"Erlak" Taldearekin Alkar-Izketan

1969ko uztailaren 27an

"Erlak" taldeko Benantxi Eizagirre eta Lourdes Agirregomezkorta abeslariei elkarrizketa

"Erlak" Taldearekin Alkar-Izketan
Abeslari talde asko sortu dira azkeneko urte auetan, eta euskal kantua bultzada aundia artu duela, esan genezakegu.
Gure errian abeslari bikote bat sortu zan ERLAK izenarekin.
Bi neska gazte osatzen dute ERLAK taldea: Benantxi Eizagirre eta Lourdes Agirregomezkorta.
–Denbora asko al da kantatzen zabiltzatela?
–Urte bete, gutxi gora-bera, asi giñala.
–Ibillialdi asko egin al dituzute?
–Eundik gora izango dira.
–Gipuzkoatik at ez al zerate ibilli?
–Bai, Bizkaian lau edo bost aldiz. Euskal-Erri'ko Ipar aldean ere izan gara.
–Zenbat aktuazio egin dituzute?
–Ziur ez dakigu, bañan eun edo eun ta amar egin ditugu.
–Ibilli zeraten erri oietan, zer giro somatu dezute?
–Erri geienetan giro oso euskalduna somatu degu; besteetan, berriz, (gutxienetan) oso gutxi.
–Argitaratu edo grabatu dezuten diskoa, arrera ona izan al du errian?
–Jendeak pozik artu duela eta arrera ona izan duela, uste degu. Beste aldetik, esperientzi aundia izan da guretzat.
–Zuen estiloa, zernolakoa da?
–Modernua ta gaurkoa. Antziñako musika, garai baterako ona izan arren, ez genuke nai lengo moldeetan gelditu.
–Musika ta letra nork jartzen ditu?
-Joxe A. Legorburu da letra ta musikaren sortzalilea.
–Letra ta doñua aukeratzeko, nola konpontzen zerate?
–Asieran, munduan kantatzen diran abesti edo kanta famatuenak euskeratzen genitun. Orain, berriz, leno esan degun bezela, guk sortzen ditugu abestiak, lenoko esperientzia alde batera utzita.
–Euskal musikaren arloan goiko mallara iritxiko al zerate?
–Orixe nai genduke! Erriak eman bearko duela azken iritzia, uste degu.
–Nor da zuen abeslari atsegingarriena?
–Neretzat, dia Lourdes'ek, Xabier Lete da abeslari onena. Benantxi'rentzat, Mikel Laboa bezelakorik ez dala sortu Euskal-Erria'n.
–Artu-emanik bai al dezute beste euskal abeslari taldeekin?
–Ez degu artu-emanik, egia esateko. Batasun eza, ikusten degu euskal abeslarien artean; bakoitza bere aldetik ibiltzen dala.
–Zerbait geiago ZERUKO ARGlA'ren irakurleentzat?
–Gure agur ta besarkada beroena danontzat.
Aurrera beti, Lourdes ta Benantxi!, euskal abestia goienetako malletara igo dedilla zuen bidez.
MIKEL GARMENDIA
13

GaiezKulturaMusikaMusika modeTaldeakERLAK
PertsonaiazEIZAGIRRE1
PertsonaiazAGIRREGOME1
EgileezGARMENDIA5Kultura

Irakurrienak

Matomo erabiliz

Bizkaia: EAJren gotorlekua kolokan?

Jon Azkune Torres

"40 landare mota ditugu oihan baratzean, urte osoan bertatik jateko eta tresna xinpleekin lantzeko"

Estitxu Eizagirre

Pribatura noa

Josune Azurmendi

Ezin da basakeriaren monumenturik mantendu!

Txema Landa Aizkorbe

PPk euskararen irakaskuntza presentziala ezabatu du Valentzian, EAEko hauteskunde kanpaina betean

El Salto | Raquel Andrés Durà

Azkenak

2024-04-21 | Asier Etxenike Ugarte

Araba: Zer isla elektoral izango du aldaketak?

2024-04-21 | Gorka Peñagarikano Goikoetxea

Apunte batzuk atarikoan

2024-04-21 | Gorka Peñagarikano Goikoetxea

'Cristóbal Balenciaga' telesaila

"Nabaritu dadila euskaldun batzuok euskaldun baten istorioa kontatu dugula"

Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]

2024-04-21 | Iker Iraola Arretxe

Gipuzkoa: Biren arteko jokoa

2024-04-21 | Jon Azkune Torres

Bizkaia: EAJren gotorlekua kolokan?

Eguneraketa berriak daude