Egin ARGIAkoa

Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia

larunbata 2025eko ekainaren 21ean

Politikak Arteari Egin Dion Kaltea

1980ko ekainaren 15ean

Inprimatu

Inoiz baino beharrezkoagoak dira eskuin muturraren gezurrei
aurre egingo dieten hedabide independenteak

Egin ARGIAkoa

Agustin Ibarrola pintoreari elkarrizketa
Agustin Ibarrola Eta Bere Bildurrak
Politikak Arteari Egin Dion Kaltea
- Hainbat eta hainbat tokitan hala izan da. Mariarikatua. Politikak, bere politikak eta PCrekiko bere militantziak iskanbila eta sesio ugari ekarri dio Agustin Ibarrola bilbotar pintoreari. Ez dut damu nere militantzia Alderdi Komunistan zioen duela hiru urte Javier Angulok zertuteko elkarrizketa bilduma batean, "Ibarrola. Un pintor maldito?" liburua alegia. Euskal Herri hontan, zatiketa beti izan da nagusi politikagintzan. Ez da dudarik, kultur eta artegintzaren gizonek ondo asko ikusi dute nola eramaten ziren politikaren interesak beren arloetara, beren lantegi eta produktoetara. Honexegatik, agian, Ibarrolak ez du oraindik mesfidantza alde batera utzi. "Begira ezazue begi onez esan dugun guzia", esan zigun elkarrizketa hau bukatutakoan, bere etxeko atean geundela ia, irtetzeko zorian. Irritar triste batez bota zituen hitzok. Badirudi madarikatua ikusten duela bere burua oraindik Ibarrolak zenbait jenderen artean.
Begoñako eliza ondean bizi da, etxe luzez eta grazirik gabeko paretez osatutako etxadi batean. Han hamenka zenbait belar sail dago, kale bihurriak eta kotxe asko. Langile hauzoa da, miseriarik gabea, baina aberats kutsurik gabe. Hiri haundi bateko etxadi monotono bat, basterik ez. Bere etxeko ateak ere ez du ezagupide berezirik; ez da plakerik. Batek pentsa lezake artista baten etxeak artistikoa izan behar lukeala; baina etxe barruan dauden koadroek eta eskulturek ez dute etxea artistiko bihurtu. Hauzoko beste edozeinen itxura gordetzen du etxeak. Paretetan eskegita dauden obrek ez dituzte menderatu mueble normal horiek, langileek, diru-pixka bat pilatzen dutenean erosten dituzten mueble horietakoak.
Txapelarik gabe harrapatu genuen Ibarrola, kopetatik aurrera doan ilerik ez edukitze hori erakusten zigularik. Argazkiak ateratzeko momentuan, hala ere, konturatu egin zen -"Mari Luz, Mari Luz, ekar iezai dazu txapela, neri kentzen badizazue txapela Ekar iezaidazu txapela bat, igandeetakoa, je, je". -Eskuetan hartu eta buru gainean utzi besterik ez du egiten. Moldatu zaio ia txapela nonbait. Garai bateko a gazkietan ia txapela buruan duela agertzen da. Orain hiru txapel ditu: bat baratzerako, beste bat lantegitik etxera joateko eta hirugarrena '.-igandekoa deitzen diot, dotore Jazteko erabiltzen dut eta.
-Z A.Agustin, nondik nora datorkizu txapelarekiko zaletasuna?
-A .I. Bueno, baserritik. Mercabilbao orain dagoen tokian bizi izan naiz ni. Lehen, baserriz betetako alderdia zen, eta ni txikia nintzela ez nuen txapela haundirik, txiki bat baizik, erantsi gabe joaten ziren horietako bat. Salto egiten bazenuen, txapelak ere salto, baina beti toki berberan gelditzen zen, beti postura hortan.
Gerraren Arrastoak Txikitandik
-Agustin Ibarrola jaio eta handik sei urtetara Franco Afritatik abiatu zen Espainia menderatu nahiean. Uztailaren 18an jaio zen Ibarrola Solokoetxe hauzo bilbotarrean. Baina ume zela bere familia Basaurira joan zen bizitzara. «Hiru senideren artean ni nintzen zaharrena, eta gerra garaiean anaia txikiena karreiatzen ibili egin behar izan nuen. Egunean zenbait aldiz eramaten nuen etxetik bonben kontrako aterpera. Eta esne ontzia eraman ere, bertan berotu alkoholezko galluarekin eta gero umeari eman. Hauxe izan zen nere gerra, zioen Ibarrolak «Un pintor maldito?» liburuan.
