Soldadoaren Historiaren Historio Laburra: Jose Ramon Barearekin Elkarrizketa

1982ko otsailaren 21an

Karraka Antzerki Taldeari Elkarrizketa
Soldadoaren Historiaren Historio Laburra: Jose Ramon Barearekin Elkarrizketa
-Errepresentazioa amaitu berri zutenean, fokoak oraindik epel, eszenatokira igo eta Carltoneko kamerinoetan barrena abiatu ginen, "Historia del Soldado" obraren aurrean eta inguru ko informazioek sortutako duda batzu argitzekotan, José Ramón Barea, obraren zuzendaria, elkarrizketatzeko asmoz. Ba...hona hemen:
ARGIA.-Jakin dugu hemen aurkeztu duzuen montaia hau "Historia del Soldado" obra beraren 2. bertsinoa dela...
J.R. Barea.-Bai, prestatu genuen lehen bertsinoak komiki kutsua zuen. Bertan jende gehiagok parte hartzen zuen. Jantziak eginda zeudenean arazo ekonomikoa agertu zitzaigun, diru gehiegi zen eta kostoa gutxitu nahiz behar-beharrezkoa bakarrik utzi da; hori bai, historioa guztiz errespetatuz.
A.-Dena dela, orain eskeintzen duzuen hau aurrez ikusitako projektoa da? Nola iritsi zarete lanaren azkenera?
J.R.B.-Haseratik bazegoen asmo bat, eta argi ikusten da montaia hau sala handitan antzestua izateko pentsatuta dagoela... Bainan bai, eszenografia aldatuz joan da, gutxinaka gauzak erantsi dizkiogu eta gauzak kendu. Gainera ziur egon-egitearen egitez, montaia bera eboluzionatuz joango dela. Beste inon eman aurretik eskeini dugu Bilbon, honek esan nahi du akatsak zuzentzeko prest gaudela.
A.-Zein tankerakoa izan da zuzendari lana, zure lana?
J.R.B.-Alde batetik nik egokitzearena egin dut; bainan, bestetik, zuzendaritzarenari dagokionez, nahiko lan askea izan da. Gehien bat entsaioetan koordinatzea izan da nere beharra, aktoresa bakoitzak bere pertsonaia landu du. Talde lana izan da, koordinaketa batekin. Gauza garrantzitsu bat dago inola ere ahantzi behar ez dena, edozeren aurretik ni aktore naizela.
A.-lnterpretazioan aktoresak bakarrik parte hartzeak eritzi askori bideak irekiko dizkio, bainan zergatik agertzen dira eszenatokian emakumeak bakarrik? Zein izan da arrazoina?
J. R. B.- H aseran ahots errejistro berezi batzu lortu nahi ziren, nahiko agudoak, pertsonaia histerikoak sortzeko asmoz.
Bestalde sinbologi karakteristika indartu nahi kiarena, obran zehar agertzen diren pertsonaiak sinbolo hutsak dira. Horrela, bide horretan, soldaduarena emakume batek egiten badu nolabaiteko aldentzea lortzen da.
Ez da erreibindikazio gisa egin, nahiz eta parte hartzen duten aktoresentzat pauso baliagarria izan, hori bai.
A.-Obra honetan musika oso garrantzitsua da, nola izan da musika-textoaren arteko hartuemana?
J.R.B.-Musika izan da abiapuntua: oso aldakorra eta bizia denez, eszenetarako oso egokia da. Alegia mantentzen da, guk sartu da, lehen aipatutako komimian egin dugun aldaketa kontenidoan izan da. Hortaz gain, pertsonaiak ere desarroilatu egin ditugu, orijinalean presentzia gutxi zuten batzuri indar gehio emanaz.
A.-Zenbat denbora eraman duzue obra prestatzen?
J. R. B.-Azken prozesua Irailaz geroztikakoa da, beraz lau-bost hilabetez aritu gara.
A.-Orain topiko bihurtu den galdera bat botako dizugu, eta txanpon-money-diru asuntua zelan?
J.R.B.-Bi miloi tterdi kostatu zaigu. Bai, materiala da garestiena. Gainera diputazioak eman behar zigun laguntza ez dugu jaso oraindik; dena dela gobernuak ez digu ezertxoere eman.
A.-Bainan zuen aurkezpen eskuliburuan hau diozue: "Hay economia de medios, pero no pobreza. En esta época en la que, entre otras muchas cosas, se confunde el teatro con lo epatante o con lo insólito, hemos optado por una puesta en escena reducida prácticamente a lo imprescindible (... )". Benetan egin duzue opzio bat ala ekonomi arazoek behartu zaituzte honetara, hala dirudienez?
J. R. B.-Ez, benetako opzioa da; ikusten baduzue teatro komertziala handiki aurkeztua dago, ikuslegoa liluratzeko asmoz... Guk erabil genitzake horrelako efektu berezi batzu jendea txunditzeko, adibidez printzesa agertzen denean kea sartu etabar, bainan hortan datza geure aukera, aukera estetikoa bait da. Dudarik gabe aukera honekin aktoresen gain doa zama handiena.
A.-KARRAKAK baditu gaur egun zenbait montaia martxan. Zergatik besteengandik hain ezberdin den tankera honeteko montela hau?
J. R. B.- Esan behar dut aurrenik KARRAKA talde gaztea dela (1) eta talde gaztea denez geroztik aukera zabal baten aurrean aurkitzen da; bere baitan ere tendentzia asko nabarmentzen dira. Obra hau montatu dugu, bainan ez da proposamen estetiko bakarra. Besteekin oso ezberdina da, bai... Taldea bideak bilatzen ari da, arakatzen... Gure asmoa beti teatroa lantzea da, eta horretan ari gara, obra hau beste aukera bat da. Gaur egun ikusten dut teatro popular edo teatro nazional terminoak oso dudosoak direla; guk aktoresa-aktoreengana hurbildu nahi izan dugu.
(1) KARRAKA KOLEKTIBOA, euskadiko antzerki ibiltaria 1980. urteko urrian jaio zen ofizialki. Hortaz, gaur urtebete eta lau ilabete ditu.
34-35

