BRICS+ berria martxan da
aurre egingo dieten hedabide independenteak
BRICS+ taldean gorabidean dauden ekonomia produktiboek edota lehengaien hornitzaileek parte hartzen dute. Horiek munduko gobernantza justuagoa eraiki nahi dute eta horrek talka egiten du nazioarteko fluxu ekonomikoak arautzen eta gobernatzen jarraitu nahi duen Mendebaldearekin.
BRICS+ ez da merkataritza bloke bat, baizik eta lankidetza ekonomikoa bultzatu eta Mendebaldeko hegemonia finantzarioari alternatibak sortzeko klub bat. Hortik abiatuta beraien emantzipazio politiko, sozial eta kulturala bultzatu nahi dituzte, herrialde bakoitzaren soberania errespetatuta. Aurten taldeak 200 bilera inguru izan ditu hainbat gai sektorialetan elkarlana sustatzeko, besteak beste, lankidetza akademikoa bultzatzeko, itsas azpiko kableak jartzeko, TV Brics telebista proiektua sendotzeko edota V. BRICS jokoak antolatzeko.
Urriaren 22 eta 24 artean BRICS+en XVI. goi bilera egin da Kazan-en, Errusian. 2024ko urtarrilean gauzaturiko zabalkundearen ondoren lehenengoa izan da bederatzi herrialderekin. Brasil, Errusia, India, Txina eta Hegoafrika osatzen zuten taldeari beste lau kide batu zaizkio: Arabiar Emirerri Batuak, Egipto, Etiopia eta Iran. Saudi Arabiak oraindik ez du baietzik eman, eta hanka bat kanpoan eta bestea barruan mantendu ditu. Horregatik, AEBetako estatu idazkari Antony Blinken-ek urriaren 23an Saudi Arabia bisitatu zuen, herrialde horretako Erregea Kazanera joan ez zedin. Ondorioz, Saudi Arabiak Errusiara bere kanpo harremanetarako ministroa bidali zuen.
BRICS+ ez da merkataritza bloke bat, baizik lankidetza ekonomikoa bultzatu eta Mendebaldeko hegemonia finantzarioari alternatibak sortzeko klub bat
Goi bileran 37 herrialdek eta NBEko Antonio Guterres idazkari orokorrak parte hartu zuten. Halere, Saudi Arabiari AEBek egin zioten antzeko jokaldia egin zion Europako Batasunak Serbiari. Izan ere, Europako Batzordeko buru Ursula von der Leyen-i okurritu zitzaion urriaren 24an egun ona zela Belgrad hiriburua bisitatzeko eta Serbiako presidentearekin hitz egiteko Balkanetako herrialdea EBn sartzeko bideari buruz. Bestela, gainontzeko herrialde ia guztiek beraien presidente edo gobernuburuak bidali zituzten espero bezala. Salbuespenetako bat Brasil izan zen, Kanpo Harremanetarako ministroa bidali zuen, Lulak bi egun lehenago burmuineko hemorragia txiki bat izan zuelako.
BRICS+ek aurten zabalkunderik ez egitea lehenetsi du, talde berriaren gobernantza antolatu eta trinkotu behar duelako. Izan ere, lan-taldearen funtzionamendua desberdinen arteko (hizkuntza, erlijio, ikuskera politiko, historia…) kontsentsuan oinarritzen da. Bileran gutxi gorabehera 5.000 milioi pertsona ordezkatzen zituzten gobernuek parte hartu zuten. Horregatik, zabalkunde berriak egon bitartean, herrialde bazkide elkartuen figura martxan jarri dute. Hamahiru herrialde gonbidatu dituzte bazkide elkartu izateko: Aljeria, Bielorrusia, Bolivia, Kuba, Indonesia, Kazakhstan, Malaysia, Nigeria, Thailandia, Turkia, Uganda, Uzbekistan eta Vietnam. Zerrendan Venezuela egoteko adostasuna zegoen, baina azkenean kanpoan gelditu da, Brasilek blokeatu duelako.
