Jauzi bat nerabezarorat
Ikus taldearen kontzertuaren kronika. Irailaren 15ean, Itsasun, Ixo! Fest gertakariaren karietara eman zuten.
Ixo! emankizuna entzuna nuen Euskal Irratien uhinetan, eta plazerez agertu nintzen emankizuneko lantaldeak antolatu duen Ixo! Fest-en lehen ediziora. Programazioa bururaino sekretupean atxiki zuten, eta gaualdiak segi arau ondoko kontzertua zein izanen zen iragartzen zuten, zintzilik zen afixa batean idatziz. Egitasmo polita, afixa buruen logikatik urruntzen dena.
Itsasuko mendien artean, goxoki egon ginen Saioa, Diabolo Kiwi eta Tristtan Mourguy eta Horeba-ren doinu politak entzuten, eguzkipean. Gaua heldu orduko aldiz, rock doinuak ziren nagusi Kuartz bikotearekin eta La fin de la société metal taldeak segitu zuen.
Arras kontent nintzen jakitean Ikus taldeak zuela gaualdiko azken kontzertua eskainiko. Talde hau ikusteko huts egin nuen Suhuskuneko Buru Beltz Festibalean, eta oihartzun biziki onak ukan nituen. 2003an plazaratu zuten beren azken diskoa eta pausa luze baten ondotik aurten itzuli dira, Peio kantaria salbu, taldekide berriekin.
Eszena gainean Marshall eta Mesa Boogie bafleek aitzin dasta polita eskaini digute. Lehen notek konfirmatzen dute: soinu indartsua izanen da. Gitarra bat gizen eta beroa, bestea metalikoagoa, bata bestearen osagarri dira eta baxuaren distortsio finak burrunba polita ekartzen die. Bateria sinplea da, metalean oro har usu kargatu(egi?)ak direlarik, eta emaitza soinu xuxen bat da, landua baina gordina.
Giroa fite berotu da, hastapenean herabeki mugitzen diren buruak gero eta gehiago astintzen dira, eta publikoa bere baitatik hurbiltzen da eszenaren aitzin-aitzinera. Ikus-en kantu bakar bat ezaguturik, belarri neutro batekin deskubritu dut beren musika eta tripak inarrosten dizkit, ene nerabezaroko talde kuttun batzuen influentzia argiak entzuten ditudalako, Korn edo Slipknot-enak adibidez.
Riff pizu batzuek erritmatzen dituzte kantuak, eta kantariak honen gainetik growl –kantatzeko teknika bat, metalean erabilia– indartsu batzuk botatzen ditu. Baina pasarte melodiko anitz ere badira, tentsio momentuak hausten dituztenak, aire hurrupak bezala.
Musikarien mailarekin harritua gelditu naiz, bakoitzak bere musika tresna menperatzen baitu eri puntetaraino. Ageri da kontzentratuta egoteko ahalegin guztiak egiten dituztela, eta horrek dakarren limite bakarra da eszena gainean pixka bat estatikoak gelditzen direla. Baina kantariaren energiak eta argi jokoek publikoa bero atxikitzen dute, irakiteko prest.
Metal doinu horiekin bukatu zen Ixo! Festen lehen edizioa, giro ezin hobean. Ikus-ek ez du beste kontzerturik oraingoz baina kontseilatzen dizuet adi egotea, talde honek merezi baitu ikusia izatea…
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Turingia estatuko Auzitegi Gorenak ebatzi du Buchenwald konzentrazio esparruko memorialak eskubidea duela kufija daraman edonori sarbidea ukatzeko, "judutar ugariren segurtasuna" arriskuan jarri baitezake.
.jpg)
Mexikoko mugako hesia beltzez margotu du AEBetako Gobernuak. Lehenengo brotxakadak ematera bertaratu da Segurtasun Nazionaleko idazkaria bera, Kristi Noem. Neurri horren bidez, hesiaren tenperatura igo nahi dute, eta horrela migratzaileen pasabidea zailtzeko.
Garmendi mendi gidaritza zerbitzuaren bitartez zeharkaldi eta ateraldiak antolatzen ditu Ibai Iturriak. Argitara eman diren datuekin kezkatuta, mendian "kontzientziaz eta arduraz" jokatzearen beharra azpimarratu du.
Ez kobratzea, nagusiaren senideen etxeak garbitu behar izatea, lantokian lo egin behar izatea, irainak... Luxuzko jatetxeko esklabotza-baldintzen lekukotzak argitara ateratzen jarraitzen dute Urola Kostan.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]
Kai Nakai, Maren eta Olatz Salvadorren kontzertua bertan behera utzi zuen Bilboko Udalak joan den igandean. Hiru musikariek azaldu dute gertatutakoa.
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
Euskararen biziberritzeari buruz asko hitz egiten ari azken urteetan eta horren inguruan ari da lanean Euskaltzaindiko talde bat. Talde horretan dago Jon Sarasua ere eta galdetu diogu zeregina zertan den. Galdetu diogu, halaber, udaberrian idatzi zuen Puprilusoko artikulu... [+]
Adimen artifizialarekin garatutako tresna bat da IA-Speak. Bi erabilera nagusi izanen ditu: mintzamena itzultzen duen gailu bat eta erabiltzaileen mintzamena aztertzen duen plataforma bat.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Fitxa: Musika Hamabostaldia. Victoria Eugenia Zikloa. Mitsuko Uchida (pianoa).
Egitaraua: Beethovenen hiru azken sonatak.
Lekua: Donostiako Victoria Eugenia Antzokia.
Data: abuztuaren 18a.
Mitsuko Uchidak Musika Hamabostaldia bisitatzen duen hirugarren aldia da. Bere estiloak... [+]