Emakumeak borrokan

Pestizidak ardoetan, araurik ez


Joxerra Aizpurua Sarasola
2013ko urriaren 20a
Pestizidak ardoetan
Pestizidak ardoetan

Frantziako Kontsumitzaileen Elkarteak 92 ardo beltz, gorri eta zuri aztertu eta guztietan pestizida zantzuak atzeman ditu. Aurkitutako kantitateak txikiak izan dira kasu guztietan, toxikotzat har daitekeen mailatik behera, adierazi dutenez. Baina, aldi berean, gai horren inguruan lege-araurik ez dagoela ohartarazi dute.

Mahats eta fruitu gehienek, kontsumituak izan aurretik, Europak ezarritako Hondakinen Gehienezko Muga (LMR) bete behar dute, baina fruitu horietatik ateratzen diren zukuetarako –ardoak barne– ez dago LMRaren antzekorik.

Mahatsean pestiziden maila kontrolatuta izateak nolabaiteko segurtasuna eman lezake ardoari dagokionez, baina zer gertatzen da egunero edo maiztasunez ardoa edaten bada? Pestiziden metaketak eragin kaltegarriak izan ditzake osasunean? Eta ardoa egiteko mahatsei osagai kimiko artifizialak ezartzen zaizkienean...

Inongo ardoren etiketan ez dugu ikusiko pestiziden edota antzeko substantzien kantitateen berri ematen duen testurik, ez baitago bere kabuz hori neurtzen duen ardogilerik. Egoera horren aurrean ematen diren aholkuak jaki guztientzat ematen direnen antzekoak dira; ardoetara ekarriz, hauxe esango genuke: saiatu leku eta mota desberdinetako ardoak edaten, horrela substantzia zehatz batzuen metaketa ekidingo baitugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
ASTEKARIA
Azkenak
EGILEA
Eguneraketa berriak daude