Basauriko familia bat etxetik bota dute protesta artean

  • Goizaldean zegoen iragarrita kaleratzea eta Baietz Basauri-k deituta, herritarrak eta alderdi politikoetako kideak bildu dira etxearen aurrean. Azkenean ertzainek familia etxetik atera dute.

Jon Ander De la Hoz Arregi @delarregi
2016ko irailaren 22a

Dozenaka lagun bildu dira ostegun goizean Basauriko Kareaga kaleko etxe baten atarian. Haien nahia, 51 urteko emakume bat eta haren alaba alokairuan bizi diren etxetik botatzea saihestea. Baietz Basauri plataformak deituta elkartu dira goizeko 9:30ean, eta herritarrez gain, ESK sindikatuko eta EH Bilduko eta Ezker Anitzako kideak bildu dira. Bertan izan dira Eusko Legebiltzarreko hauteskundeetan EH Bilduko Bizkaiko zerrendaburu den Jasone Agirre eta Elkarrekin Podemosek Arabako zerrendaburu Iñigo Martinez.

Etxe atariko elkarretaratzea hasi eta gutxira iritsi da epaitegiko ordezkaritza, kaleratze aginduarekin. Horren aurrean, Basauriko Udaleko gizarte zerbitzuetako kideen presentzia eskatu dute kaleratzearen aurkakoek. Haietako bat Natalia Gardeazabala EH Bilduko zinegotzia izan da, eta alderdiak Twitter bidez adierazi duenez, eskaerari uko egin diote. Kaleratzea ertzainak iritsi ondoren gertatu da.

@I˝igoMZaton
@IñigoMZaton
 

 

Etxegabetze bat atzeratu dute Gasteizen

Datorren astelehenerako Gasteizko Valentin de Foronda ibilbidean iragarrita zegoen etxegabetzea atzeratu egin dutela jakinarazi du Kaleratzeak Stop elkarteak. Bikote bat eta haren bi seme-alabak etxetik kaleratzekoak ziren, baina hilabete batez atzeratu da.

Bestalde, iragan astean Gasteizko Zabalgana auzoan Alokabide Eusko Jaurlaritzaren sozietate publikoak egindako kaleratzearen inguruan Iñigo Urkullu jarduneko lehendakariak egindako adierazpenak salatuko dituzte. Urkulluk telebista programa batean kaleratuaren intimitate eta irudi eskubideak urratu zituela uste du Stop Kaleratzeak plataformak, eta salaketa jarriko du Arabako Auzitegi Nagusian. Hala, elkarretaratzea iragarri dute epaitegiaren kanpoaldean.

 

Kanal hauetan artxibatua: Etxegabetzeak  |  Basauri

Etxegabetzeak kanaletik interesatuko zaizu...
2017-08-30 | Xalba Ramirez
Bankuak hipoteka bereziak eskaintzen ari dira, etxegabetuen pisuak azkarrago saltzeko

Banketxeak hipoteka bereziak eskaintzen ari dira saldu ahal izateko finantza krisian eragin zituzten etxegabetzeen bidez lortutako pisuak.


2017-08-25 | Axier Lopez
Jaurlaritzak Mozal Legea aplikatu die sei laguni etxegabetze baten aurkako protestan parte hartzeagatik

Iazko irailean Anastasia eta bere bi semeak etxegabetu zituen Ertzaintzak, Alokabidek Eusko Jaurlaritzaren sozietate publikoak hala aginduta. Hainbat lagun etxe atarian bildu ziren etxegabetzea eragozteko eta, urtebete ostean, protesta horretan parte hartu zuten Arabako Kaleratzeak Stop taldeko sei kideri 602 euroko isun bana ezarri diete Mozal Legea aplikatuz.


2017-08-07 | Topatu.eus
"Harrera Aurrera", etxebizitza eskubidea eta migranteen harrera uztartzen dituen ekimena

Harrera Aurrera ekimenaren aurkezpena egin dute Iruñean, abuztu osoan Iruñerrian garatuko duten egitarauaren berri ematearekin batera. Etxebizitza eskubidea eta etorkinen harrera uztartzen dituen eztabaida, aisialdi eta borrokarako espazioak sortuko dituzte.


Egiaren gentrifikazioari stop!

Azkenaldian modan jarri den kontzeptu bat da “Gentrifikazioa”. Horrek ez du esan nahi ordea, Gentrifikazioaz izendatzen den prozesu eraldatzaile hori, orain bizitzen hasi garenik. Prozesu hori, oso ondo ikusi dezakegu Egian. Urte gutxitan, Tabakalera birmoldatu egin dute, auzoko sarreraren birmoldaketa eraginez eta zentro-periferia lerroa hautsiz.


Etxegabetze bat geldiarazi dute Arrotxapean

Bankiarena den Iruñeko Arrotxapea auzoko etxea husteko agindua emanda zegoen ostiral goizerako, baina geldiaraztea lortu dute. Mounira eta bere sei eta hamar urteko bi alabak kalean geratzeko arriskuaren aurrean protesta eta babesa emateko deialdiak egin dituzte Hipotekak Eragindako Plataformako kideek. Bi hilabeteko luzapena eman diote.


Bankiak agindutako etxe kaleratzea eten nahi du ostiralean PAHk Errotxapean

Emakume bat hiru adin txikiko alabekin bizi den etxebizitzatik bota nahi ditu Bankia banketxeak. Ostiralerako deia egin du Hipotekek Kalteturikoen Plataformak elkarretaratzea egiteko.


2017-06-09 | Xalba Ramirez
Adeu BCN: turismo masiboaren eta alokairuen igoeraren kontra Bartzelonan

Bizilagun kolektibo ugarik manifestazioa deitu dute larunbaterako. Bizilagunen kanporatzeari aurre egiteko eta etxebizitza eskubidea bermatzeko neurriak eskatuz, gero eta talde gehiago antolatzen ari dira.


Etxebizitza eskubidea bermatzeko lege proposamena egingo du PAH plataformak

Espainiako Kongresuan aurkeztuko dute lege egitasmoa eta hauek izango dira proposamen nagusiak: Etxea ordainean uzteko eskubidea ezartzea, alokairu legea aldatzea, kaleratzeak gelditzea, etxebizitza soziala sustatzea eta oinarrizko zerbitzuak bermatzea. Manifestazioa egingo dute apirilaren 26an, Iruñean. Sindikatuen gehiengoak babesa eman du.


EAE eta Errioxa, hipoteka exekuzio gehiago izan dituzten erkidego bakarrak 2016an

751 hipoteka exekuzio izan ziren Euskal Autonomia Erkidegoan 2016ean, aurreko urtean baino %5,6 gehiago. Etxegabetzeek behera egin dute, baina 1.147 izan dira, hiru egun bakoitzeko, Eldiario.esek zabaldu duenez.


Kutxabankek pertsona bat etxetik bota nahi duela eta beste baten eskubideak urratzen ari dela salatuko dute

Etxe Kaleratzeak Stop plataformak salatu du Kutxabankek egoera prekarioan bizi den pertsona bat etxetik kaleratu nahi duela, eta beste baten hipoteka presioa arintzeari uko egin diola. Erantzuna emateko, kontzentrazioa eta prentsaurrekoa deitu du ostegunean, 10:45etan Donostiako Garibay kaleko Kutxabanken egoitza parean.


Azkenak
EGILEA
Eguneraketa berriak daude