Berak ezagutu zuen Bilbo ez zen oraingoa bezalakoxea. Oso aberatsak ziren haran horiek baratzetarako. Orain bada hor ibai beltz bat, zikina eta pitsez betea, Urumea bezala ezta? Nik ezagutu dut ibai hori garbi garbia, eta egunero ia joaten nintzen hara ataria eskuratzera, aingigaren bat edo, izango zena. Guzti hau hiltzen hasi zen garaia ezagutu nuen. Aingira tzarrak eta arrain guztiak, han agertzen ziren, ur gainean, hilak. Orduan baziren gero triskantzak! ».
Z. A.–Zergatik hasi zinen arte soziala egiten?
A. I.–Nik uste dut kontutan hartu gabe egin dudala arte soziala. Eskolara ez nindoanean, eta hori ez nuela egiten etxean justifikatzeko, marrazkiak egiten nituen. Noski, eskolara ez joate hori ez zen gutizia bat. zeren eta maisua halakoxea zen, garai hartakoak gehienak bezala. Begi txarrez begiratzen ginduen gorrien semeoi, -batallón de trabajadores- zelakoetan zeuden, gorrien semeoi. Rebeldia zen hura, baina gehienbat, neure burua osatzeko, hezitzeko, ziren marrazki haiek. Nik ez nenkien kontuak egiten, ez nenkien idazten, bainan ideiak espresatzeko beharra nuen, eta horrexegatik egiten nituen marrazkiak.
Tomas Meabe Eta Sabino Arana
Oso gazte sartu zen artearen munduan. Hamabost hamasei urte zituela Ruiz Blanco pintorea ezagutu zuen eta honek gidatu zuen artearen bidean.
A. I.–Arte mugimenduak eta artearen aurrean har daitezken jarrerak azaldu zizkidan Ruiz Blancok.
Aurelio Artetaz hitz egin zidan, eta bere obren reproduzioak erakutsi. Orduan Artetaren pausoak jarraitzen abiatu nintzen, bere munduari buruzko ikuspegia, bai baserriari buruz, baina baita ere meatze eta industriari buruz, eta bere joera politikoa. Ruiz Blancok esan zidan nola Arteta sozialista zen, eta norainoko eragina izan zuen Tomas Meabek Artetagan. Sabino Aranak berak eskatu zion Meaberi marxismoa azter zezan, ondoren burrukatu ahal izateko. Eta Meabek marxismoa burutu zuen, baina konturatu zen Sabinok ez zuela arrazoirik. beronen arazo nazionalari buruzko ikuspegia kritikatu beharrezkoa zela.
Bainan Bizkaian bakarrik sor zitekeen Arteta. Askoz zailagoa litzateke Arteta bat Gipuzkoa, Nafarroan edo Araban sortzea. Berak ezagutu zuen ingurugunean, derrigorrezkoa zuen, pinturari dagokionez, alde batera edo bestera jotzera, sozial arazoan.
Ibarrolaren ustez, desberdintasun haundiak daude Bizkaia eta Euskadiko beste probintzien artean. Alde batetik, industrializarioaren etapa hasi aurretik, meagintzak Europako beste inon baino inportantzia haundiagoa izan zuen hemen. «Gipuzkoarrek –eta balta ere nolabait arabar eta nafarrek– inbestigazio mundura jo dute, lantegi, meatz eta makinen mundua horrenbeste axola ez zalelarik. Bizkaitarrentzat, berriz, mundu hori da inportantea», zioen Ibarrolak duela zenbait urte. Gauza konkretuei heltzen omen diote biz kaitar artistek. Bizkaian joera haundia omen dago proletargoaren mundutik datoak ateratzeko. Hala esaten zuen Ibarrolak hartan. Horrexegatik salatzen zuen Banku eta Aurrezki Kutxek duten referentzia konkreturik gabeko artearen zaletasana, obrak erosterakoan edo bekak ematerakoan, arte mota hau baita manipulatzeko erraztasun haundia ematen duena. Erakundeok, bide horren bidez, baztertu egin ornen dute Bizkaiko artea.
A. I. – Sabinoren kontzepzioek oinarri eskubitarra dute. Are gehiago: kontzepzio horiek, antzinako euskal gizartean finkatu ez diren mugimenduetan sortu dira. Kontzepzio,berriak dira, joan den gizaldikoak, eta gainera –gazte hil zen ezkero–bere ideolojia oraindik osatu beharrean zuen giron batenak.
Z. A.–Zuk, gartzela, atzerriratze eta baztertzeak sufritu egin behar izan dituzu. Inoiz izan duzu esperantzarik herri honen egoerari dagokionez?
A. I. – Bai, bai, bai. Ikusiko duzue. Jeneralean, langile zapalkuntza, nazio zapalkuntza eta neure zapalkuntza pintatu ditut, baina sekulan ez dut gizon menderatu bat osatu. Beti pintatu dut gizona borrokan ari dela, nere obretan ikus derakezue nola dauden oihuka, manifestazioan, batzarrean edo gartzelan. Beti agertzen da klase jarrera bat, kapitalismoaren krisis eta porrot egitearen ondoren gizarte zuzen bat etorriko delaren itsaropena alegia. Beti duk nik itsaropen hori.
