Emakumeak borrokan
Gizarte bazterketa

114.000 lagun gehiago pobrezian

  • Gaindegiaren arabera, neurgailu guztiek erakusten dute Euskal Herrian pobreziak gora egin duela.

Eider Madina Berasategi @xaukenaxauk
2013ko abenduaren 15a
Eurostaten datuak oinarri hartuta Gaindegiak osatu duen mapa, Europan pobrezia edo bazterketan erortzeko arriskuan dagoen biztanleria kopurua adierazteko.
Eurostaten datuak oinarri hartuta Gaindegiak osatu duen mapa, Europan pobrezia edo bazterketan erortzeko arriskuan dagoen biztanleria kopurua adierazteko.

Gaindegiak Pobrezia eta bazterketa Euskal Herrian txostena kaleratu du. Bertan biltzen denez 2009tik hona, Euskal Herrian gutxienez 114.576 pertsona gehiago daude pobrezia egoeran.

Bi Estatuen arteko muga hartuta, Ipar Euskal Herrian pobreziaren proportzioa altuagoa da, baina estatuak politika publikoen bitartez orekatzen du. Hego Euskal Herrian berriz, pobreziaren bilakaera negatiboa izateaz gain, oso azkar gertatzen ari da.
Eurostat-en datuen arabera, 2012an Euskal Herrian 520.416 pertsona zeuden pobrezia edo baztertze arriskuan, biztanleria osoaren %16,6. Batik bat EAEn eman da igoera hori. Horretaz gain, 2012an 317.199 pertsonak ordu oso gutxiko enplegua zuten. 2009. urtetik ia bikoiztu egin da egoera horretan dagoen biztanle kopurua.

Pobreziaren Europako mapa

Europar Batasunaren neurgailuekin Gaindegiak mapa esanguratsua egin du. Bertan irudikatzen da Euskal Herria Europa mailan postu baxuan dagoela pobreziari dagokionean (%16,6). Dena den, ikerketen emaitzetan adostasunik ez dagoenez, pobrezia maila biztanleriaren %15 eta %30 artean kokatzen du Gaindegiak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
ASTEKARIA
Azkenak
EGILEA
Eguneraketa berriak daude