I Andere askoren asteburuan ezinbesteko bi pieza: larunbat goizez pelukeria eta igandean meza. Neuk ere ile apaindegian hartu dudanez sorpresa, nahiago nuke edozeinentzat bertsoz azaldu baneza, nola bihurtzen dituzten gure amonatxoak printzesa. |
IV Bere alabari eskua emanda ailegatu da Bittori, kontatu ditu baserriari buruzko mila istori: nola ardien bila joan ta ia-ia zen erori, nola kereizak jaten ikusi dituen hiru-lau txori... Baina bakarrik sentitzen dela ez dio esan inori. |
|
II Zapaturo lez bakar-bakarrik etorri da Margarita, atzamarrean eraztuntxo bi ta jaka beltzez jantzita. Gaztetan oso ederra zela xuxurlatu du irrika, baina nolatan oroituko du oraindik dela polita? Ispilu aurrean azkenengoz noiz jarri zen ere ez daki-ta... |
V Margaritari permanentea egin diote aurrena, Mariri adatsa orraztu ondoren artez jantzi diadema, Bittorirentzat ezpain larrosak eta eskutako krema... Halaxe eskaini dute hirurek irribarre gozoena; ez al da horixe emakume bat gehien edertzen duena? |
|
III Fruta dendako poltsa birekin sartu da amama Mari, bere txikian txorien gisa hasi da kontu kontari, kartera ireki ta atereaz bertatik paper ugari, harro esan du “hauexek dira Andoni eta Izadi”, ta irri eginez muxu eman dio biloben argazkiari. |
VI Udaberria berdez jantzia, urdinez bustia udara, udazkenaren horia elurrak negutzen du mara-mara. Emakume bat lau urtaroak bezala aldakorra da; gaztetan gori, geroan zuri iletik begietara, nahiz kolorea aldatzen zaigun ederrak aldiro gara. |
Doinua: “Aita izena”.
Bidali zure sortak bertsoak@argia.eus helbidera. Aukeratuak orri honetan argitaratuko ditugu.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]