UPN tinko eta abertzaleak gora

  • Nafarroako Legebiltzarreko hauteskunde emaitzek aldaketa garaia iragarri dute dagoeneko. Besterik da, UPN oposizioan utziko lukeen gobernua gauzatzea. Aldaketak PSNren ausardiabehar luke. Gaur gaurkoz, ez dirudi alderdi nafar sozialistaren balizko ausardia garai hori heldu denik.

Yolanda Barcina, sorpresa handirik izan ezean, Nafarroako presidente berria izanen da.
Yolanda Barcina, sorpresa handirik izan ezean, Nafarroako presidente berria izanen da.

UPNk gobernatuko du beste lau urtez. Hego Euskal Herriko udal eta foru hauteskundeetan berrikuntza Bilduren sarrera izan da, iragan hamarkadan ezker abertzale historikoak euskal erakundeetan jasan duen bazterketa zuzentzera datorrena. Nafarroan ez da salbuespenik izan, eta neurri batean ustekabea izan da.

NaBaik berak ere espero ez zituen emaitzak izan ditu Bilduk, ziur aski. Patxi Zabaletak zioenez, abertzaleak bi indarretan bereiz aurkeztuta eserleku gehiago beregana zezaketen, batuta baino. Emaitza ona izan da, noski, baina ez dugu batuta aurkezturik bilduko zukeen babesa ezagutu. Dena dela, aurrerantzean beste bide eta modu politikoak landu beharko dituzte abertzaleek. Artean, bi indar abertzaleen 15 biltzarkidek jardungo dute lau urtez, Ezkerrako hirurak izanen dira beren ondoan. Legebiltzarkide hauetako batzuek elkar ezagutzen dute, iragan legealdian ekimen berean jardun baizuten; NaBain. Zoritxarrez, gaur gaurkoz, ez dute nahiko ordezkari biltzen UPN-PPk berriz ere osatuko duen gobernuaren alternatiba osatzeko. 2007ko hauteskudeen ostean, gobernu aldaketa bideratzeko PSNren babesa behar zen, baina saioa ezerezean geratu zen eta PSN ahulduta atera da boz hauetan. Horrek alderdi sozialistari zer pentsatua eman beharko lioke, eta bere estrategia aztertzera behartu beharko luke. Bistan da, duela urtebete akordioa ezinezko izan bazen, gaur egun ezker abertzale historikoaren presentzia biltzen duen indar abertzaleekin akordioak lortzeak kimera dirudi.

Edonola ere, pentsa dezagun, bai PSNk bai UPN-PPk pentsatzen dutela Nafarroa garai berri batean sartu dela. Eta, halaber, berau gobernatzen segituko duten eskuindar nabarristek bestelako politika bat lantzen hasi beharko dutela.

Garai berria Nafarroan

Legebiltzarreko emaitzek garai berri bat iragarri dute Nafarroan dagoeneko. Maiatzaren 22ko hauteskudeetan euskal abertzaletasunak jauzi handia eman du, beraz, indar abertzaleak izanen dira etorkizuneko aldaketaren eragile eta gidari nagusiak. Artean, begira dezagun aurreko hauteskundeetatik –2007ko maiatzaren 27koak– egungo hauetara eman den bilakaera.

Hasteko eta behin, abstentzioa da kontuan hartu beharreko datu bat. 2007an nafarren %75,3k boza eman zuen, eta aldion %69,7k. Parte-hartzeak bost puntu eta erdi egin du beherera. Eskuinetik begiratzen hasita, UPN izan da alderdi bozkatuena: bozen %34,5 erdietsi du, 19 eserleku. PPk berriz, bozen %7,3 lortu du, 4 eserleku. Bien eserlekuak batuta, bat irabazi dute. Alegia, 2007an CDNk zituen bi eserlekuetako bat eskuratu dute nolabait. CDNk bozen %4,4tik %1,4ra jaitsi da; baita alderdi bezala Legebiltzarretik desagertu ere. Nafarroako zentro-eskuinak 152.286 boz jaso zuen, eta oraingoan 139.878. 12.000 boz galera jasan du. Pentsatzekoa da boz horiek abstentziora joan direla.

PSN-PSOE izan da Nafarroako alderdi galtzailea. Bozen %22,4tik %15,8ra jaitsi da: 73.134 boz zituen, eta 51.054 jaso ditu. Hiru eserleku galdu ditu, 12 zituen eta 9 ditu. 12. 000 boz galdu ditu honek ere. Bigarren alderdi bozkatuena izan da, halere.

NaBaik bozen %23,70 ukan zituen eta %15,40 ditu orain. 77. 646 boz zituen eta 49.768 jaso ditu. Bozen galtzea espero zen –Bilduk jasoko zituelakoan– baina galera uste baino handiagoa izan da. Bestela esanda, Bilduk inork espero ez zuena baino aise boz gehiago bildu du: 42.839, %13,3. Indar abertzaleen bozak 92.607 dira. NaBaik (8 eserleku) eta Bilduk (7) inoizko ordezkaritza abertzale handiena osatuko dute Legebiltzarrean. Gogora dezagun bi koalizioetan Aralar eta EAJ (NaBain) eta EA eta ezker abertzale historikoa (Bildun) biltzen direla, bietan eragile independenteak direlarik.

Batzarre 2007ko NaBain zegoen, eta oraingo bozetan NEBrekin aurkeztu da Ezkerra koalizioan: %5,7 erdietsi dituzte; 18.409 boz. NEBk bakarka 14. 244 boz erdietsi zituen. Batzarre-ren ekarpena 4.000 mila bozera mugatu da.

Edonola ere, indar abertzaleak eta Ezkerrak 111.116 boz bildu dituzte. Nafarroako etorkizunean UPN-PPren gobernuaren alternatiba izan beharko luekeen proiektuaren enborra.

 

 


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude