2010ko irailaren 12a
Lander Arbelaitz
| I Udaberri aldean dietetarako gogorik ez daukagun denon kalterako, fisikoaren modak hala diolako, goserik behintzat ez da sekula faltako… Sasoian egon behar da hondartzarako! |
II Agur ogi maitea, adio zerbeza, txokolate-tableta eta maionesa… Gabezian bizitzen ez denez erreza, luzerako ez dela zuon denon eza uzterako egiten dizuet promesa. |
III Dieta bortitzenaz ere, asko jota, soberan geneuzkanen hamarrenak bota nahian aritzen gara hainbat ergel mota; baina, autoestima goraino igota baskulak zer dioen ez zaigu inporta… |
| IV Gorputza prest, erosi dudan bainujantzi deigarriari niki berria erantsi. Eguzki-betaurreko fashionak ez ahantzi! Itxurak itxuraz du hainbeste garrantzi, luzitzen hasterako nahiz eta erantzi… |
V Lehen eguzki izpia atera orduko, gaur nola ez nintzen ba hondartzaratuko? Kolpetik ez naizenez gehiago mehetuko, zalantza dut ez ote naizen kabituko, hamar lagun baitaude metro karratuko! |
VI Zentimetro karratu bat topatu ahala ahal dudan eran jarri dut eskuoihala; baina, begiztatzean hain jende argala, onar dezadan aurten, urtero bezala, tripari eutsi behar izan diodala. |
| VII Nahiz ez nuen usteko sekula lehenago, haragi-merkatuan deseroso nago. Munduan ez bezala, baina areago, hondartzan esklabutza indarrean dago: beltzaranak nagusi, zuriak esklabo. |
VIII Uretara joan nahi dut baina, aukeran, lekua faltan daukat, kiloak soberan; beraz, konturatu naiz nire itzuleran zoriontasuna nahi nukeela niregan, barandatik begira zaharrek duten eran… |
IX Hain zuri, horren lodi, kaguen la puñeta! Etxera noa zentzu denetan erreta… Aurtengoa gogorra izan denez eta hurrengo urterako badudanez beta, agur hondartza eta adio dieta! |
Doinua: “lbizturtikan Bidaniraino”.
Bidali zure sortak bertsoak@argia.eus helbidera. Aukeratuak orri honetan argitaratuko ditugu.
ARGIAn egiten dugun kazetaritza independenteak bultzada merezi duela uste duzu?
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Azkenak
ASTEKARIA
Azkenak
EGILEA
