Hauteskundeetako konpromiso sozialak bete

Azken asteetako hauteskundeetako hitz jarioaren ondoren, egiaren ordua iritsi da. Ordua iritsi da herritarrei hainbat forotatik jaurtitako promesei erantzuteko. Hasteko, ordua da udaletan gobernatzeko hitz eman dituzten aliantzak bete ditzaten. Gogoan izan behar da, askotan, iragarritako aliantza horiek airetik ateratzen direla praktikan jartzen hasi aurretik. EAEko erkidego hauteskundeetako kasu eskandalagarrian horixe pasa zen: PSOEk hitz eman baitzuen sekula ez zuela paktatuko PPrekin Ajuriaenera iristeko, eta gero promesa hori hautsi zuen; horri esker dago Ajuriaenean.

Dena den, orain badago zerbait garrantzitsuagoa, finantza eta ekonomia krisiak familien egoerari eragiten dioten ondorio sozial larriak ekarri baititu. Hego Euskal Herrian 200.000 lagun daude langabezian eta horietatik 82.000 inguruk ez dute diru-laguntzarik jasotzen. Testuinguru horretan, alderdi eta hauteskunde koalizioak ahoa bete promesa aritu dira, krisi ekonomikoa dela-eta, arlo sozialari eta sozioekonomikoari buruzkoak denak ere. Alderdi eskuindarrenak ere langile klasearen defendatzaile moduan “birmoldatu” dira eta bide sozialetik abiatu dira.

Denek dakite herritarrei gehien interesatzen eta arduratzen diena jatekoa eta lana direla. Eta denek hitz eman dute udaletatik, herritarrengan hurbilen dauden erakundeetatik alegia, behar horiei erantzungo dietela. Promesak egitea erraza da. Orain, hitz emandakoa betetzea dagokie. Egiaren ordua da!


Azkenak
Intsusaren bigarrena

Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]


Arrain-zoparako, besterik ezean, itsasoko igela

Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]


2024-04-22 | Jakoba Errekondo
Lurra elikatu, guk jan

Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.


2024-04-22 | Garazi Zabaleta
Txaramela
Pasta ekologikoa, ortuko barazki eta espezieekin egina

Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]


'Cristóbal Balenciaga' telesaila
"Nabaritu dadila euskaldun batzuok euskaldun baten istorioa kontatu dugula"

Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]


Eguneraketa berriak daude