Emakumeak borrokan

Celes Alvarez hil da

Jon Alonso
2018ko abenduaren 16a

San Saturnino egunean albiste mikatz bat: “Celes Alvarez, Naparra-ren ama, hil da”.  

2017ko apirilaren 4an, bi urteko prozesu bati amaiera emanez, Frantziako agintariek erabaki zuten Brocas eta Labrit herrien artean indusketa bat egitea, Jose Miguel Etxeberria Naparra-ren gorpua han egon zitekeelakoan. Orduan Celes Alvarezek 88 urte zituen, eta adin horri dagozkion matxurak edukita ere, tente eta duin segitzen zuen semearen gorpuaren hondarrak etxeratzeko enpeinuan; izan ere, 38 urte zeramatzan ahalegin horretan.

Familiak eta familiaren abokatuek eta aholkulariek 2015. urte amaieratik zekiten toki horren berri, Hego Amerikan bizi den konfidente baten lekukotasuna medio. Notizia jaso eta bi urtera, Frantziako agintariek pauso hori emateko egin behar zituzten ikerketa guztiak egin eta gero, indusketa egiteko eguna jarri zuten.

Familiaren eta aholkularien ustez, konfidenteak emandako datuei egoki zitzaizkien bi toki zeuden. Frantziako agintariek, ordea, toki horietako bat alde batera utzi zuten, 80. urteko aireko argazki batzuen aitzakian. Beraz, frantziarrek esandako puntuan, puntu bakarrean, zulatu zuten: ez zen ezer agertu.

Hilabete luzez itxaron behar izan zen hurrengo urratsa egiteko. Izan ere, Frantziako agintarien txostenaren zain geratu zen familia. Zortzi edo bederatzi hilabete luze pasatu ziren txosten famatua iritsi zen arte.  

Txostena ikusirik, abokatuek harriduraz ikusi zuten han ez zegoela aireko argazkirik, ez eta bigarren tokian indusketa ez egitea justifikatzen zuen ezer. Beraz, berriz eskatu zioten Espainiako epaileari erregu-eskaera egin ziezaion Frantziakoari, prozesua berriz ireki eta bigarren puntuan indusketa egiteko.

Bigarren erregu-eskaera hori egin denetik sei-zazpi hilabete joan dira. Frantziako jendarmeek eta epaileek ederki dakite zertan den kontua: badakite induskatu beharreko lurrak norenak diren, azken berrogeita hamar urteetan han izan diren sal-erosketak eta jabetza-aldaketak, lurraren ezaugarriak zein diren… Badakite jakin beharreko guztia, aspaldi; baina…

Bitartean Celesek 89 urte bete zituen, gero eta osasun-egoera delikatuagoa zen berea. “Azkenean joan egingo naiz semea etxera ekarri gabe”, omen zioen.

Celes Alvarez duela hamalau egun zendu da. Justizia deitzen duten horren makinariako pieza guztietatik batek berak ere ez du kontzientzian zimikorik txikienik ere sentituko. “Ardao onena edango dabe Gomez (Dupont) etxian…”. Celes zenaren seme-alabek, familiakoek eta ingurukoek beste jipoi bat, beste sastakada bat jaso dute.

Berriz egin dituzte biktima, hipokrita guztien indiferentziaren erdian.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Estatuen biktimak

Azkenak
2019-05-21 | ARGIA
Baserriko Uzta-rekin 2019an Olatz Salvador, E˝aut Elorrieta eta Ruper Ordorika etxalde agroekologikoetan

2017ko azaroan Anarik eman zion hasiera EHKolektiboak antolatutako 'Baserriko Uzta' zikloari Antzuolako Pikunieta baserrian eta 2019rako hiru kontzertu berri iragarri ditu nekazaritza agroekologikoa sustatzen duen elkarteak. Olatz Salvador, Eñaut Elorrieta eta Ruper Ordorikak kantatuko dute Araba, Zuberoa eta Gipuzkoako etxalde banatan.


2019-05-21 | ARGIA
Donostiako alokairuaren prezioa %17 igo da lau urtetik hona

Idealista higiezinen atariak Espainiako estatuko alokairuen prezioak aztertu ditu. Espainiako estatuko hiriburu guztietan bezala, Hego Euskal Herriko hiriburuetan ere alokairuaren prezioak nabarmen igo dira.


2019-05-21 | ARGIA
Kataluniako parlamentari presoentzako txaloak nagusi Espainiako Kongresuan

Espainiako Kongresuan izan dira bigarren egunez jarraian Turull, Rull, Sanchez eta Junqueras. Behin osatuta, Kongresuko mahaiak erabakiko du euren kargugabetzearen inguruan. Meritxell Batet, izendatu dute Kongresuko presidente .


2019-05-21 | ARGIA
Gipuzkoako Foru Aldundian sartu dira zaharren egoitzetako langileak

LAB sindikatuak antolatutako protestaren baitan Foru Aldundiaren egoitzako sarrera hartu dute greban diren langileek, “hitzarmena orain” aldarria bertara eramanez.


Teknologia oro politikoa da

Donald Trump presidenteak eta Google megakorporazioak Huawei enpresa txinatarrari jarritako betoaz:


2019-05-21 | ARGIA
Semper Donostiako alkategaiaren egoitzari PPko logoaren pintaketak egin dizkiote

Sare sozialetan zabaldu denez, Donostiako alkatetzarako kanpainan Borja Semperrek ireki duen egoitzan pintaketak agertu dira atearen albo banatan. PP alderdiaren logotipoa jarri diote.


2019-05-21 | ARGIA
Jarrera matxistagatik, bertan behera utzi dute Azkoitiko Pelotai Euneko mutilen txapelketa

Pelotai Euneko mutilen pilota txapeleketaren Whatsapp taldean emakumeen kontrako iruzkinak egin dituzte. Ondorioz, mutilen txapelketa bertan behera uztea erabaki du antolakuntzak.


2019-05-21 | ARGIA
Gaur hasiko da "Zerukotik lurrekora" zikloa Koldo Izagirreren hitzaldiarekin

Donostiako San Telmo Museoan izango da ziklo osoa, eta emanaldi guztiak 19:00etan izango dira.


Igor Gebara
"Inposaketan ari da Mercedes, eta ez gaude hori onartzeko prest"

Azken kaleratzeen harira, mobilizazioak egingo dituzte. Ekoizpenean iragarri den jaitsierak enpleguari eragingo ez diolakoan dago Gebara.


2019-05-21 | ARGIA
Bi langile hil dira lan istripuz astelehenean

Urola Kostan gertatu dira bi istripuak, eta bietan langile baten heriotza eragin du ezbeharrak.


ASTEKARIA
Azkenak
EGILEA
Eguneraketa berriak daude