Arma nuklearrak eta erreferentzia falikoak: kontua ez da Trump-en txioekin hasi

  • “Nire botoi nuklearra askoz handiagoa eta ahaltsuagoa da”, adierazi du Twitter bidez Donald Trump AEBetako presidenteak, Kim Jong-un Ipar Koreako liderrari erantzunez. Askoren arreta deitu du Trumpen jarrerak, baina Anoosh Chakelian-ek New Statesman-en nabarmendu duenez, hizkera faliko hori ez da berria arma nuklearren alorrean.

ARGIA @argia
2018ko urtarrilaren 03a
Donald Trumpek Kim Jong-un ohartarazi du: \"Nire botoi nuklearra askoz handiagoa da\".

Chakelianek gogora ekarri du Carol Cohn unibertsitateko irakaslearen 1987ko liburu bat, Sex and Death in the Rational World of Defense Intellectuals (Sexua eta heriotza defentsa alorreko intelektualen mundu arrazionalean). Saiakera horretan aztertu zuen hizkera militarrak maiz hartzen dituen konnotazio sexualak, bereziki arma nuklearren eremuan.

“Bonba atomikoaren historia bera ere, bete-beteta dago sexualitate maskulino konpetitibozko irudiz”, idatzi zuen Cohnek.

Arma nuklearrei buruzko udako ikastaro batean egon ondoren ohartu zen irakaslea esparru horretako hizkerak maiz hartzen zituen esanahi sexualez. “Penetrazio laguntzak” bezalako espresioak erabiltzen zituzten; “zulorik onena” aipatzen zuten –“ez duzu hartuko misilik politena eta zulo itsusi batean sartuko”–; eta konnotazio horiek oso agerikoak egin zitzaizkion Indiaren lehenbiziko leherketa nuklearraz aritzean, “birjintasuna galtzea” aipatu zutenean.

Antzeko ondorioetara iritsi zen handik pare bat urtera argitaratutako liburuan Robert L. O’Connell ere: Of Arms and Men: A History of War, Weapons, and Agression (Armak eta gizonak: gerrari, armei eta erasoei buruzko historia bat). O’Connell-ek gaur egungo armagintzaren “izaera falikoa” nabarmendu zuen eta harritu zen ikustean armen tamainari buruzko konparazioek zenbateko garrantzia hartzen zuten, “esplikazio arrazional hutsetik harago” zegoen zerbait zela ondorioztatuz.

“Beraz, gerraren historia ez baldin bada pitilin-astintzearen historia baino askoz gehiago, zentzu handia eduki dezake humanitatearen etorkizunarentzat hauteskundeetan emakume bat hautatzeak”, idatzi du Chakelianek artikuluaren amaieran.

Kanal hauetan artxibatua: Arma nuklearrak  |  Ipar Korea  |  Matxismoa  |  Donald Trump

Arma nuklearrak kanaletik interesatuko zaizu...
Nobel saria jaso du ICANek Oslon arma atomikoen debekua lortzeko lanagatik

ICAN Arma Nuklearrak Debekatzeko Nazioarteko Kanpaina koalizioak igandean jaso du Oslon Bakearen Nobel saria, urteotan egindako lan eta lorpenengatik. Sariak ohartarazpen sendo bat zabaltzen du, mundua sekula baino gerra giro beroagoa bizitzen ari den garaiotan.


2017-10-06 | ARGIA
Arma nuklearrak indargabetzeko kanpainak irabazi du 2017ko Bakearen Nobel saria

Arma hauen “eragin katastrofikoa” azpimarratu dute Bakearen Nobel saria ICAN elkarteari emango diotela jakinarazi dutenean. Horrez gain elkarte honek arma hauek debekatzeko egindako lan eskerga ere eskertu dute.


Trump eta Kimek nola ekarri gaituzten gerra nuklearraren atariraino

Ez zaie jaramonik egin behar Ipar Koreako diktadura barregarri uzten duten irudiei: herrialde txikiaren eta munduko potentzia nagusiaren arteko tirabirak 2017ko udan mundua eraman dute krisi atomiko larri baten ateetaraino. 1962an Kubako misilen krisian AEBek eta Sobietar Batasunak gerra atomikoa ia piztu zutenetik ez omen da hain egora arriskutsua bizi izan. Udazkena iristear, ez da ikusten nola baretu Ekialde urruneko sute arriskutsua.


