Hurrengoak gu

  • “Behin zure hizkuntza proiektu sendo batean sartuz gero, hurrena datorrenak, aurrekoa zein hizkuntzatara itzuli duten begiratuko du, eta naturaltasun osoz sartuko du zurea. Horregatik, kontua oso sinplea da: edo zerrendan zaude, edo ez zaude. Horregatik, ahal den ahalegin guztia egin behar da bertan egoteko”. Vilaweb webguneko zuzendari Vicent Partalen hitzek argi erakusten dute zergatik abiatu den sarean Twitter euskaratzeko kanpaina.

Inork gutxik iragarriko zuen horrenbeste atxikimendu lortuko zituela Twitter euskaratzeko sarean hasitako kanpainak astebetean. Artikulu honen sinatzaileak Argiako bere blogean abiatutako kanpainak babes zabala jaso du euskal internauten artean, eta AEBetako enpresaren zuzendari nagusiari nabarmendutako mezu gisa iristen zaio “We would like to translate Twitter to Basque” esaldia erabiltzaile berri batek kanpainan klik egiten duen bakoitzean. Astebetean 1.450 aldiz heldu zaio aldarria.


Egun Twitter zazpi hizkuntzatan dago erabilgai: ingelesez, gazteleraz, korearrez, japonieraz, alemanez, frantsesez eta italieraz. Hurrenak errusiera, indonesiera, turkiera eta katalana izango direla jakinarazi berri dute; azkena, Albert Cuesta kataluniarrak hasitako kanpainari esker. Nazioarteko zerbitzu arrakastatsua beren hizkuntzan horren azkar jartzea garaipen handia izan da kataluniarrentzat. Urtebetean 3.500 atxikimendu lortu dituzte kausa honen alde. Teknologia berrietan presentzia bermatzeari garrantzi handia ematen diete kataluniarrek, eta euren lorpenik handiena .cat domeinuaren lorpena izan da. Bide horren jarraipena da azken hau.


Kanpainaren bultzatzaileek kataluniarrek egindako berbera abiatu dute eta kopuru berera heltzea jarri dute helburu. Euskal Herriko mugetatik harago ezagunak diren erabiltzaile euskaldunen babesa izan du kanpainak hasieratik, eta adibidez, Xabi Alonso, Patxi Lopez edo Fermin Muguruzak kanpainaren berri eman dute hainbat hizkuntzatan. Nabarmentzekoa da, Real Madrileko futbolari tolosarra 360.000 pertsona baino gehiagok jarraitzen dutela, gainontzeko euskaldun guztiak batera kontatuta baino milaka batzuk gehiago.
Euskara hizkuntza modernoa dela erakutsi dugu jadanik. Google, Wordpress, Windows, Firefox eta Facebook euskaraz ditugu, beste askoren artean. Twitterren sartzea garaipena litzateke guretzat ere.


2006. urtean sortu zen Twitter, eta Facebookekin batera, sare sozialen sinboloa da. Oraindik ere. Facebook nagusi den arren, Twitter pixkana indartzen joan da. Egun, Wikipediaren arabera, 190 milioi erabiltzaile ditu mundu osoan eta egunean 65 milioi mezu bidaltzen dira zerbitzu hau erabiliz.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude