PSN, Nafarroako Gobernua osatzen duten gainerako alderdien kontrako norabidean
Nafarroako Auzitegi Gorenak hala erabakita, euskaldunak ez diren edo hizkuntza aldetik mistoak diren eremuetan euskara ez da meritu gisa hartuko. Erabakiak haserrea eragin du gizarte eragile eta ordezkari politikoen artean.
aurre egingo dieten hedabide independenteak
Ahal Duguk, Nafarroako Gobernua sostengatzen duten alderdien "urgentziazko" bilera eskatu du, epaiari zer erantzun eman erabakitzeko. Ainhoa Aznarez parlamentariak Euskalerria Irratian egindako elkarrizketan adierazi duenez, aurreko legegintzaldian emandako aurrerapausoetan "ezin da atzera egin". Salatu du Nafarroako Auzitegiaren epaiarekin eremu euskaldunera mugatzen dela administrazioan euskaraz aritzeko eskubidea.
EH Bilduko bozeramale Bakartxo Ruizek esan du "neurriak hartu" behar direla, eta alderdiak "berehala" jarriko duela mahai gainean euskararen lege berri baten beharra eta berria egiteko eskaria. "Izugarria, tamalgarria iruditzen zait Nafarroako administrazioan lan egiteko alemana edota frantsesa baloratzea eta euskararen ezagutzagatik punturik jaso ezin izatea", salatu du Ruizek Euskalerria Irratian.
Zentzu berean mintzatu da Geroa Bai koalizioa. "Epaiarekin, atzerriko edozein hizkuntzaren ezagutzak Nafarroako hizkuntza propio baten ezagutzak, hots, euskararenak, baino balio handiagoa" duela deitoratu du. Azpimarratu duenez, epai honekin euskara ez da meritu lehiaketan baloratuko, euskara ez dakiena baztertzen dela esaten duelako, "baina aldi berean paradoxa sor daiteke ingelesa, frantsesa, italiera edo alemaniera bezalako atzerriko hizkuntzen ezagutza baloratzen baita". Nafarroako Gobernuari eskatu dio epai honen aurrean kasazio helegitea jar dezan "Nafarroako herritar guztien hizkuntza eskubideak bermatzeko helburuarekin".
Bestalde, Alternatibak, Nafarroako euskaldunen "hizkuntza eskubideen ukazioa eta zapalkuntza" salatu ditu.
PSN: "Auzitegiaren ebazpenak alderdiaren jarrera berresten du"
PSNren eta Navarra Sumaren erreakzioak kontrako norabidean datoz. PSNko antolakuntza idazkari Ramon Alzorrizek adierazi du ebazpenak alderdiaren jarrera "berresten" duela. Euskararen foru dekretua "baztertzailea" dela dio, eta ez datorrela bat Nafarroako erralitate soziolinguiztikoarekin. "Euskara", esan du, "ezin da konfrontaziorako elementua izan, ezta politikoki erabilia ere". Antzeko terminoetan hitz egin dute Navarra Suma koalizioko parlamentari Juan Luis Sánchez de Muniáin eta Marta Alvarezek: "Auzitegiek gure jarrera babesten dute; euskal hiztunak ez diren herritar guztiak baztertzen zituen foru dekretuak. Kolpe gogorra da Chiviteren kideentzat". Hura buru duen Nafarroako Gobernuak ebazpena errespetatu behar duela dio Navarra Sumak.
Kontseilua: "Hizkuntza eskubideak legez blindatu behar ditugu epaileen menpe egon ez daitezen"
Nafarroako Auzitegi Nagusiaren sententziak ez du sorpresaz harrapatu Paul Bilbao, Kontseiluko idazkari nagusia. “Esana genuen herritarrak eta hizkuntza eskubideak hobeki blindatu behar zirela” adierazi du Euskalerria Irratian Bilbaok “gaur egungo lege markoak horrelako epaiak ahalbidetzen ditu. Euskararen Lege berria behar dugu hizkuntza eskubideak epaitegien menpe ez izateko”.