Halere, goi bilera horren emaitzarik garrantzitsuena izan da BRICS Clear sortzea, likidazio- eta konpentsazio-sistema bat, bai BRICS barneko merkataritzarako, bai BRICSen eta herrialde elkartuen arteko merkataritzarako. Sistema berriak moneta nazionalak erabiltzea lehenetsiko du, eta SWIFT sistemaren alternatiba bat bilakatuko da. Elementu horrekin batera, merkataritzarako aseguru-konpainia bat sortuko dute, BRICS (Re) Insurance Company. Horrek guztiak dolarraren hegemonia higatzen jarraituko du, poliki baina etenik gabe.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Setioa hausteko Palestinara janaria zeramaten aktibista batzuk atxilotuta jarraitzen duten bitartean, honako gogoeta hau:
Bigarren Mundu Gerra hasi aurretik, Hitlerrek beste herrialde batzuetako lurrak konkistatu bazituen ere, Mendebaldeko potentziek ez zuten ezer egiten... [+]
Gaur bi urte bete dira estatu sionistak Palestinako herriaren aurka martxan zuen genozidioa bizkortzen hasi zenetik. Bi urte, non haurrak, eskolak, ospitaleak eta ametsak bonben jomugan egon diren, munduaren isiltasunak krimen horiek estali dituen bitartean.
100 urte pasatxo... [+]
Gazako genozidioak presioa areagotu du entitate sionistaren kontra arlo askotan, eta sionisten konplizeetara ere heldu da. Shapir enpresa israeldarraren eskutik CAF Jerusalemgo tranbiaren proiektuan sartzea salatu du hasieratik BDZ mugimenduak. Sei urte pasatu dira jada. Gazako... [+]
Asilo-leku sakratua Erdi Aroko lege bat zen, zeinaren bitartez justizia atzetik zituztenek elizaren eta monasterioen babesari hel ziezaieketen. Akaso, bi mila urtetan ongia egin zuten apurra. Eta, jakina, ahal bezain azkar, lege hura desegitera jo zuten, desagertu zen arte. A ze... [+]
Bilboko Udalak iragarri du Lancor-Elgorriaga eta Consonni pabiloiak berehala eraitsiko dituela, eta segidan, Udalbatzan aurkeztu du lan horiek bizkortzeko proposamena, kontuan hartu gabe 80 pertsona inguru bizi direla bertan baldintza negargarrietan: euren ondasun urriak... [+]
Gero eta ahots gehiagok –ez eskuinetik bakarrik– “migrazioaren arazoari” ausarki helduko diotela aldarrikatzen dute. Narrazioa nahi baino ezagunagoa da: lanpostuen, zerbitzu publikoen eta baita etxebizitzaren gaineko lehian ere, baliabideak omen direlako,... [+]
Gaua egiten denean, eraikin asko ipurtargi bilakatzen dira hormigoizko basoan. Egunez ezkutuan gorde duten barnealdea eszena pusketetan voyeaur begibistara agertzen dira, argiztapen artifizialaren magia bitarteko. Gaueko auto zein oinezko paseoetan lurraldea eta eraikinak... [+]
1. Bernedo terrorismorik gabeko eremu bat izango da, erradikalik gabea, eta ez da mehatxu bat izango bizilagunentzat.
2. Bi aldeak proposamenarekin ados badaude, gerra berehala bukatuko da. Patriarkatuaren indarrek adostutako lerrora egingo dute atzera, bahitutako dutxak... [+]
Kosta egiten da hitz autorizatuak eraikitzea gaur den egunean, nahiz eta hitz horiek zerbaiti buruzko ezagutza sakona duten pertsona batzuenak izan. Maria Teresa Andruetto idazle argentinarrari entzuna nion ohartarazpena: jakintzarekiko eta lan iraunkorrarekiko... [+]
Txikitan, Txiki eta Che Guevara nahasten nituen. Umetako lainoarte baten moduan gogoratzen dut, baina gerora ulertu dut: Txikik Che miresten zuen. Horregatik, haren aurpegi mitikodun kamisetarekin agertzen da bere argazki gogoangarrian, eta Askatasun haizea poema euskarara... [+]
Onartzen dut sare sozialek nahi baino denbora luzeagoa kentzen didatela hainbatetan, eta guztiak ezabatzeko ideia buruan ibiltzen dudala maiz. Debate antzuak gogaikarriak eta bortitzak iruditzen zaizkit batzuetan, eta geroz eta zabalagoa den eskuin muturreko ideien presentzia... [+]
Heziketan egin beharreko aldaketak etengabe dira hizpide, gizarte-eraldaketari begira heziketak duen garrantziaz jakitun, horra begira jarri beharra duelako modu batean ala bestean bizitza-eredua aldatu nahi duen edozeinek. Eginkizun horretara jarritakoan, baina, curriculumaz... [+]
Hasiera batean, memea ez nuen behar bezala ulertu, hitz hori entzuterakoan gustu txarreko irudiak zetozkidan burura, ustez grazia egin behar lidaketenak. Memeka zebilen mundu guztia nire inguruan, mugikor bidez irudi horiek igorriz, nire ustetan hutsalkeriak zabaltzeko besterik... [+]
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]