Bonba atomikoaren aurkako emakumeen martxa prestatzen ari dira ekainaren 17rako

Bakearen eta Askatasunaren aldeko Emakumeen Ligak antolatu du bonba atomikoaren debekua aldarrikatzeko elkarretaratze erraldoia AEBetako New Yorken, ekainaren 17rako. NBEen batzar nagusian herrialde gehienak negoziatzen ari diren debekuari sostengu soziala eman nahi diote.


Arma atomikoak debekatzeko negoziaketak hasi dituzte Nazio Batuen Erakundean

Aste honetan zehar, martxoaren 27tik 31era, arma atomikoen debekuaz adostasunera iristeko negoziaketen lehen saioak ari dira burutzen New Yorken NBE Nazio Batuen Erakundearen egoitza nagusian. NBEko batzar nagusiak abenduan herrialdeen gehiengo handiaren botoz erabakitako negoziaketak dira. Potentzia atomiko handiak boikotatzen ari dira negoziaketa historikoa eta hedabide nagusietan ez da haren oihartzunik entzuten.


2017-02-05 | Edu Zelaieta
Botoia

Botoi gorriaren mamuak zeharkatu zuen gure haurtzaroa, gero eta urrunago dagoen 80ko hamarkadan. Nik ordukoaz gogoratzen dudanaren arabera, gerra hotzaren ondorioz, halako botoi gorri batzuk irudikatzen genituen munduko (eta batez ere munduaren) agintari ahaltsuenen bulegoetan. Esan gabe doa, iparramerikarrek egindako pelikulak lagun, errusiarrak hartzen ohi zirela mehatxu nagusitzat planetaren hondamen nuklearra ekartzeko.

Haurtzaroaren mamua berritu dit iparramerikarrek eskaini diguten... [+]


Txina hesitu ostean, haren kontrako gerrara nola garamatzaten

Abendu hasieran aurkeztu da Londresen John Pilger kazetari australiarraren dokumental berria: “Txinaren kontra datorkigun gerra”.  Haren arabera, AEBek urteak daramatzate Txina inguratzen base militarrez eta neoliberalek gaina hartu ahala militarrek galdu dituzte bonba atomikoa erabiltzeko erreparoak. Hedabide nagusien isiltasuna eta manipulazioa salatzen ditu kazetari mitikoak.


2017a izan liteke (edo ez) NBEk arma atomikoak debekatuko dituen urtea

Abendu honetan erabaki historikoa har dezake Nazio Batuen Erakundeko Batzar Nagusiak: berresten badu Armagabetze eta Segurtasun batzordeak urriaren 27an gehiengoz onartutakoa, 2017an hasiko dira negoziatzen mundu osoan arma atomikoak debekatzeko ituna. Kontra bozkatu duten potentziek –euskaldunok ordezkatzen gaituzten Espainiak eta Frantziak barne– lortuko ote dute zapuztea?


Frantziako 101 diputatu eta senatarik arma atomikoak debekatzeko erreferenduma eskatu dute

Frantziako legebiltzarreko 82 diputatu eta 19 senatarik sinatu dute –orain artean– arma atomikoen debekuaz herritarren iritzia erreferendum bidez galdetzeko eskaria. Horrekin sustatu nahi dute Nazio Batuen Erakundearen batzar nagusiak 2017an lehenbiziko aldiz debeku horretaz egingo duen debatea.


Palomares garbitu zuten militarrak, minbiziaren biktima 50 urte beranduago

The New York Times-ek argitaratu berri duen erreportajeak erakutsi du Palomareseko istripuaren ondoren garbiketa lanetan ibili ziren militar estatubatuarrek osasunean kalteak jasan dituztela, eremuko erradiazioarekiko esposizioagatik.


Azkenak
EGILEA
Eguneraketa berriak daude