Irakurleak galdezka

  • Kaixo Jakoba. Ezpelaz egindako hesi luze bat dugu etxean eta azken hilabeteetan gaixorik dago. Inguruko landare-denda batean esan ziguten gaitz hori oso zabalduta dagoela eta Belthirul izeneko hauts batzuk saldu zizkiguten. Hiru aldiz eman diogu azken hiru hilabeteetan, baina berdintsu jarraitzen du. Zerbait gehiago egin daiteke? Eskerrik asko.

    Felipe Aramendi (Hernani)

Cydalima perspectalis (Arg.: Böhringer Friedrich-CC By SA)
Cydalima perspectalis (Arg.: Böhringer Friedrich-CC By SA)

Kaixo Felipe. Ezpelean daukazuen hori tximeleta bat da: Cydalima perspectalis. Ikaragarrizko izurrite txarra da, Asia aldetik guregana iritsia. Har berde-beltza da kalte egiten duena. Gero krisalidan, armiarma-sare tankerako batean itxi eta tximeleta bihurtzen da. Bacillus thuringiensis kurstaki da bera tratatzeko botika. Hau da, zeuk aipatu duzun Belthirul. Tratamendu ekologikoa da, ez die inolako kalterik sortzen ez landareei, ez lurrari ezta guri ere. Tratatu ahal duzun azkarren, 8-10 egunero. Landarea ondo busti, saiatu alde guztietatik bustitzen.

Hurrengo urtean udaberritik adi egon eta lehen harra ikusi orduko tratatzen hasi. Hasieratik eginez gero kalteak asko murrizten dira.


Kanal honetatik interesatuko zaizu: Galderak
Eguneraketa berriak daude