"Bellas Artes": Euskal -Artistak Ez Dira Barruan
Z. A. – Eta benetan uste duzu jendeak hala ikusten dituala zure obrak? Ez al ditu ikusiko errepresio eta zuzengabekeria hutsen espresioa?
A. I.–Egia esan, jendeak gutxi konprenitzen duela artea uste dut nik. Norberak norberaren ikuspegia du artearen aurrean. Eta gainera, herri hontan ez dugu ezta zentzuzko " Bellas Artes"-delako eskola bat, euskal artearekin bat egingo duen eskola bat. Bada eskola bat hemen, gure kultur artistikoa kontutan hartzen ez duena, eta horren kontra benetako erasoak erabili dituena. Nik ez dakit zein harriren petik sortu diren eskola horretan dauden irakasleak. Ezezagunak dira gehienak. Zenbait bilera egin dugu euskal artistek arazo hau konpontzeko, eta hau dela-ta, irakaslesk kezkatuta dabiltza, beren lanpostuak galduko dituztela uste bait dute. Guk ez dugu horrelako asmorik, eskaera egin bait genion Euskal Unibertsitateari irakasle horientzat lanpostuak gorde zetzan beste fakultateatan.
Z. A.–Intelektualen bulegoetan ikusten ziren bakarrik garai batean zure obrak. Orain iritsi al dira jende xehearengana?
A. I.–Pozten naiz galdera horrekin, zeren eta, egiazki, hori da nik bihotzean sartuta dudan arantza bat. Obraren prezioa merkatzeko grabadoak egiten ditut. Serie luzea egiten badut langile preziotan gelditzen dira. Langile batzuek erosten didate, baina gehienbat, nere erosleak sektore profesional batekoak dira. Langileek zera esaten dute, "garestia da, bostehun pezeta"; profesionalak ez du sekulan garestia denik esaten, erosi egiten du edo bestela utzi, bainan hori esan gabe. Eta langileek hori esaten badute, klase menperatzaileek beren subkulturaren kontzeptua inposatu dietelako da. Herriari, aristokrata itxurako artea gustatzen zaio; zelai bukolikoak, garai bateko ehiza, ninfa erotikoak korrikan...
Z. A.–Hemen bitxikeria bat gertatzen da. Esan ohi da kultura eta politika progresistak bide beretik doazela elkar, baina Euskal Herrian ezkerrak aurrera jotzen duen bitartean, kulturak ez du aurrerakada haundirik eman.
Ezkerra Itsututa Ibili Da
A. I.–Hemen, kulturaren profesionala amateurra da. Ogibide bat du, eta lana bukatzen duenean, orduan ekiten dio inbestigazio artistikoari. Eta inbestigaziozko lan horrek mesede haundia egin diezaioke alderdi politiko bati, nazio eta kulturaren fenomenoak ondo konprenitu nahiko baditu. Artisten inbestigazioak alderdi politiko batek lanerako duen estiloa alda dezake.
Hemen, Euskal Herrian, ezkerra -itsututa ibili da panorama zabal hori aurkitu eta bereganatu nahiean. Langileria ez da bere ideologiaz baliatzen, ez du nazioari buruzko bere kontzepzioa erabiltzen. Okerrena zera da, Euskadi jotzen duela bere bizia menperatzen: duen gauza batetzat.
Alderdi politiko barruan ez da kulturarik sortu. Kalean sortu eta desarrollatu da kultura. Alderdietako buruzagiek zokoratu egin dute kultura alderdi barruan, eta noiz edo noiz kultur gizonen bat bultzatu badute, kalean eragin bat zuelako egin dute.
Askotan, Ibarrolak bere alderdia, Alderdi Komunista kritikatu du, horrek erabili duen politikagatik. Aipatuteko liburuan, kritika oso bat egitera ausartzen da: Tamalez, Alderdi Komunista ez du politika bat, ez artistei dagokienez, ezta ere kulturari buruzkoa. Elementu aislatu batzuk baditu, baina ez politika oso bat. Oso abstraktoak eta ilunak dira elementu horiek».
A. I. – Euskadin, alderdien dirijismoa gertatzen da kulturari dagokionez. Alderdiek, alderdiaren irudia beren obretara eraman dezan eskatzen diote artistari. Eta are gehiago, kultur munduko karguak izendatu behar direnean, alderdiek . beren militanteak aukeratzen dituzte, baina ez kultur munduko militanteak, hau da, profesionalak, militante fidelenak baizik. Alderdiek beren profesionalak baztertu dituzte.
