Euskadiko Kutxa - Ipar Kutxa

Banku eredu kooperatiboa indartzen

  • Martxotik harremanetan eta negoziaziotan aritu ondoren, Euskadiko Kutxak eta Ipar Kutxak Euskal Kreditu Kooperatiba eratu dute. Urtarrilaren 1ean hasiko du ibilbidea, eta datorren urtean zehar egonkortuz joango da. Kooperatiba berria Euskal Herriko bigarren finantza-erakundea eta Espainiako Estatuko bigarren kreditu-kooperatiba izango da.

Daniel Udalaitz
2012ko abenduaren 09a
Euskadiko Kutxa - Ipar Kutxa
Euskadiko Kutxa - Ipar Kutxa

Zortzi hilabete igaro dira Euskadiko Kutxak eta Ipar Kutxak hizketaldiak hasi zituztenetik kreditu-kooperatiba bateratua osatzeko. 2012ko martxoaren 20an, bi finantza-erakundeek ofizialki jakinarazi zuten negoziazio formalak martxan zituztela. Orduz geroztik, bi erakundeen ordezkariek hainbat arlo jorratu dituzte, euskal kreditu-kooperatiba berri eta aitzindari hau abiarazteko akordioak lortzeko helburuz. Joaneko azaroaren 1ean, erakunde juridiko bakarra osatzen zutela iragarri zuten. 2013ko urtarrilaren 1etik aurrera, bateratze operatiboari hasiera emango diote, baita burutu ere.

 Epe honetan, euskarri ugaritako publizitatea ikusi izan dugu, eta banku-eredu berria, bezeroekin lan egiteko modu berria, susperraldi ekonomikoa sustatzeko agente aktibo bihurtzeko nahia… iragartzen zuen. Orain, hori guztia praktikan jartzeko unea iritsi da. Eta proiektuaren arduradunak buru-belarri ari dira. Merkatu-marka berria Euskadiko Kutxaren eta Ipar Kutxaren marken konbinazioa izango da, eta bien balioa eta posizionamendua kapitalizatuko ditu.

 Hala ere, MCC taldearen, haren barruko Fagor eta Eroski enpresen eta Euskadiko Kutxaren zoritxarrerako, kaltegarriak izan litezkeen gertaerak azaleratu dira etapa berri honetan. Eroskiren eta Fagorren finantza-ekarpenen eta hainbat finantza-erakundetako lehentasun-akzioen ondorioz, bezero askok kalteak jasan dituzte, eta aurreztutako dirua itzultzea eskatzen dute, 2004an ekarpenak egin zituztenean aurreikusten ez zen legedi batek euren aurrezkiak hipotekatu baititu. MCC Taldearen irudia eta sinesgarritasuna ahul lezake horrek, Arrasateko taldeak ez badu gaia modu gardenean argitzen.

Euskal Herriko bigarren finantza erakundea

Euskadiko Kutxa eta Ipar Kutxa kreditu-kooperatiba bakarrean elkartzerakoan, sortutako erakunde berria Euskal Herriko bigarren finantza-erakundea eta Espainiko Estatuko bigarren kreditu-kooperatiba bihurtuko da, eta merkatu-posizioa indartuko du, batik bat Bizkaian eta Araban. Horrela, kooperatiba berriak 25 mila milioi eurotik gorako aktiboak kudeatuko ditu guztira. Gainera, Hego Euskal Herrian 860.000 bezero baino gehiago dauzka (750.000 EAEn eta 110.000 Nafarroan), eta horri Euskadiko Kutxak beste erkidegoetan dituen bezeroak gehitzen badizkiogu, erakunde berriak 1.300.000 bezero baino gehiago izango ditu.

Erakunde biek batera, 451 bulego dituzte (Euskadiko Kutxak 364 eta Ipar Kutxak 87), eta 2.497 langile guztira (Euskadiko Kutxak 2.100 eta Ipar Kutxak 397). Kreditu-kooperatiba bakarra osatu ostean, zenbait bulego eta lanpostu murriztuko dituzte; baina ez dirudi arlo horretan aldaketa handirik egongo denik.

Batasunak, indar. Integrazioaren negozio-plana zuhurtziaz gauzatu da, eta aurreikuspenak egitean, bankuentzat negatiboa den testuinguru bat hartu dute oinarri. Horrenbestez, kooperatiba berriak kaudimen-baldintza guztiak beteko ditu. Izan ere, ekitaldi honetan zuzkidura guztiak estali eta enpresen eta partikularren kartera handitzeaz gain, estaldura orokorrerako funtsa nabarmena lortu du.
Arduradunen iritziz, aliantza honek bere posizionamendu estrategikoa hobetuko du tokiko erakunde gisa, eta ekonomia soziala oinarri duen finantza-erakundea sustatuko du, helburua izanik erakundeak barne hartzen dituen merkatuak finantza-zerbitzuz eta aseguramenduz hornitzea. Gaur egungo eredua finantza-sistema banku bihurtzearen ondorio da, eta erakunde berriak eredu horren ordezko aukera bat ere eskaini nahi du. Arduradunen hitzetan, proposatutako eredu berriak bezeroenganako gertutasuna mantentzearen alde egiten du, eta haren xedea da finantza-egoera berrian rol garrantzitsua betetzea, garapen ekonomikoa eta soziala ikuspuntu berri batetik sustatzeko asmoz. Halaber, kooperatiba-proiektu berriak industriarekin eta nekazaritza-elikagaien sektorearekin lanean jarraituko du, oinarrian dituen bi erakundeen ezagutzez baliatuta.

