Katarsi bat, norberarena
KATARSI
NON: Iparragirre Rock Elkartea (Gernika).
NOIZ: Urriaren 5ean.
NON: Eran.
----------------------------------------
Hau ez da zuzeneko kontzertuaren kronika bat. Izatekotan, oholtza azpian min indibidulek eta atsegin kolektiboak bat egitean gorpuztutako burutazioen errelato kaotiko bat da. Katarsi den ahots indibidual baina kolektibo horren eta teoriaren arteko elkartruke desordenatu bat. Norberarenaren faltan, besteen hitzei helduta katarsi propioa kontatzeko saiakera bat.
Heridas. Cruel. A golpe de maza.
Maria Zapatak, Judith Butler eta Ariana Caveroren lanetan oinarrituta, hauskortasunaren eta ahultasunaren arteko bereizketa egiten du, eta zaurgarritasuna hauskortasunarekin lotzea proposatu. Antropologoak dio zaurgarritasuna munduaren eraginpean modu erradikalean agertzea dela; kolpeak jasotzeko, baina baita laztanak ere. Zaurgarri izatea, beraz, errealitate krudelaren ostiak jasotzea da. Eta ondorioz, batzuetan, norbere lokatz sakonenetan igeri egin ezinda hondoa jotzea.
Ez zaude, lagun.
Gogorrena, agian, hondoa jo ondoren berriz altxatzeko heldulekurik ez ikustea da. Laztanduko zaituen norbait, edo, behintzat, zeure zauriak miazkatzen ari zarela ondoan eseriko den norbait.
Final.
Baina amaiera ez dator lurra jo duzula sentitzean. Amaiera dator lurrera errenditzean. Errenditze hori da zaurgarritasunaren kontzientzia hartzea eta berau onartzea. Eta horri darraio sosegu moduko bat, errenditzearen egonarria. Eta sosegu horrek irekitzen du arrakala bat botata zauden lurrean. Eta arrakala horrek uzten dizu ikusten badirela helduleku batzuk, ordura arte ikusteko gai ez zinenak.
Alienazioaren seme-alabak. Kamarada.
Heldulekuak dira hitzak, zureak ala besteenak, melodiak, eta lurrera errenditu diren beste batzuen begiak. Eusten zaituztenak. Ariana S. Cotak argudiatzen du ekiteko gaitasun kolektiboa egoera zaurgarria onartuta bakarrik gara daitekeela, elkarrekin egotearen eta elkarrekin gauzak egitearen bitartez. Synt-punk tristoi, gordin eta dantzagarria egitea, entzutea edo dantzatzea, adibidez.
Hil eta gero bizi.
Hondoa jo eta altxatu ostean datorrena ez da zoriontasuna. Bizitza da, bere kolpe eta laztan berriekin. Baina Zapatak dio zaurgarritasunaren kontzientzia dela sendotasunik handiena. Zaurgarritasun partekatua, indar gotorlekua. Hargatik ikusten da, beharbada, sendotasuna oholtzan. Katarsi indibidualen batuketaren ondorengo sendotasun bat, sintetikoa, hauskorra eta konplizitate musikalez betea. Laukote batetik, lau banakora tarteka, eta laukotera bueltan. Eta entzuleok hargatik egin ditugu gure minen adierazpide taldearen LP bakarreko abesti guztiak. Eta hargatik egiten diogu, errepika bakoitzean, krudeltasunari dantza eta, Asun Pié Balaguerrek esan bezala, zaurgarritasunaren matxinadari gorazarre.
Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau... [+]
Donostia, 1960. Fermin Leizaola 16 urteko gazteak San Telmo Museoan zegoen Aranzadi Zientzia Elkarteko idazkaritzara jo zuen, bertako Espeleologia Sailean aritzeko prest.
Ez zen San Telmora egiten zuen lehen bisita izan; 1975eko ekainean Zeruko Argia-rekin... [+]
Maribi Ugarteburuk, EHNE Bizkaiaren enkarguz, herrialdeko hamar emakume baserritarren bizi historiak batu ditu Erein, Borrokatu, Bizi liburuan. Azken mende erdian Hego Euskal Herrian nekazaritzan eta abeltzaintzan izandako gertaerak bizi izan dituzten emakumeak dira protagonista.
Zuzendaritzak aurkeztutako Enplegu-erregulazioko espedientea (EEE) atzera bota eta "irtenbide bat bilatzeko negoziaketak hasteko helburuz", Agurain eta Legasako ArcelorMittal enpresako langileek greba mugagabeari ekingo diote.
Argitaratutako oharrean, EHGAM Euskal Herriko Sexu Askapen Mugimenduak ohartarazi du "faxismoa eta ideia faxistak" zabaltzen ari direla mundu mailan, eta "erresistitzeko prest" daudela: "Beldurra baino askoz handiagoa da sentitzen dugun amorrua".
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Beethovenen 'Missa Solemnis'
- Taldeak: Bilbao Orkestra Sinfonikoa (zuzendaria: Nuno Coelho), Bilbao Koral Elkartea (Enrique Azurza) eta Iruñeko Orfeoia (Igor Ijurra).
- Bakarlariak: Mira Alkhovik (sopranoa), Nerea Berraondo (mezzoa), Michael Porter (tenorea)... [+]
Aurrez, Plentziak, Alkizak eta Gernikak euskal errepublikaren parte izatea erabaki zuten. Baztanekin, dagoeneko Euskal Herriko lau herriek hartu dute erabakia.
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Bretainiako adierazpide musikal zein literarioen sustatzaile eta banatzaile nagusia izan da Breizh kooperatiba. Ia zazpi hamarkadetako ibilbidean ehunka egile bretainiarren lanak editatu eta ekoitzi ditu, horietako hainbat bretoieraz.
Maider Behotegi Euskararen Erakunde Publikoaren (EEP) lehendakariak inbertsio handitze guztiak berri onak direla adierazi zuen iaz. Hala ere, erakunde bakoitzak gutxienez 300.000 euro gehiago ipintzea "beharrezkoa" dela nabarmendu zuen, helburua 2050ean hiztun kopurua... [+]
Tramite burokratikoetan murgilduta dago Ed Rojas. Kolonbian jaio eta bizi, 2022an Ikasketa Feministak eta Generokoak Masterra egin zuen EHUn. Baina titulua amaitu eta hiru urtera, ez du lortu bere izenean jasotzea. Arrazoia? 2022an ez-bitar markagailua jarri zuen bere... [+]
2009tik 2023ra izandako iktus intzidentziak jaso ditu Nafarroako Osasun Publikoko eta Lan Osasuneko Institutuak. Iktusa izan duten nafarren %84k arrisku faktoreren bat zuen.
1978ko sanferminetan gertatutako Poliziaren kargak argitzea, horiei buruzko dokumentuak desklasifikatzea eta gertakarietan hildako German Rodriguez biktima gisa aitortzea eskatzen diote Espainiako Gobernuari Kongresuak onarturiko dokumentuaren bidez.