Ibarrola eta bere aldierdiaren arteko harremanak zallak izan dira batzutan. Momenturik larriena, behar. bada, 1976.ean gertatu zen, Veneziako Bienala ospatu zenean. Akusapen gogorrak egin zituen Ibarrolak: Nik zera esan behar dizut, Alderdi Komunistaren jarrera erabat desegokia izan zela Estatu mallan, eta Euskadin berriz, soporta ezinezkoa. Espainia eta Euskadiko Alderdi Komunistek Bienalean sudurra sartzen saiatu ziren, gu kontutan hartu gabe, beren politika eta interesak aurrera eraman nahiean. Gu joan ginen hara artista bezala, ez alderdiaren gizon bezala», deklaratzen zuen duala hiru urte.
"Sabin Etxea": Arrisku Bat
A. I.–Hemen, benetan, ez dago lekurik kultura aurrera eramateko. Katalandar burjesia trebea izan da oso, jakin izan du argitaletxeak sortzen, eman dio biritasuna kulturari. Kultura burjesa da, baina ez dio inporta, kultura katalandarra da. Gero hortik sortzerik izango da burjes ez den kultura bat.
Hemen, egia esan, ez da horrelakorik. Ni beldur nago Orbegozo edo Sabin-Etxea bezalako erakundeak ez ote dituzten erabiliko plataforma bezala kultur-ekintza pribatuak bultzatzeko. Ekintza pribatuak, baina lotura haundiak dituztenak Gobernuan diren jendeekin. Bide hori erabiltzerakoan Euskal Gobernuak kultur mundurako izendatuko dituen gizonek beste kultur mundu paralelo bat aurkituko dute aurrean.
Nik zera nahi nuke, PNV konturatu dadin erin duela batzoki kultural bat egin, azken batez horrelako erakunde bat fabrika bat bezala izango bait litzateke, langileek bertan lan egiten dutela eta gero agintariek beren artea Euskadiren izenean erabiltzeko.
Z. A.–Ezer aldatuko al litzateke PNVek kasu egingo balle kultur-munduko bere profesionalei?
A. I.– Duela gutxi bat elkarrizketa bat izan genuen Garaikoetxearekin. Han geunden Basterretxea, Mendiburu, Oteiza, Balerdi eta lau probintzietako beste batzuk. Oteizak gogoratu zion gauza bat hauxe Izan zen: gerra bukatu ondoren, Euskal Gobernua atzerriratua zegoela, Jose Antonio Agirrerekin bildu zirela artista butzuk eta berak agindu ziela kulturaren zuzendaritza beren esku geldituko zela. .
Hauxe erreibindikatu zion Oteizak Garaikoetxeari, artearen mundua gidatu eta zuzendu beharko luketenak artistok izan gintezen. Noski; elkar-zuzendaritza bat, agintari eta jendeak demokratikoki aukeratutako ordezkariekin batera.
Baita ere, artistek ahalmenik izan zezaten «Bellas Artes» eskola aldatzeko, eskatu zitzaion. Balta ere, planteiatu zen Gernika kultur-etxe bihurtzea, nazioarteko mailakoa. Jakina, hitz ederrak entzun genituen, baina gero tranpa egiten da, saboteatu egiten gaituzte, gure batasuna utsi nahiean dabiltza...
Ibarrolak ez daki euskaraz. Txikitan galdu omen zuen. Elkarrizketa bukatu zenean ez zen konforme gelditu zaren eta ez bait genion euskerari buruzko galderarik egin. Eta azaldu zigun bere euskararekiko jarrera, azaldu beharreko premia balu bezala. Norbaitek asunto hori ez aipatzea gaizki interpretatuko zuelaren beldurra agian. Euskara maite zuela esan zigun, baita ere euskara zela euskal nortasunaren elementu bat, baina ez bakarra, eta arrotasunez–bere seme txikiak bazekiela euskeraz. Ondoan bere andrea zegoen, Mari Luz, moñoduna, garai bateko hogei duroo billeteetan agertzen zen emakumearen itxurakoa.
Azkeneko momentuan jartzerik izango duzue esan dugun guztia?. galdetu zigun. Zeren eta Ibarrolak ez du gogorapen onik Zeruko Argiarekin. Kontatu zuenez, garai batetan fraile batek zentsuratu egiten zituen aldizkari hontara iristen ziren Ibarrolari buruzko berriak. Eta irtetzerakoan «begira ezazue begi onez esan dugun guztia».
L. AUZMENDI. MIGEL OTERMIN
13-17

GaiezKulturaArteaPinturaPintoreakIBARROLA1
GaiezKulturaArteaEskulturaEskultoreakIBARROLA1
PertsonaiazIBARROLA1
EgileezAUZMENDI1Kultura
EgileezOTERMIN2Kultura

ASTEKARIA

880. zenbakia

1980ko ekainaren 15

ASTEKARIA PDF-an

Irakurrienak

Matomo erabiliz

Jaurlaritzak babestu du Jerusalemgo kolonoentzat CAF egiten ari den tranbia

Maria Ortega Zubiate

“Berrikuntza egiteak prozesuan gorabehera asko dakar batzuetan, eta hala behar du”

Mikel Garcia Idiakez

“Erabiltzen gaituzte herriok folklorismorako: landa, animaliak edo euskalkia bera”

Amets Aranguren Arrieta

Donostiako Gladys Eneako paumei emandako tratu txarrak salatu ditu Eguzki taldeak

Jon Fernández González

Desokupacyl enpresa Donostian dagoela ohartarazi dute

Xalba Ramirez | Irutxuloko Hitza

Azkenak

2025-06-21 | Abarka Antzerki taldea

Besaulkiak

MULTIMEDIA - Antzezlana

2025-06-20 | Xabier Letona Biteri

NATOren eta Trumpen irizpideen aurka, Espainiaren aurrekontu militarra %5era igotzeari uko egin dio Sánchezek

Oraindik ez dago garbi noiz arte eutsiko dion bere erabakiari Pedro Sánchez Espainiako Gobernuko lehendakariak, baina korapilo handi samarra sortzen ari da NATOren barruan, honek aurrekontu militarra %5era igotzea arbuiatu ondoren.

2025-06-20 | Eneko Imaz Galparsoro

Elkarte frankistak debekatuko dituen legea onartu du Espainiako Kongresuak

Espainiako Gobernua osatzen duten PSOEren eta Sumar alderdien arteko koalizioak aurkeztutako lege proposamena onartu dute Kongresuan ostegun goizean, frankismoaren apologia egiten duen edozein erakunde debekatuko edo legez kanpo utziko lukeena

2025-06-20 | Xabier Letona Biteri

Beste familia bat etxegabetu dute Iruñeko Alde Zaharreko Jarauta kalean

Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.