Arrasaten izango du egoitza soziala

Arrasaten egongo da euskal kreditu-kooperatiba berriaren egoitza soziala. Orain arte, Ipar Kutxak Bilboko Areatza plazan zuen egoitza, eta hemendik aurrera, bertan izango dira Txikizkako Bankuaren Merkataritza-sarearen eta haren Negozio Batzordearen azpi-egoitza operatiboak, baita Lurralde Zuzendaritza eta horri dagozkion euskarri-egiturak ere. Era berean, Bizkaiko hiriburuan jarraituko dute Lagun Aro Aseguruen, Kartera Sozietatearen eta Kudeatzaileen egoitza sozialak.

Artezkaritza-kontseiluak 15 kide izango ditu oraingoz: 12 Euskadiko Kutxarenak eta 3 Ipar Kutxarenak. Fusionatutako bi erakundeen batzarrek Txomin Garcia izendatu dute erakunde berriko lehendakari, orain arte Euskadiko Kutxaren zuzendari izandakoa, hain zuzen ere. 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2018-09-30 | Adur Larrea
Ez hanka ez buru
Gernikako Estatua 2.0

2018-09-30 | Mikel Asurmendi
Daniel Olzomendi, Euskal Elkargoko kontseilaria
"Ez etorri bigarren etxe bat erostera, partekatu bizitza gurekin erosi gabe"

Izura-Azme, 1974; Oztibarre, Baxenabarre. Herri horretako auzapeza da. Euskal Elkargoko Turismo, Natura eta Ondarearen kontseilaria. Biologia eta geologia irakaslea Baionan: “Politikan aritzea ez da aise, ez bazara politikari profesionala bilakatzen bederen. Nik nahiago dut ene lanpostua atxiki, orduak tipituz, eta independente izan ene pentsatzeko eta egiteko moldetan”, erran digu. Hartara, 2020an bere karguen aldia bukatzen bazaio, irakaskuntzara itzuliko da denbora osoz, gustura... [+]


2018-09-30
Elkar topatzea

“Esan izan da hantustea dela musika klasikoa. Nork imagina zezakeen zintzarriak, txalaparta, txirula edota ttun-ttuna entzutea Vivaldiren partitura batean... Beharbada ustez urrun dagoena, benetan hurbil dago. Ea egotea den elkar entzun eta ulertzeko gakoa! 4 sasuak ia ia sedukzio jolas bat da. Bertan, hizkuntza arrotzak maitatu eta musika-tresna oso ezberdinak erakarri egiten dira”.


Mugikorra eskolan, zertarako?

Ez naiz ni debeku zalea, baina entzun diet ikastolen elkarteko eta eskola publikoko hainbat ordezkariri mugikorrak eskolan debekatu ordez haurrei sakelakoa egoki erabiltzen erakutsi behar zaiela, pedagogikoki tresna bikaina dela eta ikastetxe bakoitzak erabaki beharreko zerbait dela, eta galdera ugari geratu zaizkit airean.


2018-09-30 | Z. Oleaga
Mamadou Oury Diallo
"Nire bizitza beste askorena da"

Mamadou Ouryren bizitza oztopo lazgarrien kate baten eta horiek gainditzearen lekukotasuna da. Jaiotzetiko pobrezia Ginea Konakryn, Europara bidaia pateran, Almeriako plastikozko itsasoa, Arabako adingabeen zentroetako tratu txarrak eta kanporatze saiakera ilegalak, bizileku-baimena lortzeko ezin konta traba. Lekukotasun hau milioika pertsonaren historia konpartitua da. Atzo bezala, gaur ere bai.


Hamar urte krisian
Kasino globalaren pitzadurak hor jarraitzen du

2008ko irailaren 15ean Lehman Brothersek kiebra onartu zuenean paradigma eta uste asko ere hondoratu ziren berarekin. Atzeraldi Handia-ren hasiera izan zen, nahiz eta finantza kapitalismoa aspaldi zebilen sistema irrazional baten mamua begiztatzen etxe-orratz distiratsuetan islatuta. Agintariek, egoera bideratu beharrean okertu egin dute: jendea ari da krisia pagatzen eta bankuek jarraitzen dute erruleta arriskutsuaren jokoan.


Martin Orbe. Abadea ere torturatua
"Ezin zara torturaren zamapean egon bizi guztian"

Martin Orbek bazuen lagun bat, Eusebio Martija, inoiz hari zelan zegoen galdetu eta “Ederto, xehetasunetan sartu gabe”, Martini erantzun ohi ziona. Xehetasunetan sartu gabe Martin Orberen bizia ere: hierarkiatik aparteko apaiza, irakaslea, torturatua, Zamorako kartzelan egona, Gogor taldekoa, UEUren gidari… Xehetasunetan sartzera egin dugu, Orberen lagun Martija hark ez bezala. Nola esango nizuke, bada?


2018-09-30
Martin Orbe Monasterio (Errigoiti, 1934)

Abade Zeanurikoa, hogei urtez. Gogor taldekoa. Espainiako konkordatu kartzelan preso eduki zuten 1969tik 1972ra Zamoran. Gordin kontatuak ditu torturak Zamorako apaiz-kartzela (Txalaparta, 2011) eta Apaizak ere torturatuak (Intxorta 1937, 2017) liburuetan. Espetxetik irten eta, berriz atxilo hartu baino lehen, Ipar Euskal Herrira ihes egin zuen. Udako Euskal Unibertsitatea gidatu zuen 1976tik 1983ra. UEUren Merezimendu saria jaso zuen 2012an. Euskaltzain ohorezko ere bada. Abade irauten du.


ASTEKARIA
Azkenak
EGILEA
Eguneraketa berriak daude