Donostiako Gipuzkoa Plazako kanpaldian Ertzaintzak atxilotutako bi pertsonak legez kanpoko atxiloketengatik aurkeztu zuten kereila aurrera doa, Gipuzkoa Zutik mugimenduko talde juridikoak ARGIAri jakinarazi dionez.
Epailearen aburuz gertaeretan nahiko zantzu dago legez kanpoko atxiloketengatiko ikerketa judiziala egiteko. Horregatik dagoeneko identifikatuta dauden hiru ertzain deitzeko agindu du, ikertu gisa ager daitezen epailearen aurrean. Halaber, Ertzaintzaren Kooperazio Zerbitzuei eskatu die identifikatzeko atxiloketa horietan idenfitikatu gabe parte hartu zuten ertzainak.
Zubietako erraustegia sinbolo gisa hartuta sistema kritikatzen duen mugimendua
Gipuzkoa Zutik mugimenduak maiatzaren 29an Donostiako Gipuzkoa Plazan kanpaldia abiatzea erabaki zuen. Ekainaren 2an ertzaintzaren dispositibo batek bi kide atxilotu zituen bertatik.
ARGIAk kanpaldiak iraun zuen 21 egunetan zuzeneko jarraipena egin zuen. Lotura honetan egun hartan gertatua kontsulta daiteke.
Segidan, atxiloketaren bideoa:
Joan den asteazkenean ezohiko epaiketa bat izan da Donostian, Gipuzkoako Lurralde Auzitegian. Akusatuen aulkian bi ertzain, legez kanpoko bi atxiloketa egin izana egotzita. Akusatzaileak berriz, orain hiru udaberri Donostiako Gipuzkoa plazan erraustegiaren aurka abiatutako... [+]
Bost urteko espetxe zigorra eta sei urteko inhabilitazioa. Zigor eskaera horiekin iritsiko dira bi ertzain asteazkenean Gipuzkoako Lurralde Auzitegira, 2016ko Gipuzkoa Zutik kanpaldian bi lagun legez kanpo atxilotzea egotzita. ARGIAk bi gazteen abokatuarekin hitz egin du eta... [+]
Erraustegien aurka mundu osoko 92 herrialdetako 900 elkarte biltzen dituen GAIA aliantzak igandean Ertzaintzak Zubietan erabilitako bortizkeria salatu du.
Iraultza Txikien Akanpada izan da Zubietan, “bestelako Euskal Herria amesten duen herri mugimendu eta herritarren topaleku. Asteburuari amaiera emateko Zubietako erraustegira martxa egin dute. Ertzaintzak bidea itxi die eta martxako kideen aurka egin du hainbat lagun... [+]