2025-06-20 | Jon Fernández González

2100. urtean herritarren %60 urak har ditzakeen eremuan biziko dira Eusko Jaurlaritzaren azterketaren arabera

Bero boladak ohikoagoak eta luzeagoak dira, azken bi mendeetan 20 zentimetrotan igo da itsas maila eta EAEko bataz besteko tenperatura 0,3 ºC igo da hamarkada bakoitzean.

2025-06-20 | Beranduegi

5x20: Ez ahaztu espainolak garela

MULTIMEDIA - Beranduegi

2025-06-20 | Jon Fernández González

Donostiako Gladys Eneako paumei emandako tratu txarrak salatu ditu Eguzki taldeak

Eguzki elkarte ekologistak salatu du Donostiako parkean gertatutakoa. Parkean bizi diren hainbat paumari lumak erauzi dizkiote, odoletan utzita. Beraz, erasoa izan dela ondorioztatu dute eta ez dela hegaztien lumaberritze prozesu naturala izan. Eguzki

2025-06-20 | Eneko Imaz Galparsoro

Hamabost migratzaile bizi ziren kanpaleku bat hustu du Getxoko Udalak

Algortako Larrañazubi inguruan dago kanpalekua, eta Getxoko Udaltzainek hori husteari ekin diote ostegun goizean. Alkateak adierazi du han bizi ziren pertsonen "segurtasuna" bermatzeko eta "ingurune natural hori zaintzeko" desegin dutela. Getxoko EH Bilduren... [+]

2025-06-20 | Jon Fernández González

Zizurren ikasleak komun eta aldageletan grabatzen zituen irakasleak 180 urteko zigorra jaso dezake

Zizur Nagusiko institutu batean 41 pertsona grabatu zituen eta haietako 30 bere ikasleak ziren. Argazki batzuk sare sozialak erabilita lortzen zituen eta adimen artifizialarekin aldaketak egiten zituen.

2025-06-20 | Maria Ortega Zubiate

Jaurlaritzak babestu du Jerusalemgo kolonoentzat CAF egiten ari den tranbia

Beasaingo enpresaren akzioen %3ren jabe da Eusko Jaurlaritza, eta adierazi du CAFek nazioarteko legedia errespetatzen duela. BDZ Euskal Herriak gogorarazi dio gobernuak derrigortuta daudela okupazioa bultzatzen duten proiektuen aurka egitera.

2025-06-20 | Aimar Lopez | Antxeta Irratia

Irungo ‘auzokide patruilen’ atzean, islamofobia, xenofobia eta erailketarako deiak

Maiatzaren 5ean “Lo Vimos en Irun” WhatsApp taldea sortu zenetik, 700 lagun baina gehiago bildu dira larunbatetan patruilak antolatzen dituen taldera. “Segurtasuna bermatzeko” eta “delituak prebenitzeko” aitzakien gibelean, gorrotoaren haztegi... [+]

2025-06-20 | Gedar

Basauriko Sidenorrek 1.207 tona altzairu bidali dizkio arma-ekoizle sionista bati

Egoitza nagusia Basaurin duen enpresak IMI Systemi egin dio bidalketa. Armagintzan bakarrik aritzen da Israelgo Estatuko konpainia hori.

2025-06-20 | Jon Fernández González

Arabako Mahastiak sor-markari behin betiko itxi dio bidea Espainiako Auzitegi Gorenak

EAEko Justizia Auzitegi Nagusiak ezetza eman zion ABRA Arabako Errioxako Upategien Elkarteak bultzatutako sor-markari. Elkarteak helegitea jarri zion ebazpenari, eta orain Espainiako Auzitegi Gorenak ezetza berretsi du.

2025-06-20 | Jenofa Berhokoirigoin

Beskoitzen ikastola eraikitzeko lursaila eskuratu du Seaskak

Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]

2025-06-20 | Olaia L. Garaialde

Osasungintzak guztiz publikoa izan behar duela exijitu du OPA Plataforma Herrikoiak

Jose Ignacio Martinez Ortegak, OPA Herri Plataformako bozeramaileak, salatu du Eusko Jaurlaritzak “azkar” itxi nahi duela osasun mahaiko eztabaida.

Eguneraketa berriak daude