Dantza norbere barrutik hasten delako

  • Betagarri ::Bizitzari txistuka

    Elkar

    iraupena ::53´47´´

    prezioa ::12€

Gasteiztarrek bizitzari txistuka jarraitzen dute haizeari aurpegia emanda eta beti aurrera eginez. Disko hau lokalean bertan grabatu dute eta oso dotorea da. Jamaikako usaina ezin dute gainetik kendu –eta ez dute nahi–, baina oraingoan Kubako maisuen beteranotasuna eta soinua gehitu dizkiete haizezko instrumentuei zenbait abestitan. Bestalde, badira Mighty Mighty Bosstonesen pareko erritmo zoroa duten piezak, taberna zuloetan mozkorrek elkarrekin abestu ditzaketenak –gaztelaniaz–, soul alderdi handiagoa dutenak, rockean erabat barneratutakoak ingelesez, The Clash-en arrasto itzela dutenak eta REM taldearen pareko leloak batu dituztenak ere –ez da broma!–. Baina ez dira aldatu. Eta hitzetan, ederto jantzitako istorio xamur bezain egiazkoak aurki ditzakegu, gertukoak eta tarteka hunkigarriak.

www.betagarri.com
Betagarri
Joe Strummerrek iraultza garrantzitsua egin zuen; ezinbestekoa da musika ulertzeko dugun moduan

“Haizeak ez lituzke eramango amodiozko hitzak norbaitek idatzi izan balitu abesteko”. Gauza asko daude jaso beharrekoak, ezta?


Abestiak egitearen inguruko hitzak dira, eta hainbeste jenderentzat hain garrantzitsuak diren abestiei buruz. Horretaz aparte, oso erromantikoak gara [barrez].

Sweet Mary moduan bizitza bikoitza duzue? Zelan uztartzen dituzue ska tiranteak eta mantal zuria?


Ez da erraza halako bizimodua egunerokotasunean ezartzea: semeak, bikoteak, oporrak... Laster hamazazpi urte izango dira hasi ginenetik eta gai izan gara, nola-hala, bizimodua aurrera eramaten.

Irratitik deika Joe Strummerri omenaldia da? Soinu beltza eta rocka batzeko orduan, eredu dira The Clash zuentzat?


Bai. Strummer oso pertsonaia garrantzitsua izan da musikaren historian, eta batez ere guk ulertzen dugun moduan. Izan ere, musika modu askotan uler daiteke, eta Strummerrek iraultza garrantzitsua egin zuen, gero askok jarraitu zutena. Bestalde, eredu izan ziren estilo nahasketa horretan, baita gizarte-kritika erabiltzen, ez nihilisten moduan, beste jarrera batekin baizik.

90 minutuko zintak. Musikak eta kantek lehen besteko balioa dute gaur egungo entzuleentzat?


Guk lehen ordu eta erdiko musika zinta bat osatzeko, orduak ematen genituen grabaketak egiten, lagunei zintak eskatzen, irratitik zuzenean grabatzen eta “gure” zinta osatu eta maite genuen. Orain, gaztetxoek, pendrive batekin 7.000 abesti elkartrukatzen dituzte, eta horrek halabeharrez, balioa kentzen dio musikari. Tristea da, baina hala da.

“Begiak”, “begirada”... askotan agertzen dira hitzetan. Begiekin “entzuten” duzue?


Pertsona baten izaera begietan laburbildu daiteke. Zaila da begiekin gezurra esatea. Neska batek daukan ederrena begirada da. Aspaldian taldean erabiltzen dugun esaldia “la vida es fijarse” da; eta egia da, begiak zerbaitetarako ditugu. n

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude