Hamaikagarren mezua
aurre egingo dieten hedabide independenteak
Noizean behin egiten dudan bezala, gaur ere gelditu egin naiz. Oraingo geldiunean, zakarrontzitik atera ditut lagunek bidalitako mezuak. Lehenengoak kontuz ibiltzeko dio, telefonoz deitzen didan edonori ez emateko inolako klaberik. Ez nuen inoiz egingo, esan diot lasai neure buruari. Hurrengo mezuan, nire lankide baten lagunaren lankidearen seme txikia desagertuta dagoela iragarri didate eta mezua zabaltzeko eskatu ere, pena ematen zuen mutikoaren aurpegiak... Hirugarrenean, etxe askotan apaingarri gisa dugun diffembachia izeneko landarea izugarri pozointsua dela eta tipo bat hil duela ohartarazi dit nire osasunaz arduratu ohi ez den beste lagun batek. Ondorengoak, inguruko herrietako parkeetan gozokiak eskaintzen ibiltzen den pederasta baten irudia atxikita etorri zait, ezaguna egin zait, eta aurreko mezuko mutikoarekin gogoratu naiz. Bosgarren mezuak, Progesterex, bortxatzaileen drogaren arriskuaz oso modu grafikoan ohartarazi dit. Horraino iritsita, takikardia izerditsuan nengoen itota, inozoa ni, arrisku horien guztien ez-jakitun...
Nire arduragabekeria zuzendu nahian zabaldu dut hurrengo mezua. Bizkaiko mendiak eta hondartzak azaldu zaizkit Lertxundiren kanta batekin batera. Eta segidakoan, irribarrea atera didan txiste-sorta irudiztatua. Zortzigarren mezuak bularreko minbiziaren aurka borrokatzeko aitzakiaz youtubeera eraman nau, eta han ikusi dudan bideoak pozez eta itxaropenez bete nau. Eta gero emakumeok omen ditugun adiskidetasun harremanez goxo-goxo hitz egin dit beste powerpoint batek. Hamargarrenean, betirako zoriontasunaren giltza bidali didate, eta berarekin batera beste zazpi laguni igortzeko derrigorrezko enkargua. Honenbestez bihotz taupadak motelduta nituen eta pantailaz bestaldean paradisua zegoela sinestuta nengoen...
Eta hamaikagarren mezua zabaltzeko lehenengo klikaren une berean gogoratu naiz geldialdi teknikoaz, ez dut bigarrenez klik egin. Itxi dut pantaila. Etxeko leihoa zabaldu eta hantxe geratu naiz, udaberriari begira.
Nire gorputza erortzen ari da. Ama kolapsatzen ari da nekeak jota. Nire lehengusuak egunero jokatzen du bizitza laguntza pixka baten truke. Gazako haurrak gure begien aurrean hiltzen ari dira eta ezin diegu lagundu.
1962ko udan, CNT Francisco Franco diktadorea hiltzen saiatu zen Donostian, ETAren laguntzarekin. Octavio Alberola anarkistak koordinatu zuen ekintza, baina huts egin zuten.
Irrintzi eta performance taldeak aste honetan egin ditu grabaketak Paul Urkijoren eta Mursegoren eta Aran Callejaren gidaritzapean, eta beste artista batzuekin elkarlanean, Ibon RG-rekin besteak beste. Sitgeseko zinema jaialdian estreinatuko dute pelikula, urrian.
%37 genero- eta sexu-diskriminazio kasuekin loturik egon ziren, eta aporofobia %33 hazi zen. Gorroto-delituen intzidentzia tasarik altuena Nafarroan identifikatu zuten iaz.
Nafarroako Kutxa Fundazioari esker 41.000 euro bideratuko ditu Palestinara Salam Gaza Gobernuz Kanpoko Erakundeak, umezurtz geratu diren haurrei eskolak bermatzeko gutxienez beste urtebetez. Alor akademikoa eskaintzeaz gainera, babes psikologikoa eta laguntza emozionala... [+]
GKSk eta Etxebizitza Sindikatuak salatu dute Ertzaintzak eta Gasteizko Udaltzaingoak gogor kargatu zutela "giro lasaian" egiten ari ziren ekimenaren aurka. Lau atxilotu, 11 identifikatu eta hamarnaka zauritu utzi zituzten Poliziaren esku hartzeari buruzko bestelako... [+]
40 urte pasatxoko espetxealdiaren ostean, joan den ostiralean atera zuten espetxetik, eta segituan Libanora eraman, bere jaioterrira. Libanoko Frakzio Armatu Iraultzailearen sortzailea izan zen, eta diplomazialari israeldar eta amerikar bana hiltzeaz akusatu zuten. Inoiz ez... [+]
"Pausa taktiko" gisa definitu ditu Israelek. Igandean hasi da eta 35 kamioi sartu dira Gazako zerrendara.
Sendabelarra oliotan beratzeaz ariko gara baina ukendurik egin gabe. Bai, arraroa dirudi baina sendabelar freskoak oliotan beratu, iragazi eta erle argizaria ipinita ukendua egiten ikasi duenari olioarekin beste era batera lan egitea badagoela esan nahi nioke. Oleato edo olio... [+]
Udan, Sargazoen itsasoan (Ipar Amerikako ekialdean) eme bakoitzak 2-3 milioi arrautza askatuko ditu. Baten batek bizirauterik badu, bi hilabeteren baitan ekialderantz igerian hasi eta urte erdi izaterako Azore uharteetara helduko da. Bertan elikatu eta haziko da, urtebeterekin,... [+]
Gabezia, pobrezia eta erromestasuna orokortu ziren. Euskal Herri atlantikoa harropuzkeriaren ur gaineko bitsetan bizi zen. Itsasoz haraindiko merkataritzak, arrantzak eta estraperloak gure iparralde osoko jendartea aberasten zuten. XVI-XVIII mendeak ziren. Meatzariak,... [+]
Urtero bezala, aurtengoan ere martxan dira Araban, Bizkaian eta Gipuzkoan Udako Azoka Ekologikoak. Euskadiko Nekazaritza eta Elikadura Ekologikoaren Kontseiluak antolatzen ditu azokak, Gipuzkoako Biolurrekin, Bizkaiko Ekolurrekin eta Arabako Bionekazaritza elkarteekin batera... [+]
Ituren (Nafarroa), 1777. Erramun Joakin Sunbil (1755-1821) arotza Donamariako Joana Mari Ezpondarekin ezkondu zen. Ia 40 urte eman zituzten ezkonduta, Joana Mari 1806an hil zen arte. Eta tarte luze horretan, noizbait, Iturengo arotzak santu baten kobrezko estatua urtu omen zuen... [+]
Sasijakintsua, jakineza eta franco txikia: horiexek dira aurrekoan Gotzon Lobera jaunak, Bilboko kale batzuen izenak aldatzeko ekimenaren kariaz, Deia egunkarian zuzendu dizkidan epitetoak. Ez du nire izena aipatu, egia, baina neu izan naizenez urte eta erdi luzeko borrokan... [+]