Nazioartean sona du Cornelia Funkek haur eta gazte literaturaren esparruan. Haren lan berri bakoitza gertakari garrantzitsua da mundu osoko industria editorialarentzat. Euskaraz ezagutzen genizkion Lapurren burua eta Tinta bihotz eleberriak, baita Txerrikume pirata ipuina ere. Orain, Elkar argitaletxearen eskutik eta Aiora Jakak itzulita, haren nobela berriena daukagu euskaraz: Re­ckless, harrizko haragia. Ispiluaren bestaldean gordetzen den fantasiazko mundua da istorioaren erdigunea. Ipotxez, maitagarriz, uretako gizonez eta antzeko izakiz beteta dago, eta haien artean abentura harrigarriak izango dituzte Reck­less anaiek.