'Barrunbeko lurretan' filma grabatuko du Iņigo Perezek Lurburu artista kolektiboarekin batera

  • Cinema in process kontzeptuan oinarrituta, Araban grabatu eta ekoiztuko da euskaraz, abenduaren 1etik aurrera eta laguntzaileen artean Javier Rebollo zinema zuzendari madrildarra dago.

Hala Bedi @halabedi
2017ko azaroaren 30a

Zinema hedatuaren kontzeptua jorratzeko proiektua da Iñigo Perez errealizadore gasteiztarrak sortutako Barrunbeko lurretan. Lurburu artista kolektiboarekin batera ari da horretan: “Obra indibidual ezberdinetatik abiatuz, eta zazpigarren arteari esker, hau da, zinemari esker, film luze bat sortuko dugu”, azaldu du. Baina, “pelikula hau pantailatik haratago joango da, haren mugak zeharkatuz, iraganean erabilitako zeluloideen antzera, ukitzeko aukera egongo da, materikoa izango da”. Picazo eta Lurburuko kideen proiektua hiru zatitan bereizten da. “Hala ere osotasunean hartzen du zentzua”, azaldu dute.

Lehenengoa fasean, Lurburuko kideek hamar egunez haien obra pertsonala sortuko dute Arabako GaraiOn Sormen Espazioan, “berriz ere, naturarekin kontaktuan gaudelarik”. Perezek, sortze prozesu horretako egunerokotasuna grabatuko du.

Bigarrena, eta denboran zehar gehien iraungo duena, film luze bat da. “Filmak, artisten prozesuaren testigantza jasotzeaz gain, prozesu artiskoari buruz hitz egingo du, tradizioa eta postmodernismoaren kontrastea agerian utziz”. Euskara erroa delarik Euskal Herriko arte eta bizimodua agerian utziko du arabarrak.

Hirugarrena, prozesuaren erakusketa izango da. Zinema hedatuaren kontzeptua jorratuz, artisten obrak –diziplina ezberdinetakoak– filmaren proiekzioa eta zuzeneko performacea erakusketa mugikor batean aurkeztuko dira, prozesua haratago eramateko xedez, obraren mugak zeharkatuz. Barrunbeko lurretan proiektuak artearen sormen prozesuan jarriko du begia, artistaren barruan mugitzen dena erakusten, bizitzen saiatuz. “Arte bizia izan nahi du eta ez produktu bat”, azpimarratu dute.

Sortze fasean igaroko dituzten hamar egun horietan “bakoitzak bere artelana burutzeko aukera izango du”. Pintura, marrazkilaritza, argazkilaritza, eskultura eta arte eszenikoak dira jorratuko diren diziplinak. “Nahiz eta asmoa norberak bere pieza sortzea izan, elkarbizitzan suertatzen diren kolaborazioak emango dira. Prozesu artistikoa eta artea berari buruz hausnartzeko aukera izango dugu ere”.

Filmean, prozesu kreatibo hutsa islatuko da eta filma bera prozesu hutsa izango da, “obraren eraketa obra bera delarik”. Artista batek edukitako ideia eta piezaren sorkuntzaren bitarteko sentimenduen, pentsamenduen eta emandako pausoen irakurketa bermatuko da pelikula honen bitartez. Cinema in Process edo Work in Progress esperientzia izango da horregatik.

Alor bisuala

“Julio Medemen Behiak pelikulan inspiratutako irudi pisutsuak, Jonas Mekas eta bere bizitasunaz beteriko frameak etortzen zaizkit burura… euskal giro magikoa edo Lacasinegra edo Los Hijos kolektiboetan ere inspiratzen naiz, atzoko eta gaurko kontraste eta sinbiosi horretan barneraturik”, azaldu du Perezek filmak izango duen alor bisuala azaltzeko.

Jon Ruiz de Infante Lurburuko kideak eta Barrunbeko lurretan proiektuko argazki zuzendariak azaldu duenez, irudi formatu ezberdinak erabiltzea erabaki dute. Izan ere, irudi peziosista eta pisutsuak filmatzeaz gain, Handicam edo eskuko kamera bat erabiliko dute, “dogma 95 zinema-mugimendu abanguardistetan inspiratuz”. “Hau, artisten egunerokotasuna eta urgentziako momentuak erregistratzeko eta jolasteko erabiliko dira, izan ere zinema umeen jolasa da. Formatu ezberdinekin esperimentatzen jarraituko dut, beti sentsazio ezberdin bezain politak eta interesgarriak sortzen dizkidatelako”, azaldu du.

Zinema hedatua

GaraiOnen egindako egonaldiaren ostean, filma muntaketa fasean sartuko da. Esan bezala, “zinema hedatuaren” kontzeptua jorratu nahi dute eta “horretarako ez dute filma ohiko era batean aurkeztu nahi, baizik eta erakusketa zabalago bat egin”. Erakusketa horretan, arte lanak eta filma erakutsiko dituzte, “baina ez horiek soilik”. Zuzeneko musika, naturako soinuak, artisten “performance” bizia edo filmetik kanpo geratutako prozesu proiekzio ezberdinekin erakusketa osatuko dutelako “ikusi eta sentitu ahal izateko”. Prozesu bizia izango da “mugikorra eta eguneratua”.

