Hiru burmuin borborrean eta naturaren deia

Voltaia Zumaiako hirukote gaztea da. Itaka eta Got Ham taldeetako errautsetatik sortu zen 2014an. Hala ere, hain ibilbide motzean zeresana ematen ari dira beraien ingurunean, rock gogor eta arriskutsuenaren eremuan eta hainbat hedabide espezializatuetan. Voltaia izeneko lehen lan auto-ekoiztuak (kopia gutxi batzuk argitaratu zituzten) stonerrean zeukan oinarri nagusia: benetako power-trio-a izatearen energia, erritmo pisutsu eta monolitikoak, eta kutsu oso zikineko gitarra riff  bereizgarriak, batez ere. Bestalde, hirukotearen ahotsa eta erdietsitako erregistroak ez dira edonolakoak; eta punkarekiko zein erdizkako tempoekiko hurbiltasuna erakusten zuten.

Talde hasiberriek, mediatikoak ez diren hiriguneetatik abiatuta, ezagun bihurtzeko dituzten zailtasunak poliki-poliki saihesten joan dira, Voltaiakoek dakiten modu onenean: sinesten duten horretan gogor lan egiten, publikoaren onespena bilatzeari bizkarra emanez. Beraientzat sortu eta garatzen dituzte kantuok eta horrek bihurtzen du taldea sinesgarri eta egiazko.

Orain bigarren lanarekin datoz eta zazpi kantuko estreinako lanak gogoz utzi zituenak asebeteko ditu. Euskaraz abestutako hamaika kantu, gordinak guztiak, eta stonerraren osagarriak nagusi izan arren, asko dutenak barrura begiratzetik eta esperimentatzetik. Ioi, neutroi eta elektroien eztandak voltaia sor dezake leku askotan; baina olatuek, kostaldeko haize bortitzek eta hiru musikazale amorratuen sormenek ere hori eta gehiago piztu dezakete. Inoiz taldekideek edo haien hurbilekoek taldea stoner-punk band gisa definitu badute ere, hori motz gelditu da dagoeneko. Izan ere, estilo askotatik edateaz gain, kantuek garapen eta erritmo aldaketa ugari dute. Bistan da hirukoteak kantuak idazten eta garatzen izugarri disfrutatzen dutela.

Ikuskizun kantuak stonerraren patroi guztiak betetzen ditu; Ez dugu men egingo rockzaleek eta stonerrek autoa gidatzeko ezin aproposagoa da; Bizioak stoner monolitikoena 70eko hamarkadako talde handienekin eta progresiboekin ezkontzen du; Ukabilak eta Uholdeak, gogorrak izanik, asko dute hard-rocketike eta psikodeliatik; baita Medusak ere baina azken honek metala ere badu helmuga; Otsoa ardiz jantzita flitschetako balada gordina da; eta Hil baino lehen punk-rock gogorrenetik abiatu eta ia industriala bihurtzen den torpedo itzela. 

Medusa

Voltaia

Mauka


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude