"Murtziarra banintz gehiago bustiko nintzateke"
Elkarrizketa bukatu eta su-etena aldarrikatu zuten.
Politologo eta soziologoak erakunde publikoei aurpegia zuritzeko zaudete?
Subentzioen menpe lan egiteak gure sinesgarritasuna kolokan jarri dezake, baina kritikak kritika, emaitzak ez dira faltsuak izaten. Emaitzen interpretazioan dago gakoa. Zergatik ez dituzte kazetariek emaitzak benetan aztertu eta interpretatzen?
Egiak, gezurrak eta zenbakiak daudelako, agian?
Nork erabakitzen du erdia ados edo erdia kontra dagoela esatea? Gauza bera da “laurdena” ala “laurdena bakarrik”? Dena manipulatu daiteke eta zenbakiak ere bai.
Eguraldi iragarleak baino okerragoak zarete. Beti duzue arrazoi.
Iraganekoak dira iragarpen errazenak. Zer esanik ez bizi dugun testuinguru politikoan. Murtziarra banintz gehiago bustiko nintzateke.
Politologo errespetagarri batek ez al zuen Suitza bezain neutroa izan behar?
Politikaria eta politologoa bi ofizio desberdin dira. Nire iritzi politikoak ez luke nire balorazioa baldintzatu behar. Denok uste dugu objektiboak garela, baina denok dakigu nondik egiten dugun herren.
Egungo telebistako tertulietan auto-zentsura da herrenik egin ezin duena.
Etengabe zure burua justifikatzen ibili behar duzu eta zentsura zorrotzagoa da barrukoa kanpokoa baino. Zuk zurea esaten baduzu besteena entzuteko prest zaudelako da.
Esadazu ba zer maila daukaten gure politikariek.
Eskasa. Tristea da baina gaur egun ez da askorik behar legebiltzarkide izateko. Arrazoi zuen Zapaterok edozein izan zitekeela presidente esan zuenean. Okerrena da bakoitzak merezi dugun gobernua daukagula.
“Tristea“ esan duzunean etorkinei buruz hasiko zinela pentsatu dut.
Zergatik lotzen ditugu etorkinak eta pobrezia? Cristiano Ronaldo ez al da etorkina? Zergatik ez dauzkagu etorkintzat gure amona zaintzen duen kolonbiarra edo zure etxea garbitzen duen filipinarra?
Baina euskaldunak ez al ginen aurrerakoietan aurrerakoienak?
2004ko datuetan la crème de la crème ginen, baina krisiaren eta immigrazioaren gorakadaren ostean... Ondorioa: lanpostu on batek patrika bapo berotzen dizunean askoz errazagoa da aurrerakoia izatea.
Badakizu, herri honetan, dena “gatazka“ denez...
Politikari eta alderdi batzuk ez ditut sekula gai sozialei buruz hizketan entzun. Dakidan gauza bakarra da euren burua ezkertiartzat duten alderdi eta jende askok ez dutela filtroa pasatzen, eta gatazka bukatzean beste gatazka batzuei buruz hitz egin beharko dela.
Urteroko oroimen eta sari banaketa ekitaldia egin du Ertzaintzak Arkautin, Eusko Jaurlaritzako agintarien parte hartzearekin. Duela bi urteko kronikatik aurtengora auziek edota gaiek berdintsuak izaten segitzen badute ere, nabarmena da begiratzeko moduak nola aldatu diren.
Kontsumitzaileen eskubideen defentsan, epaileek ebatzi dute bezeroak ez duela arduragabekeriaz jokatu eta bankuak 1.923 euro itzuli beharko dizkio biktimari.
PPk ezarritako helegiteari erantzunez, legearen testua ia bere osotasunean konstituzionala dela dio auzitegiaren ebazpen proposamenak. Hala ere, legea pertsona gutxi batzuentzat dela dioen argudioan arrazoia eman dio eta herritar guztiei aplikatzea proposatu du.
Herri txikiak bizirik dauden eremuak direla eta bizirik jarraitzeko herriari begiratuko dion eskola gakoa dela aldarrikatuko dute, aurten ere, Gipuzkoako Eskola Txikien Festan. Ekainaren 8an ospatuko dute, igandean, Ezkio-Itsason, landa guneko herri txikiak hezkuntzarako zein... [+]
Asiako herrialde gehien-gehienak bertan izateak oso izaera eta giro berezia ematen diolako, eta hedabide-estaldura ere halakoa duelako, aparteko sona lortu du hogei urteren buruan IISS-International Institute for Strategic Studies britainiarrak Singapurren antolatzen duen Asia... [+]
Duela bi aste bezala, mila preso inguru trukatzea adostu dute Ukrainak eta Errusiak, eta batak besteari 6.000 soldaduren gorpuak ere itzuliko dizkio. Trukea egiteko, Moskuk hiru eguneko su-etena eskatu du fronteko hainbat eremutan, eta Kievek Putin eta Zelenski aurrez aurre... [+]
%56k, gainera, bortxazko kanporatze hori "are gehiago zabaltzearen alde" daude: horien esanetan, 1948an Israelek okupatutako lurretan ez litzateke arabiarrik bizi beharko.
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Maria Luisa Gutierrez produktoreak jaso du Coviteren XXIV. Nazioarteko Saria, eta "terrorismoaren biktima guztiei" eskaini die.
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Presidentetzarako bozen lehen itzulian bigarren gelditu ostean, hautagai independenteak puntu bateko aldea atera dio Trzaskowski egun gobernuan dagoen alderdi europazaleko hautagaiari. Emaitza ofizialak argitaratu arte ez da argi egon zein izan den bozen irabazlea, bigarren... [+]
Debekua uztailak 1ean sartuko da indarrean hainbat espazio publikoetan, hondartzak edo parkeak kasu. Araua errespetatzen ez duten herritarrei 135 euroko isuna jarriko diete.
5.000 lagun inguru bildu dira Yala Nafarroak eta BDZk igande honetan Iruñean deitu duten manifestazioan, Israelekin harremanak haustea eskatzeko. Halaber, erregimen sionistarekin edo Israelgo enpresekin interesak eta negozioak mantentzen dituzten Nafarroako enpresen eta... [+]