Oria errioaren ur gazi-gezetan nabil. Amazoria deitzen dio lagun batek. Gilarik gabeko alan, itsasoko barratik abiatu eta marea gora bizienetako ur kargak ahalbidetzen duen goreneraino igo eta itsasoraino jaitsi; kosta behar zaizu honelako ikuskizunik topatzea. Urari gorazarre landareak, paisaia makurtu egiten da. Ur geza beherantz, gazia gorantz. Goi-goienekoa, hostaia ukitzen diona gogokoena, gazia. Bizia. Gaxia, bixia. Argazkiko landare koreografia: lezka (Phragmites australis), rainutria (Fallopia japonica) eta milazka (Tamarix gallica). Bata hegokoa edo australa, japoniarra bestea eta frantsesa azkena. Gure errioetan nagusi!