UDAKO EUSKAL UNIBERSITATEA

1974ko irailaren 08an

Jean Haritsxelharri elkarrizketa.

UDAKO EUSKAL UNIBERSITATEA
Jean Haritsxelhar mintzo:
Irailaren 2tik 13ra arteko hamabi egunen buruan, II Udako Euskal Unibertsitatea eratzen ari da Donibane Lohitzunen. Iaz lehena eratu zen Donibanen bertan, eta aurten, berriz, bigarrena.
Eratzaile IKAS deitu batasuna delarik, berorren lehendakariarengana jo dugu, Jean Haritsxelhar jaunarengana hain zuzen, gure galdera kozkorrei errez asko erantzungo dielakoan.
Elkarrizketa honen asmoa aspaldikoa dugu, duela hiru hilabetetakoa edo, Donemiliagako biltzarrean elkarrekin hitzegiteko beta izan genuenekoa. Hala ere, denbora azkar doakigu, eta honako honi ere heldu zaio, halakoren baten, bere txanda.
Mintza bedi ba, besterik gabe, gure Euskaltzainburu-ordezkoa, eta bioakio gure eskerrik sutsuena bere Baxenabarreko zoko horretara.
-Egun hautan eratzen ari da Donibane Lohitzunen II Udako Euskal Unibertsitatea. Iaz lehena eratu zen . Zer ondorio atera zen iazko ikastalditik?
-Lehenbiziko ondorioa, lehen aldikotz, aspaldi huntan izan dela Euskal Unibersitate bat, gai asko erabili izan direla, erran gabe doa, denak euskaraz. Lehenbiziko entsegu bat izan da, eta entsegu bat bakarrik izanikan ere, bere balio handia ukan du, bere akats eta gauza onengatik
-Aurtengo ikastaroa moldatzen izan ahal dira kontutan iazko esperientziak?
-Bai, zeren eta jazko unibertsitatea burutu zelarik, azken egunean bildu zen anitz ikasle eta irakasle, bakoitzak bere iritzia emanez. Biltzar haretan, orduko zuzendariek emaiten zuten ikusterat, geroari buruz eta bigarrena Unibersitateari buruz nahi zutela jokatu.
-Geroztik, egin ahal da nolabaiteko inkestarik?
-Joan den neguan bildu nahi izan genuen ikasle eta irakasle batzu Baionan, bainan denek dakiten gertariaren ondotik, ez gara bildu ahal izan. Hortakotz, urtarrilaren 12an IKAS-ek zabaldu zuen inkesta xume bat. Bazkoko bakantzak zirela-ta, bildu ginen Donostiako EUTG ikastetxean 37 ikasle eta irakasle, eta biltzar haretan zabaldu genituen inkestaren erantzunak. Sei oren (ordu) iraun zuen biltzarrak, eta elkarren artean hartu genituen erabakiak, denen iritziak entzun eta.
-Zein da aurten eratzen ari den programa?
-Hamar sail dira guztiz: Linguistika-literatura, Historia, Antropologia-Soziologia, Filosofia-politika, Ekonomia, Zientzia, Pedagogia, Edergintza, Antzerki-zinema eta Kazetagintza.
Sail bakoitzeko zuzendari, berriz, ordena berean, J. Haritsxelhar, R. Saint-Esteben, G. Bidart, A. Artamendi, G. Ansola, C. Arluxet, X. Mendiguren, J. San Martin, X. Irigarai eta M. Ugalde.
-Nork egin du irakasle eta gaien hautatzea?
-Horiek guziak Donostiako bilkuran hautatuak izan ziren, eta sail bakoitzak bere lana eramanen du berak nahi duen bezala.
-Nola banatzen da, bataz beste, lana?
-Erabaki zen ere, sail bakoitzak eramanen zuela bere lana goiz guziz, hiru oren dituela horrentzat. Arratsaldean ikasle guziak biltzen dira mintzaldi baten entzuteko. Sail bakoitzeko norbaitek beharko du arratsaldeko mintzaldi bat eman. Honela ez da ikaslea egonen bere sailean bakarrik, arratsaldeko mintzaldi guziak entzunen dituelakotz. Bertzalde, arratsalde guziz, euskara batuari buruzko ikastarotxo bat emana izanen da.
