EH Bilduk iragarri du osoko zuzenketa aurkeztuko diela Eusko Jaurlaritzaren aurrekontuei

  • EAJk PPrekin hitzartu dituen aurrekontuei osoko zuzenketa aurkeztuko diela jakinarazi du EH Bilduk, “Euskal Herritik kanpo eta ezkutuan” negoziatu dituztelako. Podemosek esan du aurrekontuek “desoreka” ekarriko dutela EAEra eta EAJk, berriz, ziurtatu du PPrekin negoziatu duela EH Bilduk eta Podemosek ez dutelako negoziaketarako aukerarik eman.

Ane Eslava Serrano @eslavaane
2017ko martxoaren 21a
Iker Casanova eta Leire Pinedo EH Biludko legebiltzarkideak (Arg.: @ehbildu)

Iker Casanova eta Leire Pinedo EH Bilduko legebiltzarkideek eman dute koalizioaren erabakiaren berri: “Aurrekontuek ez diete herritarren beharrei erantzuten eta ezinbestekoa den zerga erreformaren alorrean iruzur baten atarian kokatzen gaituzte”, salatu dute.

EAJk “Espainiara eta eskuinera” begiratzea eta negoziatzeko borondaterik ez izatea kritikatu dute: “Txeke zuri bat eskatu zigun eta ez diogu eman. Gure proposamen egingarri eta neurtuak ez ditu onartu nahi izan”. “Arduraz” jokatzeko, aurrekontuei ezetz esan behar dietela azaldu dute.

Podemosek ere kritikatu du EAJren jokabidea: “Tamalez, aurrekontuetan estatuan dagoen desoreka Euskadira ekarriko dute: murrizketak, mesedeak, kromo trukaketak”. Aurreko astean jakinarazi zuen aurrekontuak onartuz gero, osoko zuzenketa aurkeztuko ziela.

Jeltzaleek, berriz, esan dute popularrekin negoziatu dutela “Podemos alde batera geratu delako eta Ezker Abertzaleak ez duelako benetan negoziatu nahi izan”. Estatuko aurrekontuei buruz ere mintzatu dira: “Helburu bakarrarekin egingo diogu aurre negoziaketari: Euskadira ahal dugun guztia ekartzea”.

Astelehenean sinatu zuten akordioa Pedro Azpiazu Ogasun eta Ekonomia Sailuburuak eta Antón Damborenea PPren Ekonomia bozeramaileak. Popularrek aurrekontuen bozketan abstenitzeko konpromisoa hartu zuten, hainbat aldaketa egiteko hitzematearen truke. Sinatzaileen arabera, akordio “positiboa” izan da.

Kanal hauetan artxibatua: Aurrekontuak  |  EAJ  |  EH Bildu  |  EAE

Aurrekontuak kanaletik interesatuko zaizu...
2018-01-04 | Andoni Mikelarena
Montorok agindutakoa baino 780 milioi euro gutxiago itzuliko dizkio Kataluniari

Espainiako Ogasun Ministerioak agindutakoa baino 780 milioi euro gutxiago itzuliko dizkio Kataluniari. Aurrekontuak ez onartu izanari egotzi dio errua Montorok.


2018-01-02 | Andoni Mikelarena
EAJk Espainiako Aurrekontuak babestuko dituela uste du De Guindosek

Katalunian Gobernua osatzen denean, iaz egin bezala, EAJk Espainiako Aurrekontuak aurrera aterako dituela uste du Espainiako Ekonomia Ministroak.


2017-12-27 | Uriola.eus
Murrizketa sozialek pardelarekin uzten gaituztela salatu dute

‘Murrizketa sozialen, gastu militarraren eta AHTren lanen inuzentekeriek horrela uzten gaituzte’ lelopean pardeletan gelditu dira Bilboko Kale Nagusian eskubide sozialen aldeko erakundeetako partaideak.


Hamar urtean erdira jaitsi da

Urtearen amaierak erreforma fiskala ekarri die opari Araba, Gipuzkoa eta Bizkaiko enpresei: Sozietate Zerga lau puntu jaitsiko da, EAJ, PSE eta PPren arteko itunari esker. Lehiakortasunaz eta erakargarritasunaz hitz egiten dutenentzat beharrezkoa omen. Baina egiaz, zenbat ordaintzen dute enpresek? Eta nola eragin dezake zerga atzerakadak gastu publikoan, ongizatean eta enpleguan? Datuak eskuan, oinarrizko galdera batzuk erantzuten saiatuko gara.


2017-12-22 | ARGIA
2018ko Aurrekontu Legea onartu dute EAJk eta PSEk, PPren abstentzioari esker

Eusko Legebiltzarrean ostiral goizean egindako osoko bilkuran aurrera atera dira datorren urterako Eusko Jaurlaritzak proposatutako aurrekontuak. Horretarako PPren abstentzioa beharrezkoa izan dute gobernua osatzen duten EAJk eta PSEk.


2017-12-21 | ARGIA
Nafarroako Parlamentuak 2018ko Aurrekontuak onartu ditu

Geroa Bai, EH Bildu, Ahal Dugu eta Ezkerraren aldeko botoekin aurrera atera dituzte Nafarroako Foru Erkidegoko datorren urterako aurrekontuak. UPNk, PPk eta PSNk kontra bozkatu dute.


2017-12-17 | Juan Mari Arregi
Hezkuntzan inbertitzea errentagarria da

Hezkuntzan inbertitzea –eta ez soilik unibertsitarioan– errentagarria da herri batentzat eta bere jendartearentzat. Etorkizuna hezkuntzaren bidez eraikitzen da.


2017-12-13 | Andoni Mikelarena
Aitor Estebanek Montorori eskatu dio oraindik ez ditzala 2018ko aurrekontuak aurkeztu

EAJk ohartarazi dio Rajoyri ez dutela aurrekontuez hitz egingo 155. artikuluak indarrean jarraitzen duen bitartean. Abenduaren 21eko hauteskundeen ondoren utzi liezaioke Espainiako Gobernuak artikulua aplikatzeari.


2017-12-10 | Juan Mari Arregi
Gutxiengo sozial baten zerbitzura

Aurrekontuak erabakitzeko atarian gaude EAEn: ez dira sozialak, ez subiranoak, eta are gutxiago parte hartzaileak.


2017-11-30 | Juan Mari Arregi
Gutxiengo sozial baten zerbitzura

Aurrekontuak erabakitzeko ataritan gaude EAEn: ez dira sozialak, ez subiranoak, eta are gutxiago parte hartzaileak. Nola definitu dezakegu Aurrekontu Orokorrak helburutzat dituen gobernu bat, horretarako ez baditu kontuan hartzen sektore sozial handi bat ordezkatzen duten sindikatuak? Nola, hauen kontrako norabidean egiten baditu legeak? Eta herri honen zati handi bat ordezkatzen duten alderdi politikoekin negoziatzeko atea ixten badu, zer esan dezakegu gobernu horretaz? Zalantzarik gabe... [+]


Eguneraketa berriak daude