GaiezKulturaAntzerkiaTaldeakKARRAKA
GaiezKulturaAntzerkiaAktoreak
PertsonaiazBAREA1

Irakurrienak

Matomo erabiliz

Negu gorri, hondamendia iragarri

Gorka Peñagarikano Goikoetxea

Umeak, poliziak, mikrobihotzekoak

Zigor Olabarria Oleaga

Nazio ala imitazio

Gorka Bereziartua

Aragonesek dimisioa aurkeztu du, ERCren emaitza txarren ondoren

Gorka Peñagarikano Goikoetxea

Amillubi martxan da

Estitxu Eizagirre

Hiru itun zail Kataluniako Generalitateko presidente izateko

Jesus Rodriguez | La Directa

Azkenak

2024-05-14 | Irutxuloko Hitza

Desokupako bi gizon Donostiako etxe bat ilegalki husten saiatu dira

'Desokupa kanpora' lelopean, elkarretaratzea egin dute larunbatean, etxebizitzaren aurrean.

2024-05-14 | Axier Lopez

Genozida eta bere lagunak

2024-05-14 | Axier Lopez

94 egunez gose greban dago preso politiko maputxe bat

Guillermo Camus Jara izena du eta Txileko Lebuko kartzelan dago. Egoera larrian da, gose greba luzeaz gain, ostiraletik egarri grebari ere ekin baitio.

2024-05-14 | ARGIA

LABek salatu du Amazonek "errepresio sindikala" egiten duela

Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak

2024-05-13 | ARGIA

2x12: Hipofriga | Sexilioa

MULTIMEDIA - BTN

Eguneraketa berriak daude