"Serora bat bezala ibili nintzen"
- Jubilatua bai, erretiratua ez.
Hemen 19 urterekin Parisera joan zena!
Aitarentzat eta anaia zaharrarentzat infernura joatea zen, baina amak asko animatu ninduen. Primeran bizi nintzen arren, mundua ikusteko irrika neukan, eta bizitzan tren bat pasatzen zaizunean hartu egin behar duzu.
Kazetaritzaren trenak geroz eta bagoi gutxiago ote duen...
Lehen irratian artista izan behar zen informatzailea baino gehiago, baina gaur egun, informazioak ludikotasuna hil du. Hori bai, ez dakit zer irakasten den kazetaritza fakultateetan, baina kazetariek formazio politiko eta ideologiko handiagoa behar lukete.
Hedabideak dira formazio politikoak!
Eta bakoitzak nondik egiten duen herren jakinda egin behar zaie kasu. Feministoi itsuak izatea leporatzen zaigu, baina ez, gure bizipen eta sinesmenen betaurrekoetatik irakurtzen dugu mundua.
Emakumeen aurkako tratu txarrak prentsak ongi tratatzen dituen galdetu behar nizun, hain justu.
Telebista desastre hutsa da horretan. Noiz esan behar dugu psikopata eta gaixo mental gutxi, eta “normal” itxurako “anormal” asko dagoela gurean?
Beste gaixotasun mental batzuk sendatzen ditugunean, akaso?
Mikro-matxismoak denetan daude, baita nire sukaldean ere. Erroak saneatzen ez dituguno alferrik kimatuko ditugu adarrak. Erabateko mentalitate aldaketa behar dugu, genero-sistema batean gaudela ohartzetik hasi eta heziketa eraldatzeraino.
Manifestazioak ilegalizatzen eta alarde sexistak baimentzen diren herri batean gaudela ahaztuta, ala?
Bozka kontu bat da dena. Orain dela 50 urte esaten genituenak berrikuntza bezala saltzen badizkigute zer egin behar dugu? Bai herrigintzan, bai generogintzan, noiz arte erabakiko du beste batek nigatik?
Ikusiko duzu lehendakari emakume bat eta Emakundeko zuzendari gizonezko bat izendatzen dituztenean...
Botere politikoa debaluatuta dagoelako utzi digute emakumeoi mundu horretan sartzen. Zergatik uste duzu botere ekonomikoa esklusiboki maskulinoa dela? Emakundeko zuzendaritza gizonezko baten esku uztea berriz, enpresarioa sindikatu-buru jartzea bezalakoa litzateke.
Baina ez al ginen hamaika ikusteko jaio?
Sartzen utziz gero lekua egingo nuela pentsatuta, serora bat bezala ibili nintzen jendea banan-banan konbentzitu nahian. Baina nola ireki begiak ikusi nahi ez duenari?
Ez kexatu, zuri behintzat jubilatzen utzi dizute eta!
Ondo merezita! Hori bai, bizitza guztia pasatzen duzu egin behar duzuna egiten, eta egin nahi duzuna egiteko denbora daukazunean, ez dakizu zer egin. Gure ondorengoei guk bukatu genuen puntuan hasteko modua egingo bagenie, sikiera...
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
EHUren ikerketa batean, haur batzuk arkatza eta beste batzuk teklatua erabilita jarri dituzte idazten. Helburua zen jakitea ea irakurtzeko eta idazteko ikasketa-prozesuan alderik badagoen. Emaitza argia atera dute: haurrek eskuarekin egindako mugimenduen bidez ikasten dute... [+]
Epaiketetan aldeen arteko akordio aukera iritsi daiteke ahozko auzia hasi baino minutu batzuk lehenago. Auzi honetan akusatuek publiko egin dituzte orain arte egondako negoziazio saioak, eta azkena aste honetakoa izan da, ezagutarazi den moduan porrot egin duena. Akordiorik egon... [+]
Euskaraldia martxan da, hizkuntza ohiturak aldatzea bultzatzeko ekimen erraldoia. Milaka eta milaka herritarrek konpromisoa hartu dute, hamaika egunotan, euskarak presentzia gehiago izan dezan euren eguneroko bizitzan. Askorentzat pauso txikia baina ahalegin handia izango da,... [+]
Putaren bakarrizketa eroetxean
- Egileak: Franca Rame eta Dario Fo.
- Itzultzailea: Xabi Martinez De Lezea.
- Aktorea: Laura Penagos.
- Noiz: apirilaren 12an.
- Non: Zizurkilgo Atxulondo Kultur... [+]
"Weissman kanpora, sionismo-faxismoa suntsitu" idatzi zuen sarean, palestinarrak erailtzeko deia egin baitzuen Granadako jokalariak. "Arrazakeriaren eta Xenofobiaren Aurkako Legea" ezarrita, isun erraldoia jarri diote Indar Gorriko kide bati.
Aurrez adierazitakoa baino egun bat geroago abiatu dira bilerak Istanbulen; Zelenski, Putin eta Trump gabe. Errusiari “behe mailako” delegazioa bidaltzea leporatu diote.
Atarrabiako Paz de Ziganda ikastola ari da antolatzen aurtengo Nafarroa Oinez festa. Gaur aurkeztu dute egun horri begirako abestia eta bideoklipa. Estitxu Arozena bertsolariaren letrarekin eta Igor Martinezek sortutako musikarekin osatu dute.
Ia hiru hamarkada daramatza Aiora Zulaika lasarte-oriarrak Pirritx pailazoa gorpuzten, eta haurrei eta familiei irri egiteko espazio goxo bat eskaintzen, errebeldiaz eta asmo eraldatzailez. Pirritx, Porrotx eta Marimotots pailazoek “Maite zaitut” herri omenaldia jaso... [+]
Azterketa euskaraz egitea debekatzen dietela salatu du Baionako Bernat Etxepare lizeoko Euskal Herrian Euskaraz taldeak. Pasaden urtean egindako eskakizunei jarraiki, aurten ere azterketak euskaraz egiteko eskatu dute.
Irailetik mediku euskaldunik gabe daude Elizondoko (Nafarroa) herritarrak. Horrez gain, udan medikurik gabe geratzearen beldur da Baztango Osasun Plataforma. Ekainaren 4an, bizikleta martxa egingo dute herrian.
Klima-aldaketari buruzko BC3 ikerketa-zentroak baieztatu duenez, Europako hiriak atzera geratzen ari dira klima-aldaketari egokitzeko neurrietan. Hain zuzen, nazioarteko beste zentro batzuekin batera egindako ikerketan frogatu dute egokitzapen klimatikoko planen ia % 70k ez... [+]
Maiatzaren 10ean, Ezpeletan, Batera herritar plataformak Lurralde Kolektibitatearen aldeko dinamika berpiztu du. Birsortze Biltzar Nagusian parte hartu duten 120 bat pertsonek plataformaren oinarriak finkatu dituzte.