Aljeriako berbereak beren hizkuntza eskubideen alde kalera atera dira
Aljeriako Gobernuak amazigera hezkuntza sistematik kanpo uztea erabaki ostean hasi dira protestak.
Algeriako berbere komunitateak gobernuari eskatu dio babestu eta mantendu dezala euren jatorrizko hizkuntza. Kalera atera dira milaka herritar herrialdearen iparraldean, Aljeriako parlamentariek hezkuntza sisteman berberera txertatzeko aukera atzera bota ostean. Ostiralean esaterako errepide mozketak egin zituzten, AlJazeerak jaso duenez.
15 eta 50 milioi lagun inguruk hitz egiten dute amazigera edo berberera Afrika iparraldean, Saharan eta Mediterraneoan. Hizkuntza eskubideen aldekoen esanetan, “Aljerian, Libian edo Marokon berbereraz hitz egiten duzunean, politikaz edo identitateaz hitz egiten ari zara”.
Hizkuntza honen ofizialtasunaren aldeko borroka ez da gauza berria. Hamarkadak daramatzate euren hizkuntza eskubideen aldeko jardunean berbereek. Gaur Aljerian ematen ari diren protesten modukoak, izan ziren 2011n Afrika iparraldeko beste herrialde batzuetan. “Aljeria, Maroko, Tunisia eta Libia independizatu ziren egunetik zapaldua izan da amazigera”, salatu dute.
1963ko konstituzioan arabiera ageri zen Aljeriako hizkuntza bakar moduan. 2002. urtean bigarren hizkuntza nazional izendatu zuten berberera. Gobernuak hizkuntza bultzatu eta garatzeko konpromisoa hartzen zuen testuan. Norabide horretan sortu zuten, Hizkuntza Berberearen Aljeriako Akademia. Hala ere, ondoren politika publikoetan, hizkuntzaren aldeko apustu seriorik egin ez izana egotzi diote gobernuari. “Pozik gaude hizkuntza ofiziala delako orain, baina hori ez da nahikoa” adierazi dute hizkuntza eskubideen aldeko ekintzaileek.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Tenperatura altuek eta lur eremu lehorrek eragin dituzte suteak asteartean. Ondorengo herrialdeak izan dira kaltetuenak: Kroazia, Aljeria, Tunisia, Siria, Italia, Grezia eta Frantzia. Azken orduetan, Portugalen eta Kanariar Uhartean ere zabaldu dira suteak.
Arazo burokratikoengatik ezin izan zuten ekainaren 28an iritsi eta oraindik ere ez dakite noiz iritsiko diren. Oporrak Bakean programaren baitan, berez bi hilabete pasa behar dituzte haur sahararrek Euskal Herriko hainbat lekutan.
Aljeriak Espainiarekin duen adiskidetasun ituna bertan behera utzi du eta horrek nabarmen eragingo die bien arteko harreman komertzialei. Gasa da Espainiak handik gehien esportatzen duen produktua.
Hirurogei urte pasa dira Parisen gertaturiko sarraskiaz geroztik. 20.000 eta 40.000 aljeriar artean atera ziren karrikara, modu baketsuan, Frantziaren kolonia zen Aljeriaren independentzia aldarrikatzeko eta aljeriarrei bideraturiko etxeratze-aginduaren bukaera galdetzeko... [+]