Hainbat eragileren artean hautsak harrotu ditu ebazpenak:
📌Arrotzak gara gure etxean. Hizkuntza hegemonikoetatik eraikitako pentsamenduek bazterketa baino ez dakarte. Euskara Nafarroa osoan ofiziala ez den bitartean, eskubiderik gabeko herritarrak izanen gara. Eman diezaiogun erantzun bateratua. #napartheidhttps://t.co/UCwp2sKp3F
— Jon Abril (@jonabril) October 1, 2019
Altxorra da euskara, herri egiten gaituena. Horregatik desagerrarazi eta gutxietsi nahi dute, mapak hitz egin ez dezan 🚫 Euskararen herria borrokan eraikiko dugu, egin eta eraginez. Izenez eta izanez ✊ Gora Nafarroa eta Euskal Herri euskalduna!https://t.co/lMG5SedOlj
— Ernai (@ernaigazte) October 1, 2019
Oraindik ez dago garbi noiz arte eutsiko dion bere erabakiari Pedro Sánchez Espainiako Gobernuko lehendakariak, baina korapilo handi samarra sortzen ari da NATOren barruan, honek aurrekontu militarra %5era igotzea arbuiatu ondoren.
Espainiako Gobernua osatzen duten PSOEren eta Sumar alderdien arteko koalizioak aurkeztutako lege proposamena onartu dute Kongresuan ostegun goizean, frankismoaren apologia egiten duen edozein erakunde debekatuko edo legez kanpo utziko lukeena
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Bero boladak ohikoagoak eta luzeagoak dira, azken bi mendeetan 20 zentimetrotan igo da itsas maila eta EAEko bataz besteko tenperatura 0,3 ºC igo da hamarkada bakoitzean.
Eguzki elkarte ekologistak salatu du Donostiako parkean gertatutakoa. Parkean bizi diren hainbat paumari lumak erauzi dizkiote, odoletan utzita. Beraz, erasoa izan dela ondorioztatu dute eta ez dela hegaztien lumaberritze prozesu naturala izan. Eguzki
Algortako Larrañazubi inguruan dago kanpalekua, eta Getxoko Udaltzainek hori husteari ekin diote ostegun goizean. Alkateak adierazi du han bizi ziren pertsonen "segurtasuna" bermatzeko eta "ingurune natural hori zaintzeko" desegin dutela. Getxoko EH Bilduren... [+]
Zizur Nagusiko institutu batean 41 pertsona grabatu zituen eta haietako 30 bere ikasleak ziren. Argazki batzuk sare sozialak erabilita lortzen zituen eta adimen artifizialarekin aldaketak egiten zituen.
Beasaingo enpresaren akzioen %3ren jabe da Eusko Jaurlaritza, eta adierazi du CAFek nazioarteko legedia errespetatzen duela. BDZ Euskal Herriak gogorarazi dio gobernuak derrigortuta daudela okupazioa bultzatzen duten proiektuen aurka egitera.
Maiatzaren 5ean “Lo Vimos en Irun” WhatsApp taldea sortu zenetik, 700 lagun baina gehiago bildu dira larunbatetan patruilak antolatzen dituen taldera. “Segurtasuna bermatzeko” eta “delituak prebenitzeko” aitzakien gibelean, gorrotoaren haztegi... [+]
Egoitza nagusia Basaurin duen enpresak IMI Systemi egin dio bidalketa. Armagintzan bakarrik aritzen da Israelgo Estatuko konpainia hori.
EAEko Justizia Auzitegi Nagusiak ezetza eman zion ABRA Arabako Errioxako Upategien Elkarteak bultzatutako sor-markari. Elkarteak helegitea jarri zion ebazpenari, eta orain Espainiako Auzitegi Gorenak ezetza berretsi du.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Jose Ignacio Martinez Ortegak, OPA Herri Plataformako bozeramaileak, salatu du Eusko Jaurlaritzak “azkar” itxi nahi duela osasun mahaiko eztabaida.
Applen lan egiten duen ikertzaile talde batek adimen artifizialaren (AA) esparrurako egindako ikerketa baten emaitza argitaratu dute. Izenburu esanguratsua du: The Illusion of Thinking. Euskaraz, bere izenburu luzean, honela: Pentsatzearen ilusioa: arrazoitzeko ereduen... [+]