Beste akta

2011ko apirilaren 6an

Inoiz baino beharrezkoagoak dira eskuin muturraren gezurrei
aurre egingo dieten hedabide independenteak

Egin ARGIAkoa

I – Musean txapeldunak Carlos eta Fermin! – Garaia da bilera hau amaitu dadin; plantak egiten luze jardun dugu. – En fin, hau ere ebatziko dugu arin-arin: azkeneko aktari, “copiaypega” egin!	IV – Baina diote ETA gaitzesten dutela! – Badakizu betiko berberak direla… – Ez al zen justizia gure erregela? – Araua da Espainia bat bakarra dela! – Ez ahaztu inoiz Franco ohean hil zela.
II – Baina hau lehengoaren berdina ote da? – Zertara dator orain halako galdera? – Behingoz ausartu dira ETA gaitzestera; zerrenda garbia da goitik eta behera… Bete behar zutena ez zen horixe ba!?	V – Tira, bozka dezagun, altxatu eskuak… Gehiengoa lortu du aurkako juzkuak. – Barkatuko al digu sekula patuak…? – Baimen eskean betoz luzaro saguak; justizia bat baino ez dauka katuak.
III – Antiterroristetan milioika euro; bizkartzain pribatuak hamar mila edo; albistegi denetan bizpahiru numero… Zer lirateke Raxoi eta Zapatero ETA amaitu dela onartu ezkero?	VI – Posible izango da erabakitzea eta gero iritzi denak isiltzea? – Aski da albistetan amu bat jartzea eta hegazkin batzuk urrun bidaltzea… Horixe da herria “alibiatzea”.