Kataluniako Autonomia Estatutu berria 2006ko uztailean onartu zuten katalanek erreferedum batean, aurretik Espainiako Gorteetan araudiari hainbat moldaketa egin eta gero. Proiektua gauzatzen Generalitatean CIU zegoela hasi bazen ere, Pasqual Maragall-en Gobernuarekin eman zitzaion behin betiko bultzada. Erreferendumean ERC eta PP kontra azaldu ziren arrazoi oso ezberdinengatik.

Estatut-aren onarpen prozesuak eztabaida sutsua sortu zuen Kataluniako eta Espainiako esparru ezberdinen artean. PPk, Herritarren Defensoreak eta hainbat autonomia erkideok errekurtsoak jarri zituzten Konstituzio Auzitegian araudiaren kontra eta Auzitegi hori deliberatzen aritu da hainbat urtez. Erabakia “laster” hartuko dutela esan du auzitegi horretako presidenteak.