AEB, 40ko hamarkada. FBIren sortzaile eta zuzendari John Edgar Hoover (1895-1972) gay zelako zurrumurrua zabaltzen hasi zen. Ustez, Clyde Tolson (1900-1975), FBIko zuzendariaren albokoa, zuzendariaren alboan egoten zen lana amaituta ere. Tolson eta Hoover maitaleak zirela, alegia.
Hooverren biografian, Richard Hackek dio FBIko buruak Dorothy Lamour aktorearekin harreman pertsonala izan zuela 30eko hamarkadaren bukaeran eta hurrengoaren hasieran. Eta 40ko hamarkadan ekitaldi publikoetan behin baino gehiagotan Lela Rogersekin batera agertu zen (Ginger Rogers aktore eta dantzariaren ama dibortziatuarekin). Hooverren inguruko askok harekin ezkonduko zela uste zuten, baina ez zen ez Lela Rogersekin ez beste inorekin ezkondu.
Aditu batzuek haren homosexualitateari buruzko zurrumurruak ukatzen dituzte, eta beste batzuek, aldiz, baieztatutzat jotzen. Hooverrek berak zioen Tolson bere alter egoa zela. Ia egunero harekin bazkaltzen eta afaltzen zuen, gauez elkarrekin joaten ziren klubetara, eta ia 40 urtez elkarrekin joan ziren oporretan. Hoover hil zenean, FBIko zuzendari kargua Tolsonek hartu zuen, egun bakar batez izan bazen ere: biharamunean, Nixon presidenteak L.P. Gray izendatu zuen FBIko buru. 551.000 dolarreko ondarea ere Tolsonentzat izan zen eta Hooverren etxera aldatu zen. Clyde Tolson 1975ean hil zen, eta Kongresuaren hilerrian ehortzi zuten, Hooverren hilobitik hurbil.
Roy Cohn fiskalak –gay eta komunisten ikerketan Hooverrekin aritutakoa– Hoover “bere sexualitateak izututa” bizi zela uste zuen, eta beldur horrek ez ziola harreman sexual egonkorrak izaten uzten. Bere homosexualitateari buruzko ezer iradokitzen zuen oro jazartzen eta mehatxatzen zuen FBIko zuzendariak. Baina horixe bera besteen aurka erabiltzeko izurik ez zuen. Esaterako, Adlai Stevenson gay zela zabaldu zuen, gobernadore liberalak presidente izateko 1952an abiatu zuen kanpaina kaltetu asmoz. Eta bere artxibo zabaletan Eleanor Roosevelten maitale lesbianei buruzko txostenak ere topatu dira. 1932 eta 1944 urteen artean AEBetako lehen dama izandakoari xantaia egiteko aukera eman zion horrek; beti ere, Clyde Tolson alboan zuela.
Jaurlaritzari koloreak atera dizkio Espainiako Gobernuak: Osakidetzak iragarri berri duenean jaioberriei egiten zaien orpo-proban hamalau gaitz antzeman ahalko direla aurrerantzean, gutxienez 22 gaitz behatu beharko ditu, Madrilen aginduz. Nafarroak dagoeneko 30 gaixotasunen... [+]
Gizonezko futbol profesionalaren gaitasun (im)mobilizatzaileari buruzko hausnarketa soziologikoa (artikulu hau EHUren Campusa aldizkariak argitaratu du)
Neskek gaitasun matematiko eta zientifikoekiko txikitatik duten pertzepzio, autopertzepzio eta bizipenen eraginez, zientzia arloko ikasketei muzin egin eta bestelako karrerak aukeratzen dituzte. Hala dio ikerketa berri batek.
“Azken egunetan” hainbat herrialderen ordezkariak Turkian izan direla salatu du nazioarteko ekimenak, Erdoganen gobernua presionatzeko ontzidia ez dadin itsasoratu. Askatasunaren Ontzidiak adierazi du ez duela “onartuko” debekurik, eta apirilaren 24an,... [+]