"Biji" Kurdistan

Itziar Bardaji Goikoetxea
2019ko maiatzaren 12a

Biolentzia betikotzen denean ikuslea immunizatzen da, txerto bat jartzea modukoa da. Ural mendietatik haragoko errealitateei europar instituzioek eta hiritarrek ez ikusiarena egiten diete, eraginkortasun txundigarriaz. Ehunka ekintzaile kurdu, zaila zenbat esatea, gose greban daude. Muturreraino eramandako gose grebak dira, eta hiltzen ari dira. Beste batzuek beren gorputzei su emanda egiten duten aldarria: azken 20 urteak kartzelan daramatzan Abdullah Öcalan PKKren buruaren erabateko isolamendua amaitzea.

Europak alde batera begiratzen du Turkiak kurduak erailtzen dituen bakoitzean, Afrin militarki okupatzen duenean edo parlamentuan kurduera hitzegiteagatik hogei urtetako kartzela zigorrak ezartzen dituenean. Europak PKK zerrenda terroristetan mantentzen du eta ez du Turkia Europar Batasunean (EB) sartzeko prozesua eteten. Asiarako pasabide estrategiko garrantzizkoegia da. Ordainetan, Turkiak EBri migratzaileak blokeatzeko lan zikinak egiten dizkio, adibidez.
Baina tira, “Espainiako hauteskundeen parte-hartze maila handiak” bezalako adierazpenek Europan demokrazia osasuntsua dela erakusten omen dute…

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Kurdistan

Azkenak
ASTEKARIA
Azkenak
EGILEA
Eguneraketa berriak daude