen ikerketak oinarri hartuta. Esa handitzearen aurkako borrokagatik ezaguna da irakasle eta geologoa.
Ebroko Ur Konfederazioko (CHE) txostenen arabera Esako urtegiaren eskuin hegala mugitzen ari da. 25 milioi euroko kostua izan duten 8 hilabeteko lan etengabeen ondotik datoz datu hauek. Ondorioz, urtegiaren zonalde batzuek maila egonkorra lortu duten arren, geologo batzuek diote beste puntu batzuetan pitzadura handitzen joan daitekeela, hilabete bakoitzean hainbat milimetro irekitzeraino.
Urtegia handitzearen aurka azaldu dira Nafarroako eta Aragoiko hainbat kolektibo eta herritar. Duela bi urte Esaren handitze lanei buruzko erreportajea plazaratu genuen ARGIAn, Artieda herriko bizilagunen erresistentzia ardatz.
Maiatzaren 31ean, datorren larunbatean, manifestazioa egingo dute Iruñean urtegiaren handitzearen aurka. Yesa+no Lanak gelditu, Rio Aragon eta URA-Nueva Cultura elkarteek antolatu dute eta 17:30ean aterako da autobus estaziotik.
"Segurtasun faltagatik" geldirik daude Esa urtegia handitzeko lanak Rio Aragon Elkartearen esanetan. Lan horien kontratua eteteko eta proiektua berrikusteko eskatu du talde horrek. "Bideragarritasun eza" onartzeko eskatu diote Ebroko Ur Konfederazioari.
Lanak duela 22 urte hasi ziren, baina urtegiaren eraikuntzak hamaika arazo izan ditu, eta oraindik lanek atzera-aurrera jarraitzen dute. Rio Aragón elkartearen eskaerari erantzunez, lanak 2027an bukatzea aurreikusten duela erantzun du CHE Ebroko Konfederazio... [+]
Ikerketa geologikoek behin baino gehiagotan ohartarazi dute, eta, orain, satelite bidezko zaintzatik heldu da abisua: Esako urtegia ez da egonkorra. Copernicusek, Lurra behatzeko Europako Batasunak abian jarritako programak, "mugimendua" antzeman du urtegiaren... [+]
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Urtegiaren eskuin hegalak desegonkor jarraitzen duela eta, beraz, arrisku maila bat dagoela ondorioztatzen du. Txostena Ingeotyc enpresako Valentin Ibarra eta Tomas Morales geologoek egin dute Zangozako Udalaren enkarguz.