Bi hilabetean 1.268 palestinar atxilotu ditu Israelek, "azken urteetako kopururik altuena"

  • Palestinako giza eskubideen alde lan egiten duten bi gobernuz kanpoko erakundek prentsaurrekoa eskaini dute asteartean, palestinarren atxiloketei buruzko datuak eman eta egoera salatzeko.

ARGIA @argia
2017ko abuztuaren 10a
Atxiloketa masiboak egin ditu Israelgo poliziak Al-Aqsako gertaeren ostean. (Argazkia: Activestills.org)

Ramallahn kokatuta dagoen Addameer eta Gazan lan egiten duen al-Mezan GKE-ek emandako datuak dira ondorengoak, Al Jazeerak jasoak:

Ekainean 388 palestinar atxilotu zituen Israelek Zisjordanian, Gazan eta Jerusalemen, tartean 70 haur.

Uztailean beste 880 palestinar atxilotu zituzten, tartean 144 haur.

Atxiloketen kopurua nabarmen igo dela azpimarratu dute al-Aqsako krisiaren ostean. Uztailaren 14an bi zaintzaile israeldar hil zituzten hiru palestinarrek. Ondoren tiroz hil zituzten hauek.

Jerusalem hirian bakarrik, 550 palestinar atxilotu dituzte azken bi hilabeteetan.

"Atxiloketen kopurua, dudarik gabe 2017. urte honetako altuena izateaz gain, azken urteetako altuena da", adierazi dute.

Kanal hauetan artxibatua: Palestina  |  Giza eskubideak

Palestina kanaletik interesatuko zaizu...
2018-01-12 | Axier Lopez
Jerusalemen bizitzeko baimenik ez

1967an Jerusalem Ekialdea legez kontra okupatu eta beretu zuenetik, Israelek "bizilagun iraunkorrak" izeneko estatusa sortu zuen Jerusalemgo palestinarrentzat. Ordutik hona palestinarren hazkunde galarazteko neurriak abiatu ditu. Horietako bat da bizileku-baimena ukatzea.


2017-12-19 | Axier Lopez
Trump vs adostasun globala

Abenduaren 6an Amerikako Estatu Batuetako gobernuak, unilateralki, legitimatu zuen hiri bat bortxaz okupatu eta anexionatzea, Jerusalem Israelgo hiriburu izendatuz eta enbaxada hara mugitzeko asmoa erakutsitz. Israelek ‘hiri santua’ gerran okupatu (1948) eta beretu (1967) zuenetik, lehen mailako lehen aitortza ofiziala da.


Bake faltsuaren amaiera Palestinan

Donald Trumpek Jerusalem Israelgo hiriburu izendatu du, 1967an israeldarrek hiria bortxaz okupatu zutenetik, lehen aldiz historian. Sionismoa pozarren eta Ekialde Hurbileko eragileak dardarka ipini ditu, eta hilzorian zen bi estatuen konponbidea gorputegira bidean jarri.


2017-12-15 | Axier Lopez
Apartheida da Trumpek Israelgo hiriburu izendatutakoa

Mendebaldeko Jerusalemen garbiketa etnikoa egin zuten 1948an, ez zuten palestinarren arrastorik utzi. Hiriaren gainerako tokiak 1967an anexionatu zituen Israelek bortxaz, baita han bizi ziren palestinar guztiak ere. Gaur egun, Israelen menpeko Jerusalemgo udalerriak apartheid politikak eta legeak sustatzen ditu, palestinarren hazkundea galarazteko, biztanleriaren %40 baino gehiago izan ez daitezen.


2017-12-01 | Andoni Mikelarena
Italiako Giroak ez du Palestina aintzat hartuko Israelen presioei men eginez

Jerusalemen hasiko da 101. Italiako Giroa. Hasiera batean antolakuntzak hiriaren ekialde okupatua eta mendebaldea bereizi bazituen ere, Israelen presioen ostean, hala ez egitea erabaki du.


2017-10-15 | Jaume Gelabert
Ur bila basamortuan

Aurtengo udaberriaren bukaera aldera testuaren egilea Palestinan izan zen, Al-Khalil (Hebron) hirian zein inguruko eskualdean. Bertatik bertara izan zuen beduinoen egoera ezagutzeko aukera, eta Israelgo Gobernuak ezartzen dizkien bizi-baldintza onartezinez oharturik, basamortuko biztanleen errealitatea ezagutarazteko asmotan kronika bat igorri du.


2017-10-13 | Jon Torner Zabala
AEBek eta Israelek UNESCO utziko dute, Palestina barne duelako

AEBek eta Israelek euren erabakiaren berri eman duten egun berean, Hamas eta Al-Fatah erakunde palestinarrek adiskidetze akordioa sinatu dute Egipton.


2017-09-06 | Axier Lopez
Palestinako errefuxiatuen etxeratzea posible da

1948an, NBEko Batzar Orokorrak ondorengoa adierazi zuen: "Palestinako “errefuxiatuen etxera itzultzeko eta auzokideekin bakean bizitzeko nahia bermatu behar litzateke ahalik eta azkarren”. Egun, etxera itzultzeko eskubidea sistematikoki ukatzen die Israelek palestinarrei, jaioterrietako lurrek orohar hutsik jarraitzen badute ere.


Shatila, errefuxiatu ahaztuen hiriburua

Askapenak Libanora antolatu duen brigada internazionalistak kronika idatzi du Shatila errefuxiatu palestinarren eremutik.


2017-07-21 | Axier Lopez
2014an Gazan "ez zen krimenik gertatu"

Visualizing Palestine kolektiboaren “Krimenik Ez Hemen” infografiek agerian utzi nahi dituzte Israelek erabilitako bereizkuntzarik gabeko taktikek zibilengan eta azpiegitura zibiletan eragindako ondorioak, baina, batez ere, azpimarratu nahi dute Israelek daukan inpunitatea, nazioarteko legedia sarri urratu badu ere.


Azkenak
EGILEA
Eguneraketa berriak daude