Luma eta lubakia
Gehien maite dugunarentzat hoberena nahi izaten dugu. Hoberena izaten ikusi nahi dugunari kritika zorrotzena egiten dakigu, hobekuntzak ahal bezain fite etortzea nahi dugulako. Euskal idazleek –euskal prentsak, oro har– zentsura oso gutxi praktikatzen dute, behintzat kontra joaten saiatzen dira, zentsura demokrazia oztopatzen duen tresna ikaragarria baita. Ondorioz, talde armatuaren bukaera dela eta kolore guztietako iritziak irakurri ditugu, bukaera horren tenoreari doakionez ere. Bigarren gerra mundialaren garaian, Charles de Gaulle jeneralak armak hartzera deitu zuelarik, eta arma horiek isildu zirelarik, ez zuen inork zalantzan jarri erabakia. Algeriako erresistentziak, FLNk armak hartu zituelarik ez zuen inork FLNren jarduera militarra zalantzan jarri. Bi kasu horietan erabaki horien ondorioa garaipena izan zen. Gurean, funtsezko arazoak, militante askoren egoera gori-gorian dagoenean, harresia desmuntatzen hasten dira. Harresia gero eta azkarragoa behar dugu estatuek hasi duten abertzaletasunaren kontrako propagandaren kontra irauteko.
Jarduera armatuaren bukaerarekin editorialista batzuen lumatik ematen du konfliktoa bukatzen dela, eta gainera lehenagotik bukatzen ahal zela. Egunero inguratzen gaituzten bi estatuen prentsa irakurtzen ibiltzeko aukera daukagunok, alderdi bakarreko jarduera militarra bukatu eta, ez da deus aldatu! Bake prozesurik ez dago, gerla psikologikoa, prentsaren bitartez eramaten den gerla ideologikoa sekulan baino azkarrago ikusten da.
Azaroan Frantziako Estatuan euskal militanteen kontra bi epaiketa gutxienez iraganen dira. Presoen hurbilketarik ez da igartzen. Presa gehiegi dugula, prozesuak bere erritmoa daukala eta pazientzia izan behar dela. Noski hori guztia badakigu, baina estatuek martxan jarraitzen dute. Harriduraz hartu dituzte ezker abertzaleak jarri dituen mugarri berriak, diskurtsoa berregokitzeko une bat behar izan dute, baina hor daude erasoan. Frantses prentsa doi-doi jarduera militarraren bukaeraren aipamena egitera behartua sentitu da.
Gure mugimenduaren proiektua askatzailea izatea da, horretarako iritzien agertzea oso gauza ona da, herritarrak osasuntsu daudela erakusten digute eta beldurrik ez dutela, zentsurarik ez dutela nahi erraten digute.
Herri oso txikia gara, potentea gurea berriz asmatzen dakigulako. Estatuak erraldoiak dira, ez datoz mesede egitera, zapaltzera datoz. Guri dagokigu orain, gurea eta gureak babestea, denak etxera itzuli arte. Gaurko honetan ere lubakiak daude. Historiak epaituko gaitu.
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
Bilboko erdigunean amaitu behar zuen txirrindularitza etapak, baina Deustun sartzear zirela antolakuntzak erabaki hori hartu du, helmuga ingurua manifestariz beteta zegoelako. Aurretik ere igaro dira helmuga puntu horretatik, eta istiluak izan dira. Ertzaintzak gutxienez hiru... [+]
Kontratua segi ala eten, enpresaren erabakia "errespetatuko" lukeela argi utzi nahi izan du Imanol Pradales lehendakariak, Euskadi Irratiari egindako elkarrizketan. Beasaingo enpresaren akzioen %3ren jabe da Eusko Jaurlaritza.
Astearte honetan egin da Valle de Odietako makroetxaldearen aurkako epaiketa Iruñeko Justizia Jauregian. Epaileak ebatzi behar du ea 2021ean haien lur sailetan egindako isuri baten ondorioz, lur eremu horiek larri kutsatu zituzten ala ez, eta nork eragin zuen. Aditu... [+]
Baionako Herriko Etxearen jabetzapean, eraikinak bost urte daramatza hutsik, eta espazio hori hartu du Ipar Euskal Herriko Kontseilu Sozialistak, “elkartzeko, kolektiboki pentsatzeko eta borrokak antolatzeko”.
Aurtengo ikasturtean A2 mailara arteko ikastaroetako dirua itzuliko dute EAEn, baita C1ekoak 16-18 urteko ikasleei ere. Nafarroan A1 mailan matrikularen prezioa itzuliko diete.
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Trumpek asteartean baieztatu du Venezuelako ontzi bati eraso egin eta bertan zeuden 11 lagunak hil dituela. Hildakoak Tren de Aragua "talde terroristako" kideak zirela eta droga trafikoan ari zirela adierazi du Donald Trumpek. Venezuelak dio bideoa Adimen Artifizialez... [+]
Pentsioak osatzeko 145.000 sinadura bildu dituen herri ekinaldi legegilea eztabaidatzeari ezezkoa eman ondoren, Euskal Herriko Pentsiodunen Mugimendua oso gogor agertu da Eusko Jaurlaritzaren jarrerarekin eta "bi aldiz engainatuta" sentitu direla azaldu du. EH Bilduk eta... [+]
Gatazka politiko bat egon da azken 60 urteetan Euskal Herrian, eta horrek izan du bere bertsio biolentoa, ETAk bideratu duena, zeinari Espainiako Estatuak errepresioz eta estatu-terrorismoz erantzun dion. Sei hamarkadetan, ordea, biolentzia horiek ez dira berdin ikusi izan... [+]