Ipularra Oñatin mugia da

Oñatiko Ortuzabala Kontsumo Taldia-k antolatuta, hitzaldia eskaini zuen Jakoba Errekondok ekainaren 22an, herriko taldeak biltzen dituen Eltzia egitasmoaren egoitzan.

Ohiko moduan, areto bete jende jakintza truke bizian aritu zen. Errekondok gaia borborka dela azpimarratu zuen: “Baratzea beti izan da ertzekoa. Zergatik? Emakumeek landu dutelako”. Ipularrarekin alderatu zuen, sailaren ertzetan landu gabe geratzen den zatiarekin. “Nola esaten duzue Oñatin ipularra?”. Berehala heldu zen ahots anitzetara erantzuna: “Mugia!”. Errekondok jarraitu zuen: “Bada baratzea zentraltasuna irabazten ari da. Nork esango luke duela 10 urte Oñatin gaur 80 lagun bilduko zinetenik baratzeaz hitz egitera?”. Hitzak berreskuratzeko jolasa abiarazi zuen gehiagotan Errekondok: “Nola esaten diozue lastoarekin nahastuta ondutako simaurrari?”; “Kortalohia!” erantzuna. Errekondok errematea: “Konpost hitz ingelesa hartu dugu dozena hitz baditugunean bertan horixe esateko. Nik liburuan luarra erabili dut”.

Urteko egunik luzeenetakoa ahitzear zela, irailaren 20an Oñatin bertan ospatuko dugun Argia Egunera arte agurtu genuen elkar. Han izango dugu Ortuzabalako kideak eta paisaia ezagutzeko aukera.

Bidali liburuan ageri diren landare, lan, tresna eta abar izendatzeko zuenean erabiltzen dituzuen hitzak (mandio@zerain.eus). Guztion artean ahalik eta hiztegi aberatsena elikatuko dugu.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude