Katixa Agirre | Doktorea

“Fetitxismo apur bat behar dugu!”

  • Habitat-etik atera arren ez zaio surik falta.
Sustrai Colina
2010ko azaroaren 14a
Katixa AgirreIñigo Azkona

Idazle eta unibertsitateko irakasle. Zure poroei prestigioa darie...


Izenaren azpian “EHUko irakasle” agertzeak prestigioa ematen du? Klasera sartzean ikasleak zutitzen direla uste duzu? Idazle izatea bai, prestigiosoagoa da, baina jendeari ezezagun zaiolako.

Ezezaguna?! Biztanleko zenbatek argitaratu duten kalkulatzea nahi duzu, ala?


Mundu guztian gertatzen da hori. Harrigarria da zenbat liburu eta autore berri agertzen diren astero. Idazlearen figura intelektual gurua desagertzen ari delako iruditzen zaigu idazle gehiago dagoela, baina nor dago soberan?

Asko saltzen duena gutxiesten duena, agian?


Esnobismo hutsez gehiengoaren gustukoa dena txartzat jo daiteke, edo produktua errazkeria eta erraztasunaren artean kokatzeko errezeloa sortu, baina nik argi daukat, gehiago saltzeagatik ez dut ezer extra-literariorik egingo.

Bai, bai, hobe duzu nobela bat idaztea, martxa honetan ipuina bihurtuko baita extra-literario.


Ipuina nobelaren entrenamendurako bitartekoa dela dirudi, benetako literatura nobelan dagoela. Dena den, aitorpen bat: ahalegin txikiagoa suposatzen didalako defendatzen dut ipuina.

Egia izango da, orduan, haur eta gazte literatura bigarren mailakotzat daukazuela!


Baliteke jende batek zuloak betetzearren edo eskaparatean agertzearren egitea, baina ahalegin handiagoa suposatu dizun helduentzako lana famatzea, errazago egin duzun haurrentzakoa gutxiestea dela uste duzu?

Kritikarekin arazo bat duzuela baizik ez dut uste.


Kritikek ez naute hondoratzen ezta hodeietara eramaten ere. Poztea edo mintzea humanoa da, baina ez dut ulertzen idazle batzuk nola kexatzen diren publikoki kritika txar bat egin dietelako. Lotsagarria iruditzen zait, erridikulua.

Hitz horiek entzunda Euskadi Sariari buruz hasiko zinela iruditu zait...


Zer sari nahi dugu gure literatur sistemarako? Madrilen sariak noiz irabaziko zain gaude etxean ezagun egiteko? Zergatik egin behar diegu kasu haiei eta ez gure ingurukoei?


Galdera gehiegi blogari eta zutabegile erretiratu batek egiteko...


Blogen aroa bluff-a izan da. Egun, Facebook-ek dena irentsi du. Zutabegintzan, aldiz, nire burua errepikatzen ari nintzen behin eta berriz. Zenbat ideia desberdin izan ditzaket nik horrenbeste idazteko?  

Lasai, ez larritu, Durangon liburuak sinatzen jarri eta gehiago salduko dira!


Fetitxismo apur bat behar dugu! Ilaran zain dagoena epe luzerako inbertsio bat egiten ari da, agian. Hemendik 40 urtera liburu hori garestiago saltzen badu, zer?
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2019-03-24 | Garazi Zabaleta
Larre motzean zaildutako laborari tematiak

Lurrari, ekoizle txikiei, baserriari eta elikadura burujabetzari lotutako proiektu ugari ari da sortzen Euskal Herrian azken urteotan, kontsumo elkarteak eta baserritarren sareak esaterako. Baina, ez al da kontraesankorra ustezko garai "oparo" honetan proiektu agroekologiko ugarik ateak itxi behar izatea? Edo nekazari asko egoera oso zailean egotea? Ba al dakigu nola bizi diren gure hurbileko ekoizleak?


Turismoa, milioika mundutar aberatsen luxu masifikatu baina lurrak jasan ezin hori

2018an mugaz gaineko 1.400 milioi bidaia zenbatu ziren munduan, duela 50 urte luxua zena zenbateraino demokratizatu den seinale. “Demokratizatu”, diozu? Lurra planetako hamabost biztanletatik batek bisita ditzake gainerako hamalauak, baina hauek ezingo dute joan bakar haren sorterrira... ez bederen opor usainean. Atsedenezko bidaien koste-etekinen banaketak injustizia neurri bera dauka: turismoak jendeen arteko desberdintasunak handiagotzen ditu.


2019-03-24
Riddancebus

2019-03-24 | Kepa Matxain
Debako Arte Eskola
Mitotik zerbait berria eraiki

Debako Arte Eskola itxi dute. 1970ean sortu zuen Jorge Oteizak bere programa kultural eta politikoa martxan jartzeko, baina ez zitzaion esperimentua ondo atera. 80ko hamarkada hasieran bigarren fase bati ekin zion, iazko abenduan udalbatzak ixtea onartu zuen arte. Arte Eskola Bizirik plataformak jardunaldi batzuk antolatu ditu martxoaren 23an, itxiera salatzeko eta aurrerantzean Arte Eskolak hartu behar lukeen norabidea birpentsatzeko.


ASTEKARIA
Azkenak
EGILEA
Eguneraketa berriak daude