Barrunbeko lurretan abenduaren 1etik aurrera grabatuko da Araban. Besteak beste, Jon Ruiz de Infante, Natalia Suarez Ortiz de Zárate, Patxi Suinaga Turrillas, Ruben Becares, Kauldi Iriondo, Lander Pérez Picazo, Maite Mugerza, Zuriñe Cancho Guerrero eta Marina Suarez Ortiz de Zárate artistek hartuko dute parte.

Albiste hau Hala Bedik argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Zinema  |  Araba

Zinema kanaletik interesatuko zaizu...
2018-07-20 | ARGIA
Telmo Esnalen 'Dantza' Zinemaldiko Sail Ofizialean izango da, lehiaketatik kanpo

Donostiako Zinemaldiak Sail Ofizialean izango diren zenbait filmen berri eman du, tartean Telmo Esnal zuzendari zarauztarraren Dantza. Filma ez da lehiatuko Urrezko Maskorra lortzeko, proiekzio berezi gisa eskainiko dute.


2018-07-19 | Jon Torner Zabala
'Six dreams' dokumental sorta: euskal futbola protagonista

Mediapro ekoiztetxeak Six dreams futbolari buruzko dokumental sorta prestatu du. Sei protagonistetako bi euskal taldeetan ari dira: Eibarko presidente Amaia Gorostiza eta Athleticeko jokalari Iñaki Williams. Datorren asteazkenean estreinatuko dute dokumentala Amazon Videon.


Koldo Almandozen 'Oreina' filma Zinemaldiko Zuzendari Berriak sailean lehiatuko da

Donostiako Nazioarteko Zinemaldiko Zuzendari Berriak sailean lehiatuko da Koldo Almandozen Oreina. Zinegile donostiarraren fikziozko lehen lan luzea irailaren 21etik 29ra bitartean egingo den jaialdian estreinatuko da eta, hil horretan bertan, 28tik aurrera, aretoetan ere ikusi ahal izango da.


2018-07-11 | Santi Leoné
Hereditary

Harrigarria da, beraz, lan honek osatu duen kontsentsua: urteko film onena, dagoeneko; eta film “normal” onena ez bada, beldurrezko film onenetarik, dudarik gabe. Egun batzuetan, arrunt bakarrik sentitzen naiz.


Claude Lanzmann omenduko du Euskadiko Filmategiak, proiekzio berezi batekin

Uztailaren 12an Claude Lanzmann zuzendariaren Le dernier des injustes filma proiektatuko dute Donostiako Tabakaleran. Joan den astean hil zen zuzendari frantziarraren omenez antolatutako emanaldi berezia da.


2018-07-05 | ARGIA
Helena Tabernaren 'Nagore' dokumentala debalde eskaini ahal izango da Sanferminetan

Nagore Laffageren hilketaren 10. urtemuga dela-eta Helena Taberna zinegile altsasuarrak Nagore dokumentalaren emanaldi eskubideak debalde utzi dizkie emakume talde zein bestelako elkarteei Sanferminak iraun bitartean, uztailaren 6tik 17ra.


Gasteiz orainaldian

Orainaldian dokumentala. Egileak: Iñaki Landa, Mikel Buruaga eta Gindi Auzmendi. Maiatzaren 30ean Gasteizko Florida zinematan eman zen lehenengoz.


Ariyo, Antxon

Honen eta antzeko herri abestien indar dramatikoa lehenengoz Manuel Lekuonak aztertu zuen:  

Itsasoa laino dago
Baionako barraraino.
Nik zu zaitut maiteago
arraitxoak beren
umeak baino.


Aurrenik girotzeko irudi bisuala eta zapla mamia. Etena deitzen den teknika. Apaiz hau 1936ko Gerran Lasarteko Brigiden komentuan babestu zen, nazionalek akabatuko zuten beldurrez. Ondoan jaio zen Antxon Mercero urte horretantxe eta, sei hilabeteko haurra zelarik, aita akabatu zioten gerra... [+]


Disney azaleratu zuen greba

Hollywood, 1923. Walter Elias Disneyk The Walt Disney Company sortu zuen. Sortzaileak etengabe gogorarazten zuenez, Hollywoodera eskuan kamera zahar bat zuela eta poltsikoan 40 dolar zituela iritsi zen.


2018-05-18 | ARGIA
Gastibeltza filmak
Lapurditik ari Euskal Herri osoari so

Gastibeltza filmak egitasmoa sortu berria da. Euskal zinema sortu eta produzitu asmoz abiatua. Senperen kokatua dago eta sortzaileek Euskal Herri osoko euskaldun guztiengana heldu nahi dute.


Azkenak
EGILEA
Eguneraketa berriak daude