Koblakarien lan nekeza

  • Martin Larralde :: Batzuen artean.

    Bonberenea Ekintzak.

    Iraupena: 33’24’’
     
    10 euro.

Eneko Barberena eta Mikel Oceja Arrasateko bi ipurterre dira. Barberenak hausnarketa, poesia eta prosa batzen dituen liburuxka (hirugarrena dagoeneko) idatzi, Ocejak janzten lagundu eta beste lagun baten erruz liburu-diskoa egiteko lanean jarri ziren, Bonberenea Ekintzak-en laguntzarekin. Hala, ia hiru urte hartu dituen epean 11 musika taldek testuetako batzuk musikatu dituzte askatasun osoz. Horien artean, bada bertsorik (Jokin Labayen eta Manex Agirre), folk iluna (3 Zikinak), gaurkotuagoa (Ain_1), countryra hurbilketa (Bihotz Bakartien Kluba), errezitatuak (Xabi Strubell), hip-hop eta crossoverra (F-21, Basske), baita Goseren eta Pirritx eta Porrotxen ekarpenak ere, Bonberenea Txarangarekin bat eginik. Arrasaten eta Bonberenean bakarrik erosi daiteke, baina sarean eskuragarri jarri dute emakumetu edo gizondu ez diren ume guztientzat.
Eneko Barberena - Martin Larralde
"Azkenean luzaroan irauten dutenak liburuak, filmak, diskoak eta kantak dira"

Zer dute talde hauek guztiek komunean?

Guztiak direla nire gustukoak. Guztiak daude Arrasaterekin edo Bonberenearekin lotuta, eta batzuk bidean ezagutu ditut. Bertsoak, folka, elektronika eta abar dago, baina Txapek lan handia egin du eta ondo batu ditu kantak. Norbaitek esan dit rock gutxi dagoela, baina niretzat hori naturala da. Gainera, rocka egiten dutenek ere proiektu honetan bestelako soinuak landu dituzte beraien borondatez.

Martin Larralde bezalako koblakariak, ahotsak eta testigantzak falta dira Alzheimer, herri kazetaritza sentsazionalista eta zentsura garai hauetan?

Horren guztiaren aurrean Internet bada aukera bat espresatzeko, baina gure begi bistatik informazio gehiegi igarotzen da eta benetan oso gutxi da irauten duena. Azkenean luzaroan irauten duena liburuak, filmak, diskoak eta kantak dira.

Bi egileok 80ko hamarkadako punkaren zaleak ez izan arren, Josu Eskorbuto aukeratu duzue azalerako…

Neurri batean txantxa da, ez dagoelako Euskal Herrian Larralderen figura baino kontrajarriagoa denik: bata, euskalduna, nekazal girokoa… bestea, erdalduna, giro industrialekoa… Baina, bestalde, Josuren kantetan ederto jasotzen da bere garaia nolakoa zen, bere bizimodua eta pentsaera.

Proiektu hau gauzatzeak ausartago egin zaituzte?

Agian ausartagoak bai, hau irten ez balitz oso zaila litzatekeelako idazten jarraitzea.

Zer izan da zailena?

Gauza askotan ezezagutza handia genuela eta bidean ikasi behar izan dugula. Baina ikasi dugu autoekoizpena zer den, jende asko ezagutu dugu…

Musikariak koblakari aproposak dira? Gustuko dituzu gaur egungo musika taldeen hitzak eta jarrera?

Bai. Mezulari aproposak daude, hitz mamitsuak dituztenak eta pentsarazteko gaiak ematen dizkidatenak. Arrasaten bertan urrunago joan gabe, Anger, Gose, Never Surrender eta Ain_1 aipa ditzaket.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude