Ez dut imajinatu nahi zure hastapenetatik hona zenbat komentario “burutsu” entzungo zenituen!
Azken lau urteetan isilarazi ditudalakoan nago. Dena den, komentario horiek erasaten uzten diezuna erasaten dizute. Kasu egin izan banie ez nintzen borrokalaria izango... ezta artzaina ere!
Eta orain merchandisingean gaztak saltzen dituen kirolari bakarrenetakoa zara.
Garbi daukat zein den nire negozioa, zer nire bizi-oinarria. Zaila da borrokalari baten atzean artzain bat egon daitekeela irudikatzea. Hori bai, urtarriletik uztailera ez daukat ia bizitza pribaturik: lana bukatzean kirola hasten da eta kirola bukatzean lana.
Ez esan zu ere eliteko kirolarien burbuilan bizi zarenik.
Kiroleko lagunak soilik badituzu, kiroleko jendearekin jan eta lo egiten baduzu... Zer gertatzen da min hartzen duzunean edo emaitzarik ez daukazunean? Nork goxatzen dizu bakardade eta porrot sentsazioa?
Kirolariak badaki sufritzen, sakrifikatzen...
Sakrifizio gaitasuna heziketarekin lotuta dago. Dena eskura eman badizute, gauzak pixkanaka eta ahaleginaren ordainez datozela ez badizute irakatsi, alferrik da. Ea krisiak mentalitateak aldatzen dituen, bestela hemen inguruan goi-maila desagertuko da.
Medioetatik desagertuta dabilena zure kirola da!
Pekingo olinpiar jokoen ostean amorrazio itzela eman zidan. Orain badakit hau horrela dela, komunikabideetan lau urtez behin bizi garela, lorpen handietara kondenatuta gaudela, eta hori pasatzean, hurrengo olinpiaden zain egon behar dugula.
Domina baino kondena ederragorik...
Domina batek dena aldatzen du. Ama izateko asmoa neukan, baina beste urtebetez gutxienez borrokan jarraituko dut. Zurrunbiloan sartuta nago, uzteko eta ez uzteko esaten didate, baina nahiago dut itxaron, arnasa hartu, eta nire pentsamenduari bidea egiten utzi.
Utzi ala ez utzi, beti izango zara Euskal Herriko borrokaren enbaxadorea!
Nik zabaldu dut bidea, nik daukat domina, baina nire bizipenak kontatu eta jendeari hurbiltzea beste helbururik ez dut. Horri esker jende bati gure kirola gustatzen bazaio eta probatu nahi badu, badaki nora jo.
Burugogorra izateak zenbat balio duen erakutsiko diozue?
Bidean suertatu diren traba guztiei aurre egiteko burugogorkeria nire bertute ezinbesteko bat izan da. Burugogorkeriarik gabe aspaldi esango nuen “pikutara, haizea hartzera denak!”.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Zumaiako Flysch-ak plastikoz beterik daudela erakusten duen bideoa birala bihurtu da azken orduetan.
UKWIN Britainia Handia Errausketarik Gabe koalizioak zabal du erraustegiek klimaren aldaketan daukaten eraginari buruzko ikerlan berria, zentratua –alde batera utzita ingurumenaren kutsatzea, gizakien osasun kalteak, eta beste eraginak– teknologia horrekin sortutako energiaren karbono balantzean. Emaitzek gezurtatzen dituze errausketaren propagandistek behin eta berriro plazaratzen dituzten kontuak.
Eraso arrazista bideoz grabatu zuen bidaiari batek. Hegazkin-konpainiaren jarrerak zalaparta sortu du ikusleen artean.
Sexu erasoak izan dira biak. Kasu batean zein bestean, erasoa jasan duen emakumeak salaketa jarri du.
Milaka pertsonak babestu du Orain Presoak dinamikak antolaturiko “inoizko manifestazio pluralena”, euskal presoen kartzelaratze auziari konponbidea ematea eskatzeko.
Euskal Autonomi Erkidegoaren egoera ekonomikoa, Errendimenduaren gizartea saiakera eta eskola segregazioa aztergai aste honetako Lanaren Ekonomian. Berrikuntzekin dator ikasturtea BilboHiria eta Hordagoko elkarlanean.
Europako ikertzaile talde batek, Ekologistak Martxanekin elkarlanean, jatorria hondakin elektronikoetan duten toxiko arriskutsuak aurkitu dituzte birziklaturiko plastikoetan, hala nola, jostailu edota kontsumorako saltzen diren beste hainbat produktutan.
