12 eta 13
Euskaraz apartak diren hamaika eta hamalau zenbakien arteko beste biok gereziaz, Prunus avium, aritzeko aitzakia emango didate.
11 + 1 = 12. Hamabina gramoko pisua zuten gerezi aleak jan ditut oraintxe, marka ikaragarria. Besterik gabe tamaina kontuan hartuta, azken urte hauetan egin diren selekzioetatik sortutako gerezi pikor bakoitzak zazpi eta bederatzi gramo arteko pisua izan ohi du. Aurten hamabikoak, hurrengo urtean? Mamiak soilik du garrantzia eta laster hezurrik gabeko gereziak izango ditugu. Erne eta zaindu eperra!
14 – 1 = 13. Martxoaren hamahiruan atera ditu aurten mundu osoko lehen gereziak Kataluniako Lleidako S.A.T. Edoa enpresak. Patente berezi baten eta Almacellesen dituen negutegien abaroan beste inor baino azkarrago merkaturatzeko gai da eta aberastu egiten da. Iaz Londresko Harrods merkataritza gune sonatuan kiloa 113 euroren truke saltzen zen. Aurten lehen kiloa eBay etxearen bidez enkantean atera eta 1.040 euro ordaindu da. Hara!
Barrikoteak, barrikak, bukoiak eta upelak bete berriak ditugu etxean sagar muztioz (Malus domestica). Makina bat beteko ziren, ipar eta hego, gure geografia guztian mahatsarenarekin ere (Vitis vinifera). Sagasti, mahastiko lanak eta dolare, soto, upelategi eta pitarretako lanak... [+]
Aste honetan Itsasuko Antxondoa Etxaldea ezagutu dugu eta bertako Mirentxu Elissalde izan da gurean. Gereziengatik da ezaguna Itsasu eta Antxondoan gereziekin egiten dute lan, baina horrez gain, ardiak dituzte eta gazta ere egiten dute. Itsasuko gerezien erreximentak eta bertako... [+]
"Azkenean zuek ere gogoratu zarete arrantzaz", bota du Leo Belaustegik Egonarriako platora iritsi orduko; eta arraina jateaz bai, baina horren atzean dagoenaz, arrantzaleen lanaz, bizi baldintzez, zein arrantza ereduaz, jendartean zeinen gutxi hitz egiten den... [+]