Vic herrian atxilotu duten CUPeko zinegotzi Joan Comari babesa emateko elkarretaratzea egin dute Auzitegi Nazionalaren aurrean. Kataluniatik autobusez gerturatutako jende ugari egon da bertan poliziek identifikatu eta kanporatu dituzten arte.
CUP alderdiko diputatu, diputatu ohi, zinegotzi eta idazkaritza nazionaleko kide ugari bildu dira Madrilen, besteak beste, Anna Gabriel eta David Fernandez.
Ustezko sedizio delitu batengatik deklaratu beharko du Comak epailearen aurrean. Udaleko osoko bilkuran independentzia lortzeko “arrautzak puskatzera” dei egiteagatik atxilotu dute.Auzitegi Nazionalean deklaratzeari uko egin zion Comak bi aldiz eta horregatik atxilotu dute orain. Mossoek Guardia Zibilaren esku utzi dute atxilotua Madrilera eramateko eta baliteke gaur deklaratzea.
Zinegotziak etxean ez atxilotzea itundu zuen poliziarekin, seme-alabek ikus ez zezaten. Udaletxera joan eta bertatik Posta bulegorako bidea egin zuen hainbat lagunekin batera, tartean Anna Erra alkatea. Bertan atxilotu zuten Mossoek.
Auzitegi Nagusiko Ismael Moreno epaileak poliziari Comaren interbentzio publiko eta sare sozialetako mezuei buruz informatzeko eskatu zion, zinegotziak “desobedientzia kolektiborako” dei egin izanaren susmoak baititu.
Atxiloturik zegoela berak bidalitako ahotsezko mezu bat zabaldu zuen CUP alderdiak. “Oraintsu atxilotu nau poliziak eta Madrilera naramate gogoz kontra”, dio mezuak, “ongi, lasai eta bare nago”. Zinegotziak “arazoa” beraiek dutela adierazten du mezuan, “demokratikoki konpondu ezin dutena epaitegietan irabazi nahi duten guzti horiek”.
Comak Espainiako Estatuak nahi ez badu ere herritarrek erabakiko dutela azpimarratu du: “Gu izango gara, independentista eta ez independentistak, hautetsontzietan gure herriaren etorkizuna erabakiko dugunak, behar bada baimenik gabe”.
Bart gauean 30/03 mugimenduak deituta mobilizazioak egon ziren hainbat udaletxeren aurrean atxilotuari elkartasuna adierazteko.
Hemen CUP alderdiak sare sozialen bidez zabaldu duen Joan Comaren mezua:
Vídeo | Missatge de @joancomaroura arran de la seva detenció #LlibertatJoanComa pic.twitter.com/WavZccmQtG
— #LlibertatJoanComa (@cupnacional) 27 de diciembre de 2016
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]