Bilgune nazionalak

Bi eredu. Ipar-Hegoak antolatu Mus Txapelketaren finala Gipuzkoako Seguran. Bikote zenbaiteko lagunak gazteleraz mintzo, euskara arrotz. Iparraldekoek euskara eta frantsesaz gain, gaztelera ezagun. Itzultzailerik gabeko komunikazioa burutzeko gauza, elkarrekin ikusi ditugu bazkal garaian eta ondorengo kantu-dantzen jostetan, pozik. Baigorriko Nafarroaren Egunean sei lagun borobilean. Baxenafar bi hegoaldeko lau. Hauetako batek nekez egiten du euskaraz. Beste hirurek bezala, ez daki frantsesa. Gazteleraz ari dira. Baxenafarrak hemen ere gaztelera mintzatzeko gauza dira, elkarrekiko harremana eten ez dadin. Erdaldunak normaltzat hartzen du egoera, ez zaio arrotza egiten. Gehiengoaren parte da, ohitua da gutxiengoak berea mintza dezan, ez da harritzen ez lotsatzen. Etxean da. Ez du frantsesa behar, ez da euskalduna, alaba ikastolan duen abertzalea da. Euskara, gaztelera eta ingelesa mintzatuko dituen alabaz harro da, misión cumplida esan du postretzat. Ez du erreparatu baigorriarrak etxeko hirurak erabiltzeko gauza direla, hegoaldeko festetan ez dutela ingelesaren beharrik bertako erdaldunekin harremanak izateko. Gutxiengoan bizitzeak badu bere abantaila.


Azkenak
La Salle jakitun zen Patxi Ezkiagak adin txikikoei egindako sexu abusuez, eta ez zuten neurririk hartu

El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]


Nola desaktibatu Googlek Chromen txertatu duen jarraipena

Urteak dira Firefoxek eta Safarik jarraipena egiteko erabiltzen diren hirugarrenen cookieak blokeatzen dituztela. Chromek ere gauza bera egingo du 2025ean, baina publizitatearen negozioan duten nagusitasuna handitzeko aprobetxatu nahi dute, jarraipena nabigatzailean bertan... [+]


Eguneraketa berriak daude