Armagintza negozioaren ondorioak salatuko dituzte bizikleta martxa baten bidez
Euskal erakunde publikoek armagintza bultzatzeko gero eta diru gehiago bideratzea salatuko du, besteak beste, apirilaren 2an Bilbo eta Getxo lotuko dituen bizikleta martxak. Kakitzat, KEM-MOC, Askapena, Eguzki, Komite Internazionalistak eta Ekologistak Martxan taldeek antolatu dute protesta.
Bizikleta martxa goizeko 11:00etan abiatuko da Bizkaiko Foru Aldundiaren aurretik, eta Sener enpresak Getxon duen egoitzaren aurrean amaituko da. Precicast-en (ITP) lantegiaren aurrean ere geldituko dira, Barakaldon.
Aurreko edizioetan bezala –aurtengoa bederatzigarrena izango da–, gastu militarrerako gero eta diru gehiago bideratzeaz gain euskal armagintzak Israelgo armadarekin dituen loturak salatu nahi dituzte deitzaileek. Aurten, gainera, gerraren negozioak eragindako errefuxiatuen drama azpimarratu nahi dute.
Deitzaileek azaldu dutenez, gastu militarra 24.490 milioi eurokoa izango da 2016an Espainian; estatuak sektorearekin duen zorra, berriz, 40.000 milioikoa da. Halaber, EAEn armagintzan diharduten 100 enpresa inguru daudela zabaldu dute, urtero 800 milioi euroko kostua duten materiala saltzen dutenak, besteak beste Espainiako Defentsa Ministerioari eta mundu osoko hainbat estaturi, Israel barne.
EAEko enpresa bi Espainiako Estatuko hamar handienen artean daude: ITP eta Aernnova. Sener, berriz, bigarrena da misilen sektorean.
Ezohiko irudia ikusi zen Madrileko Moncloako jauregian martxoaren 18an: estatuko industria militarraren buru nagusiak Pedro Sánchez presidentearekin eta Margarita Robles Defentsa ministroarekin bilduta. Bertan ziren ere Hego Euskal Herriko enpresa militarretako buru... [+]
1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.
Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]
Yurii Sheliazhenko Ukrainako Mugimendu Bakezaleko Idazkari Exekutiboa da, eta abuztuaren 15az geroztik preso dute bere etxean. Asteazkenean egin zuten bere aurkako lehen epaiketa eta intsumisioaren aldeko Europako mugimendua bere askatasunaren aldeko kanpaina egiten ari da.