Egur handiagoa
aurre egingo dieten hedabide independenteak
Ztah taldeak aurrera egin du bere proposamenarekin. Lehendik ere bere doinuak itzelak baldin baziren, egurra latza, orain egur handiagoa. Taldeak egurrarkore gisa definitzen du bere musika, oso definizio egokia, zinez, kantak entzunez gero.
Deathcore espirituan sakondu dute, bide horretatik aurrera egin dute. Thrash metal, death metal, groove metal eta hardcore ukituekin jantzi dituzte kantak. Taldea boskotea da orain, bi gitarristarekin, eta horri esker haien doinu iluna, gordina, astuna, basatia eta bortitza sendotu egin dute, indartu. Iñaki (ahotsa), Jon (gitarra), Gixer (gitarra), Bruno (baxua) eta Oier (bateria) dira Ztah taldeko kideak, gaur egun.
Ekoizpen lan ona egin dute eta doinu potoloa gauzatu dute, oso trinkoa. Moldaketak ederki eginak daude, gitarren marrazki beldurgarriekin, feedback eta bestelako zaratatxoekin, eta laino gisako pasarteekin.
Kantak zartako gisakoak dira. Erritmo biziak eta astunak daude, erritmo aldaketak, kontradenborazko notak. Gitarrak zorrotzak dira, eta ahots urratuak, oihuak eta garrasiak entzun daitezke, baxuak eta bateriak osatzen duten oinarri erritmo mardularekin batera.
Aska nazazu izenburua ezin egokiagoa da bizi dugun garai honetarako, nahiz eta pandemiak eragindako larrialdi egoera baino lehen erabakita izan. Kanten bidez mezu askatzaileak transmititzen dituzte, askatasunaren aldeko aldarria, gatibatzen gaituzten kateak apurtzeko, lepoa itotzen digun soka askatzeko, natura eta ama lurra zaintzeko, sustraiak ez ahazteko, denboraren zama edo pisua arintzeko edo gainditzeko. “Aska nazazu beldur honetatik, nire arima zer bilakatuko ote da?” esaten dute diskoaren izenburu bera duen kantan.
Aipagarria da Mikel Laboaren Gure bazterrak kanta ezagunaren bertsioa. Bitxia, berezia, haien erara moldatu dute, haien estilora.
Taldeak hamar urte bete ditu, 2010. urtean sortu baitzen Donibane Ziburuko gaztetxean, eta ibilbide ederra egiten ari dira, urratsez urrats, kantaz kanta, diskoz disko eta emanaldiz emanaldi. 2011n EP edo iraupen laburreko disko bat kaleratu zuten, 2016an Inorabidea lehen lan luzea, eta Aska nazazu lan berriarekin beste urrats bat aurrera egin dute.
Goizegi Hiltzeko
Ødei
Autoekoizpena, 2025
53 min.
Ulertzen nauten herrian ez da musika hau entzuten. Rap musikak akaso urte okerragoak izan ditu Euskal Herrian, baina oraindik ez da beste batzuen altuerara heldua. Denentzat ditu koplak Odei Barroso... [+]
Zatitxu 7
Zikin
Mendeku diskak, 2025
-------------------------------------------------------------
Aurten ere, udarekin batera dator Zikinen lan berria, esanez bezala: berdin zait oporrek hartzen bazaituzte Elantxoben, Belaguan edo Copacabanan. Eguraldi onak ez du egoera... [+]
Alegoría del mal
Rat-zinger
Kasba Music, 2025
--------------------------------------------------------------
Apokalipsiaren aurreko garai ustel hauetan, non eskuin atzerakoienak lortu duen bere diskurtsoa erdian jartzea, erabat ezabatuta dagoen gizarte batean,... [+]
C.R.I.N.G.E
Azuleja
Le Royale, 2024
--------------------------------------------------------------------
Bai, ia beti euskal taldeak dira lerro hauetan intereseko. Guretzat, eta zuentzat. Baina pixka bat epifania moduan, Amabirjina ikusi duenak nola, hala daukat... [+]
Norabide bakarrean
721-Gogor Gabiltza
Autoekoizpena, 2025
---------------------------------------------------------
Askotan, guraso garenon kezka bat da ea seme-alabek gure aholku edo "txapak" aintzat hartuko dituzten, jakitun izanda, era berean, guri kontra... [+]
Miruenea
Mirua
Oso polita, 2025
--------------------------------------------------------------
Bi urtez egon dira lanean Miruakoak “inoiz egin duten proiektu garrantzitsuena” aurkezteko: Miruenea. Eta, egia da, gaur egun artista guztiek dioten arren... [+]
Dirudienez
Karma
Autoekoizpena, 2025
--------------------------------------------------------
Mugatzat ez badugu ere, muga da askotan Bidasoa; kulturala, informazioarena… Eta beste aldekoa urrun gelditzen zaigu. Bada, gogoa eta laguntasuna dira muga apurtzaile... [+]
XAK
Xak
Mukuru, 2025
---------------------------------------------------------------
Entzun baduzu eta ez bazaizu sobera sartu, esango nizuke: entzun berriro. Nire urteko disko kutunena izango dena egin berri du Paxkal Irigoyen baxenabartarrak, oraingo honetan, XAK... [+]
It's on
JOHN DEALER & COCONUTS
Ghost Highway, 2025
------------------------------------------------------
Adin batetik aurrera kontzertuak, diskoak eta kantuak bizkarrean eta burmuinean pilatuta, eta musika entzuteko denbora murritzagoa bilakatuta, taldeak bilatu... [+]
Esperoan
Hiuzz
Autoekoizpena (egun motelak kolektiboa), 2024
Ohartu gabe igarotzen diren taldeen multzoa gero eta handiagoa da, edo inoiz baino handiagoa, behintzat. Hiuzz taldearen Esperoan lanak hilabete batzuk... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]