-Bestelako gairik edo saiorik ere izango ahal da?
-Bai, arratsetan gai libre batzu ere badira, hala nola bertsulariak, zinema, antzerki, kantari eta abar.
-Ilaztik hona ezer aldatu ahal da bereziki?
-Iaztik honarat asko aldatu da unibersitatea. Iaz denek entzuten zituzten kurso guziak. Aurten, aldiz, espezialitateka banatuak dira goizetan, eta, arratsaldetan elkar ezagutuko dute, mintzaldiek emanen duten batasunaren bitartez.
-Nork eratzen du hau guzti hau?
-IKAS batasunak eta bereziki IKAS-eko zuzendariek. Heietan, lanik handiena egiten duena Manex Goyhenetxe da. IKAS-en idazkaria. Bertze batasun batzuek ere parte hartu dute, hala nola. "Mendeberri ", "Zabal", "EKT", "Euskalduntzen", "Siadeco", "Jakin", "Zeruko Argia", "Anaitasuna", "Euskal Kultur Mintegia" eta abar.
-Diru laguntzarik ba ote da?
-"Pyrénèes Atlantiques"-eko Kontseilu Jeneralak alde batetatik. Horrez gainera, diru laguntza galdegin zaie banku eta lantegiei, bai euskal unibersitatearen eratzeko, bai eta beka batzuen emaiteko ikasleei ere. Dirua sartzen ari da orain, eta geroxeago jakinaraziko dugu nork lagundu digun. Bertzalde, Euskaltzaindiaren babespean egina da Unibersitatea, eta Bordeleko Unibertsitateko erretorearen baimenarekin.
-Zenbat ikaslek hartzen du parte Uda Unibersitate honetan?
-Ilaz ehunen bat. Hogeiren bat ipar aldeko eta laurogei hego aldakeko. Aurten, ez dakigu oraino, agian jaz bezenbat bederen.
-Langilerik bai ote? Edo unibersitariak bakarrik?
-Langileak baziren bospasei omen jaz.
-Udako Euskal Unibersitate honek izango ahal du jarraipenik?
-Sail bakoitzak ikusiko du behar duen eta nahi duen lan eta azterktei jarraiki unibertsitatea bukatu eta.
-Eta ba ahal duke, urtez urte, loturarik, batasunik?
-Zer nahi gisaz, Unibersitateak biltzen ditu barreiatuak diren ikasle eta irakasleak; elkar ezagutzen dute eta bata bestea estimatzen. Ez da guti gure Herriaren batasunaren lortzeko, eta, uste dut, Unibertsitatearen helburu bat dela.
-Bestelako helbururik?
-Bigarren bat, euskal kulturari emaiten dion oldar berezia izan daiteke. Ez dut uste ikasle eta irakasleak jalgitzen direla Unibertsitatetik sartu ziren bezala.
-Hala behar dugur, noski. Jarrai aintzina!
KOLDO OLAZABAL
Jean Haritsxelhar
6

GaiezGizarteaIrakaskuntzUnibertsitaUEU
PertsonaiazHARITXELHAR
EgileezOLAZABAL1Gizartea

Irakurrienak

Matomo erabiliz

Zapaterok dio Ostiral Santukoaren gisako akordio bat egon zela ETAren amaieran

Xabier Letona Biteri

Kanpaldien lehen garaipenak iristen hasi dira Israelekiko boikot akordioekin

Jon Hidalgo Gereñu

Hauxe da Gaza suntsitzeko Israelen eta AEBen plana

Jonathan Cook

“Maite dut Iparraldean antzerkia egitea, uste baitut hemen kodeak ulertzen direla”

Gorka Peñagarikano Goikoetxea

Zorroza Gestión de Residuos enpresak onartu egin du Bassirou Dioneren gorpua mugitu zutela, lan heriotza ezkutatzeko

Aimar Gutierrez Bidarte | Aiaraldea

Lur bat, kolektiboa, itxaropen haziak ereiteko

Estitxu Eizagirre

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude